iamsiuyuet 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-07-16
去完金鐘睇鴨仔 想食泰菜就諗起呢間之前同同事聚餐食過都唔錯~ 今次2個人 冇嗌到咁多野食 不過啲野食都keep到水準 ~好味🤤 叫咗4樣嘢食 柚子沙律🥗 清新少少微辣 開胃一流 串燒 中等 肉質唔算好juicy 但醬汁唔錯 冬蔭功湯 2個人飲 ~每人飲到2碗左右 仲有幾隻蝦🤩 係飲到尾有少少咸 最後 小曼谷炒飯 好大碟~都幾多料 食落乾爽有咬口 不過真係大碟得濟食唔晒呀 整體來講 食物中上 價錢合理 但一大班人食會開心啲 下次嚟開銅鑼灣想食泰菜都可以再食呢間~ 推介美食: 冬蔭公湯, 小曼谷炒飯
評分: 味道 4 環境 5 服務 4 衛生 4 抵食 4
2021-12-21
店舖位於海天晉滙商場內 叫咗一打daily fresh oysters $498 少少海水味後帶鮮甜味 另外叫咗一個Christmas set for 2 $1088 前菜要黑毛豬火腿配蜜瓜 火腿味道回甘 香煎鵝肝 油脂味配脆薄多士 蘋果蓉 龍蝦湯 正常水平 偏濕潤既南瓜意大利飯 唔太膩 威靈頓牛柳 普通 可能因為飽飽地 Tiramisu 唔太甜 原本話飽都食哂成個 整體 抵食 環境好 服務都唔錯 侍應都有留意客人進食情況 菜做到一道道上 唔會趕住上菜/等好耐都冇下一道菜 會有下次 推介美食: Daily Fresh Oysters
評分: 味道 4 環境 4 服務 5 衛生 4 抵食 5
2020-01-07
一行三人 臨時約出嚟食個飯見到呢度幾多評價都唔錯 所以試一試 可能因為入座時間早 間舖完全冇人客 都以為係伏 不過都俾個機會入左去 結果食物賣相同味道都唔錯 份量又足 👍🏻👍🏻👍🏻 起菜碟碟都熱辣辣 絕對值得再試👍🏻 個蜆肉意粉好有心機 排到靚靚出黎 薄餅用料足 味道亦唔錯 食得出牛油果幾新鮮 下次會再去試下其他 見到隔離枱有人叫Naan都唔錯咁 侍應不停會 refill 水 👍🏻 再晏啲都有人入座 傾計都舒服 😌! 無加一 推介美食: 牛油果薄餅
評分: 味道 5 環境 4 服務 5 衛生 4 抵食 5
2014-11-05
朋友係天后呢頭返工 甘岩我係天后有野做 就順道找佢食個午飯 行左一個圈大坑 最後鎖定目標黎左呢度 舖面較細 但都幾骨緻 我同朋友都叫左最basic 豬骨湯拉麵 另外再加隻蛋~ 五至十分鐘度就黎喇 我要左硬麵 睇落好似size普通 但係對女仔黎講就岩岩好有突喇! 飲啖湯底 唔會死咸 飲左亦唔會好口渴 叉燒肥肉部份唔會食到成口油 而且冧冧地 隻蛋就非常正吖 流心好味 呢間店雖然淨係得拉麵 但因為專注一樣野可能更好 唯一唔好既係 此店門冇裝玻璃 出面有人食煙會好大怎味 所以呢度扣左啲分呀
評分: 味道 4 環境 3 服務 3 衛生 4 抵食 4
2014-10-27
見到開飯喇啲評價唔錯,就約左個朋友黎試下 是日選擇左1800-2015 呢段時間,我地兩個人但安排左我地坐四人枱,非常好呀! 唔洗咁迫,枱面一定夠位放野食! 甫入座,每人送一隻特大甜蝦一粒帆立貝~ 好鮮甜好新鮮! 刺身全部都幾好,起碼唔腥先啦,帆立貝繼續好鮮甜,甜蝦細隻啲啲,但一樣味美,反而第一次見咁既顏色的北寄貝! 最驚喜係海膽軍艦! 超鮮甜 而且份量足,飯亦唔大舊 真係超值! 花之戀就真係第一次見無飯version 蕃薯仔,菠蘿都好好味,係翠玉瓜有怎油味 麻麻地 另外仲叫過日式蒸蛋,不過味道就普普通通,元氣的比較滑同好味 見到有牛乳湯同黑松露忌廉湯亦各叫一客,但牛乳湯淡忌廉湯濃,試左mix埋一齊反而岩岩好! 火炙壽司既三文魚都唔錯~ 不過無影到相就落左肚~ 甜品就見佢話係日本空運,全部叫左一球,有芝麻,綠茶,柚子,豆腐。個人就比較鍾意柚子,少少酸酸地,幾清新! 原來呢間放題開業三個月,由25/10-7/11 做推廣,全枱客人like Fb page就可以有優惠! 今晚有9折! 推介美食: 海膽軍艦
評分: 味道 4 環境 4 服務 4 衛生 3 抵食 4
|