rainbow008 等級2 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2022-05-10
今次完全係俾d正評呃晒 我expect係一個high quality brunch 屋企人話連大喜屋都比唔上 首先一坐低話要杯茶都要$10/位 你收緊$548/位連茶都唔包真係極小家 佢既玩法係menu所有嘢都嚟一round 基本上佢嚟完一round你已經飽飽濟濟 無戰鬥力再re-order 😑前菜 - 正常，但「鱈長蟹腳沙律」唔知點解會係一碌蟹柳蔥卷，勁難食 🙄刺身 - 師傅刀工一流，刺身全薄切，魚類刺身係正常日本餐廳1/2 到1/3咁大片倒啦，北海道帶子都片開左一半。最回本應該只有牡丹蝦 😑卷物 - 無邊隻特別好味，感覺係用一堆飯質飽人 🤮炸物 - 芝麻雞翼炸到油淋淋，見倒都唔想食。炸蝦完全無味，唔點沙律醬連咸味都欠奉 😑串燒 - 推介黑豚肉腸，食落同金妹牌迷你芝士腸無異 食左成餐，想搵碟菜/沙律/串燒冬菇之類消下濟都無 🙄Ending既甜品都幾hea, 一定唔係日本哈蜜瓜+西瓜+火龍果+綠茶麻糬+mini芝麻大福+咖啡味卷蛋，質素係大x屋放响甜品櫃任食嗰種質素 總結係唔值+失望+唔會再幫襯 
評分: 味道 2 環境 4 服務 3 衛生 4 抵食 1
2022-01-10
星期四訂蛋糕星期五要拎（寫埋字），原來都唔係間間做倒。唔想幫襯美心集團，問左幾間得Nina Patisserie話做倒。一磅蛋糕要$338絕對唔係平，自己衰last minute先訂都要照訂啦😛 打開盒第一感覺係：蛋糕好靚，但手字好核突🥲 完全破壞晒整體美感，建議搵個寫字靚d既師傅寫，一係學聖安娜印出黎會好d囉。但我見雪櫃有其他預先寫定既Happy Birthday牌d字又ok靚🤷🏻♀️ 講番個榛子朱古力車厘子慕絲蛋糕，我覺得朱古力濃度有60-70%，唔會好甜，好好食， 第一次連圍住蛋糕既朱古力片都隊晒😂 蛋糕外圍同面層都係朱古力mousse, 正常好食。下層係朱古力蛋糕，夾雜左榛子果仁令口感更豐富，蛋糕中間有層薄薄既cream搽左薄薄既車厘子醬，唔會藥水味，酸酸地平衡番mousse既甜，非常之夾👍🏻 平時好少寫食評，見無乜人寫就俾大都參考下 外型：9/10 味道：9/10 朱古力牌：2/10 服務：8/10 
評分: 味道 5 環境 4 服務 3 衛生 5 抵食 4
2020-05-16
Weekday放假想搵間cafe hea下，去咗大坑Second Sxx 遇著個勁無禮嘅店員  ，搞到一肚氣，於是就上app是但book咗間cafe。店面細細坐滿晒，當時得一個男店員，我叫咗杯latte & 炸雞waffle，等咗陣latte先到，大係大杯，但無哩咖啡味，過左半小時餓到打鼓，杯咖啡都飲完先同我講話無晒牛油果醬，重新整要等好耐（我真係唔明整個醬要幾耐），遊說我叫第二樣，咁我又想食waffle又想食雞咁點好？咪叫雞翼，再叫多份Oreo waffle囉（肥到極致之組合）⋯⋯ 等咗幾分鐘，另一個女店員先上waffle，外型就夠晒呃like喇，但食落好似成口沙咁，一粒粒糖根本唔溶，有D仲大粒到可以lun番出嚟，真係要俾個  你！咁簡單既waffle都可以整到咁，咖啡又唔好飲，咁嘅 cafe就算有折我都唔會再幫襯 唯一OK係碟雞翼，唔點sauce都夠晒味。
評分: 味道 1 環境 4 服務 4 衛生 4 抵食 2
2020-05-16
以前鍾意去旺記食豬潤通，樓下冰室開咗之後就徹底變咗心lu~ 佢個蕃茄湯底真係正，食完又唔會口渴，相信真係無落味精。相比起勝香園、華嫂、旺記個蕃茄湯，真心覺得呢個係最好，其他都偏稀或偏酸。 平時weekend 3、4點去一定叫瑞士雞脾+蕃茄通。今次去食早餐估唔到都勁旺場，全場爆滿。蕃茄湯底Keep住一貫水準，無令我失望，不過$43食個早餐算係偏貴。 通粉好似唔駛錢咁，多到食唔晒⋯⋯下次走埋厚多士唔好浪費😛
推介美食: 特色蕃茄濃湯通粉配牛乳炒蛋 評分: 味道 5 環境 4 服務 4 衛生 4 抵食 4
2018-07-09
睇飲食雜誌而黎，深感中伏 茄湯唔熱，牛肉唔熟 Pink到忍唔住問侍應哥哥：你d野唔多熟喎 哥哥話：我地呢度係7成熟 原來茶記都興serve medium well? 恕我孤陋寡聞😒 哥哥西西地面話換過一兜茄通俾我 我話唔要，要腿通，點知你會唔會又唔熟 佢話唔得……ok fine…… 但最後上檯係一兜正常熱既腿通 同場加影其他食客食剩既圖片，證明唔係得我一個覺得呢間野以後都唔駛再黎😑 #唔熱唔熟咩藍帶廚師 #碟頭飯係輕食份量 #大家留意番 #人龍好快會消失 #年輕店員不及茶記阿姐 #又唔醒又無禮貌食到一肚氣 #背對背親密座位 #食餐飯要起幾次身唔該晒
推介美食: 完全唔值得去 評分: 味道 1 環境 1 服務 1 衛生 1 抵食 1
|
0次成為首位寫食評會員
食評數目
編輯推介數目
0
會員推介次數
5
人氣指數
1110
留言數目
上載相片
上載影片
我推介的食評
我的餐廳
關注
1
粉絲
10
