丹麥餅店 (銅鑼灣)

睇見呢間咁多人讚﹐又有飲食節目介紹過﹐

一直都好想去試﹐今日終於有時間去買左個豬扒包($15)試下﹐

由於無人既關係﹐我一俾完錢就有得拎。

首先一摸上手個包已經吾熱得反少少暖﹐拆開一望已經失望﹐個包已經細個﹐塊豬扒仲細過個包-_-豬扒既厚度非常薄﹐咬落去食吾到肉既口感﹐只有又凍又硬既粉﹐

都吾系openrice d評語咁講即叫即炸熱辣辣成個包只有沙律醬系好味﹐面包非常一般亦稱不上鬆軟 !

吾知系宜家做得比以前差左定系一直都咁差﹐完全吾覺得有咩值得讚。

真心講句﹐m記既$8包仲好食過呢個豬扒包多多聲﹐仲要平成一半價錢。

來來重慶雞煲火鍋菜館 (太子)

同個friend即興諗住食雞煲,打電話問下mami邊到雞煲好食,
佢介紹太子呢間,仲預先去定排隊等位,我地一去到就有嘢食拉,thank you mami
一行三人叫左一隻雞(中辣$178/$118半隻),一開蓋已經聞到好香！D醬料好香好夠味,但略嫌隻雞吾系好入味,但整體泥講都好正
中辣食落都吾系好辣,我個friend吾系好食得辣既佢都話okay
食得七七八八就order d火鍋料加湯打邊爐拉:
西洋菜($2x);唐生菜($2x);金菇($2x);烏冬($2x);鮮蝦雲吞($3x);魚皮餃($3x)
跟住叫左三樣嘢飲: 忌廉($12);支裝竹庶茅根($14);支裝銀x露($14)

每樣都okay,但個湯愈滾愈辣,加左好多次湯都系好辣！
我夾起煲入面既辣椒,足足有一碟咁多
特別系d菜同烏冬,入哂味,好辣！
食到我地三個条脷痺哂個咀腫哂
埋單$391,三個人每人$130,好抵！
會再泥食,但下次都系叫小辣先,免得佢愈滾愈辣

MoMo Café (西環)

今日父親生日。 有現金卷所以去呢間酒店食飯
我地4個大人2個小朋友，本身諗住吾食自助餐叫單點，
但見佢餐點好少選擇就問下個侍應[可吾可以叫3份單點 3位自助餐再share食牙？]
佢話可以，咁就開始拎嘢食拉：

先講下單點食物($195 @1)：
羊膝：好蘇
牛扒：叫4成熟，但佢俾左起碼7成熟，好硬，同無乜牛味
豬肋骨：呢個反而好食好多，烤得好香又惹味，點埋個燒汁，正！


講下自助餐拉：
沙律方面好出色亦都好多選擇：
醬汁有5款；加落d沙律到食好味好多，特別系隻胡麻醬
蔬菜都有5款；配料有成廿幾款：荔枝 椰果 罐頭桃 蘆薈 提子乾 果仁 杏仁片 核桃 粟米仔 蕃茄仔 西蘭花 粟米粒 青瓜等


海鮮吾多，有：
翡翠螺：幾鮮甜，但有沙
長腳蟹 ：拆殼後d蟹肉痴實哂個殼 味道一般雪藏味重
青囗：無咩味道 可以吾試
凍蝦：爽口

熱盤吾多，八、九款：
薄切西冷牛扒：好juicy！加埋個醬汁好好味
咖喱牛腩：水準高！咖喱香濃；薯仔炆得入味；牛腩焾
日式炸豬扒：又乾又硬
白汁龍脷柳：滑得泥無雪藏味，但鹹左d
炸薯角：好乾
炭燒豬頸肉：無炭燒味，普通豬肉味
中東燒雞：香、雞肉入味
另外仲有2款炒飯但無試到，熱盤真系好一般



湯有2款：試左個西蘭花忌廉湯，難飲，好鹹

車仔面檔：有7、8款面：生面 菠菜面 芝麻面 等
菜有3款，仲有腸仔 墨魚丸 冬菇 蟹柳 炸魚片 叉燒 等
簡左清湯，good！個湯清淡得泥好鮮甜，值得一試

甜品吾多：
6款蛋糕：黑森林、粟子蓉朱古力、芒果慕絲：同街邊買既蛋糕無分别
啫喱、布甸：一般
豆腐花：好滑！食左2碗
雪糕有4款：朱古力、蜜桃、綠茶、芒果
蜜桃最好味，好香！

水果有4款：
西瓜：甜、多汁
哈蜜瓜：超甜又多汁，食左好多！
蜜瓜：完全無味！好似食緊青瓜咁-_-
火龍果：無咩味

講完食物拉，坐坐下左腳開始好痕，一睇有4粒好似俾蚊咬咁既印，坐坐下又多3粒
原來系d地毯有蚤，痕死我！搞到我全晚都坐吾定！
到埋單拉，張單2千幾，問佢點解多左咁多錢，佢話計左6位自助餐 3份單點，
問佢點解計多3位自助餐，佢話因為6位都食左自助餐所以要收6位價錢
一早問左佢地可吾可以叫3份單點3位自助餐share食佢地話okay先咁叫，
如果share食要收6位價錢既話佢地應該一早同我地講吾得牙ma，
如果系一開始溝通出現左問題，佢地睇住我地食左咁耐完全無通知過我地，
系咪應該過泥問句[您地淨系落左3位自助餐，宜家您地6個人都有食咁要加反3位價錢wo]
但佢地完全無通知過，等我地食哂埋單先話我地知加多3位價錢落去，咁做好過份囉，咁樣同陰我地有咩分别？
同個高高瘦瘦戴眼鏡著黑色衫既部長理論，佢又話要問上司又話要遲d先答覆一直拖！
最後都俾吾到答覆我地，父親話生日飯就算拉，我地就咁要俾多筆錢出泥

開開心心去食餐生日飯搞到咁掃興！就算呢到價錢平同欣賞個沙律我都吾會再泥！
環境污糟，全晚俾蚤咬到痕足成晚，仲要隻腳花哂
D員工又乜都吾知，個個反工好似遊雲咁！black list !

2000円料理放題專門店 (旺角)

見到有咁多好評,就同埋老公+佢d fd去試下.
book左10點鐘,1行4人,我地遲左幾個字到,
去到都無乜人,一坐低我地就點野食.
野食尼得好快,俾完紙幾分鐘就到哂咁制.
講下d 野食先 :
刺身
果個盤真系好令,但d刺身就吾新鮮!
芝士帆立貝
淨系表面有層芝士,無芝士味.
牛油焗金菇
得個咸字!
芝士焗大蝦
蝦吾新鮮,梅既!
炸蠔炸蟹鉗庶蝦
幾好食,本人特別偏愛庶蝦
清酒煮蜆
無味,但總算無沙.
有一個吾記得叫咩炒牛肉
好好味,我老公話送飯一流
鐵板牛柳粒
幾好味,我老公好中意尼樣!
牛舌
我覺得一般,但老公其中一個同事中意.
芝麻八爪魚中華沙律螺肉
味道吾錯,同出面食到果到無咩分別,但我偏愛元氣既中華沙律
冷烏冬
烏冬好好口感,但我覺得吾好食.
串燒 : 雞軟骨,雞翼,雞肉
好味,我地叫左好多轉
野飲方面 : 我幾中意果到既凍檸茶(少甜)

尼到款式系比其他放題多d ,但味道真系好一般!我吾會再尼食,
值得一讚既系果到既侍應個個服務態度都好好,又有笑容

Pancake Colours Cafe & Bar (銅鑼灣)

好耐未試過同老公二人世界,果日去老公公司等佢放工之後,
老公話帶我去一間"好正"既餐廳食野`
老公訂左位,我地八點半去到,等左五分鐘到入得`
我地好好彩可以坐吊住果d波波椅,好好玩
餐廳環境好令`我好中意!
我叫左忌廉海鮮寬條面,老公就叫左海鮮燴飯`
另外我叫左杯含酒精飲品,老公就要左青蘋果果茶.

一開始尼左忌廉湯`幾好味.
之後尼主菜,個意粉忌廉味好濃,好味道!海鮮亦有好多款`
不過對我尼講份量太多.我食左一半就好飽嚕`
而老公個飯我就無試到,不過老公話都幾好味.
野飲方面,我杯野飲酒味好重,我飲左一啖就飲吾落拉.
所以同左老公交換,青蘋果果荼好好飲,果味好重好香,
仲要吾系一杯過咁樣,面系俾個荼壺同茶杯俾妳自己慢慢"針"尼飲.
感覺好寫意.g00d
甜品方面賣相美,味道亦吾差,仲有好多水果.值得推介!

要讚既系 : 相同實物系一樣的.相影得好美.尼到都系咁美.同相無咩分別

我一定會再去食