榤日本料理 (天后)

今日lunch食好d！
叫左呢個極上角切魚生飯套餐
一開始有2道前菜，係沙律同埋韓式淹菜
都係清清地，幾開胃～

飯就太約等左10～15分鐘先有
不過一黎到，都覺得好值！
賣相好好，擺得好靚

“撩”開少少睇，d飯唔算多！d魚生嘅比例超多！
仲要粒粒都好鮮甜，好大粒，感覺一啲都唔孤寒
仲有好多都係貴價野～
池魚，吞拿，章紅好多都有
最後我仲要係食晒d飯都仲未食晒d魚生
再逐粒逐粒慢慢嘆，正！仲有埋一客蒸蛋，好滑，有蜆味～ 不過已經好飽啦，都食唔晒

最後仲有甜品選擇，有雪糕/雪米磁～

我揀左柚子雪糕～ 係日本嘅味道
好滑，有粒粒柚子係入面，好fresh，唔知係街有冇得買呢～

Flame at Towngas Avenue (尖沙咀)

都係聽朋友講話幾正,其實都唔知有咩好食. 同男朋友早3日用table map book左,有85折 一上到黎,個感覺真係好舒服, 冇強國人,好靜!好舒服 !如果happy hour 都唔錯！目的地就係左邊, 入到去安排咗窗邊位俾我地,望icc,圓方個邊, 加埋icc有時有d燈光效果,真係好正!!!
同男朋友黎真係冇錯！打開menu，有我最最最最最最最最like嘅菇，二話不說咁點咗呢個set， 減肥中嘅食肉獸男朋友都好肯配合哈哈哈雖然另外有咖啡或茶～但係我地都叫咗2杯野飲 呢個係頭盤，放得好有心機 上面個個係千層麵加埋d雜菌，好有田園感覺，好fresh！ 跟住右面係雞油菌蛋撻，真係expect唔到係呢個樣，1d都唔油，菌味好香！最後左面個個好正架！加咗少少黑松露，味蕾即刻有陣香味爆出黎！3個最like呢個！男朋友都話呢個好難忘！然後上左個chowder soup，份量睇落好似好少，但係個碟都幾深，個湯都幾飽肚 味道方面black truffle個味last得好耐，湯入面有碎粒，味道夠晒濃，黑松露我愛你！

飲品是咁的
上面是 Kiwi World
下面是 Wildberries呢杯 d有乳酪味，milk shake咁！好好飲！跟住我叫咗個魚，男朋友梗係叫牛啦，大家可以交換食呀嘛！ 我出街都好鍾意食魚，因為平時番工帶飯一定冇呢樣餸。劍魚柳好厚＠＠真係估唔到！黎到個陣真係“嘩”左一聲….上面既芝士粉同麵包糠同魚都好match，魚既texture比較實，真真正正嘅魚扒 中間會比較raw1D，配埋下面d蠔菇忌廉汁又多一個層次感。

男朋友個牛都好正架！！牛肩肉位超嫩口，油脂分佈都多架！咬一啖個陣“牛”味真係好滿足，去完日本之後，好耐冇食過呢個感覺嘅牛啦！不過食完真係要飲番啖水先可以食番我條魚囉！連伴係牛扒旁邊既黑木耳同薯仔粒都好好味,俾我食晒！救命連甜品都可以放黑松露，好有創意！
講真，黑松露既甜食真係未試過！ 放入口,成個口都係松露味!!好感動既感覺,同埋“梅”耐d係會食得出個白朱古力味 再試埋點佢旁d醬,係牛肝菌味.... 將呢2隻“重口味”既東西放埋一齊真係好衝擊..
不過我男朋友就唔太好白朱古力...因為比較甜...食唔晒 好㗰呀！

OPEN RICE TABLE MAP BOOK 有85折架！！ 抵好多！

稜閣屋 (九龍灣)

今日放早去左試新野! 淘大呢間RINGER HUT!但出面勁多人囉!!! 環境都幾舒服, 幾鬆動~~ 是這樣的卡位! 仲有唔同吧枱!我地叫左雙倍野菜($59)同普通($49),等佢地一較高下! 好明顯! 雙倍野菜大勝….. 仲有少少擔心食唔晒….其實都係蝦,椰菜,蝦,栗米,芽菜,肉絲,仲有D 關東煮,鳴戶卷~ 但係咬落每一啖都係唔同既配料,1 D都唔會悶!反而感覺更豐富!即係好似食楊洲炒飯咁, 食到尾都仲有腸仔,蛋絲叉燒陪住你, 有時叫個豬扒飯, 食完塊豬扒, D飯都唔知點算好…. 麵條係粗車, 都算彈牙, 我諗係因為要配合D菜而唔用幼身拉面 碗後面個2枝唔係野飲,係跟個大size麵先有架，普通就無喇 T^T 一個係柚子味,一個係黃薑味 個人勁LIKE柚子! 倒左一大匙! 飲埋個湯酸酸地, 但係之後有柚子味~ 變左第2碗麵..

最後, 1個人係食唔晒雙倍野菜架……. 我諗2個人SHARE都冇問題 T^T 雖然個胃腩已經出晒黎, 但係見到甜品又變多左個胃出黎 呢個係杏仁布丁~$18 賣相就普普通通, 都係個隻杏仁味, 冇錯架LA! 但係佢食完之後仲有陣好香甜既牛奶味!!! 食完一啖又一啖…… 好香! 正! 推介!

天后甜品 (天后)

今日帶大家黎到天后區食糖水~仲有好多好多串燒~~ 燒黎岩岩好, 又唔會太乾!
最正係金菇肥牛卷, 佢入面d 金菇係大粒個隻,而且好爽~份量剛剛好!
仲有燒蠔, 有3隻唔同味揀, 我自己食左芝士味 , 隻蠔size都起碼大過隻手指公~好有肉! >3<
然後仲有不可缺少的甜品~~1個係芒果白涼粉, 1個係oreo木糠布甸~
芒果汁底好杰身, 用料足, 應該冇溝水~~很甜!
反而超有驚喜既係個木糠布甸, 本時食個d 一整就會變到散晒, 唔知似咩~~
但係呢個creamy得黎仲唔會散, 仲要超級滑, 同平時食個d真係好唔同~~ 下次一定會再嗌~

仲有得嗌啤酒~~正!
不過要留意番點完野食之後就會收錢

新羅寶韓國餐廳 (銅鑼灣)

Last Friday night, I had a such fantastic dinner. I had a dinner with my old colleagues. It was 7 people gathering. One of colleagues suggested a Korea restaurant, call Sorabol. My colleague said it has a branch in Beijing. It is very famous in Beijing too. The interior design is comfortable and has a feeling of tranditional Korean style.

We ordered a dinner set for 6 pepole, it is included seafood pancake, short rib, chicken, scallop ,beef home-made noodle. Form appetizer to main course, and dessert, I can feel how prosfessional they are. All food is delicated. I really like the short rib, it is fresh , it is soft and juicy. I really appreaciated the beef home-made noodle. The waitress cooked it in front of us, and served each of us a bowl of noodle. She was like a traditional Korea cooker. I can taste of tranditional Korean taste through their food, service, and consideration.