一直都唔寫食評, 今次真係迫我出手了~ 買左團購coupon $114每位, 去到再另收$17 加一費~ 一路都好想試下呢間店, 好似好抵食咁~去到6點, 係晚市既第1 round, 心諗應該俾d新鮮食物我食喇卦~點知d食物質素真係好差, d所謂既刺身, 好唔新鮮, 由其係三文魚刺身, 勁細塊又好碎, 一睇d色澤就已經知, 食落口仲要係覺得霉霉地, 好似變壞左咁~ 老媽子食左幾片, 就唔敢再食, 話驚肚痾.....

d 雞肉, 肥牛, 牛柳, 金沙骨, 真係又係好唔掂, 由其係d 牛柳, 金沙骨, 有咩理由冇醃過, 就攞俾人燒架, 食落口係無味架....

d 肥牛算ok啦, 不過都係d渣野, 同埋有d太肥, 肥到你見到都唔想食~　d 雞肉呢, 佢俾哂雞胸你, 雪藏雞黎, 燒完又硬又鞋口又霉既
燒既野, 最安全都係食腸仔, 魷魚囉

咁都有個似係燒鏝魚既手卷& 雞腎係ok好味既~

仲有, 佢出食物真係出得好慢~~搞到我地最初嗌左好多壽司,等左好耐無黎又再嗌過, 卒之, 食到尾水, 先捧黎一大盤壽司.....真係, 頂!!!! 想唔side野都唔得....

呢餐生日飯, 唔覺得好抵食，食到我想喊........ 2位生日主角既面口就唔使講添啦~ 冇下次架喇~

行過見到幾間細細的舖頭，成日都有超多人排隊，好奇之下一試～真係好正～豬潤好新鮮，好好味！雖然面係公仔面，但係個湯底好特別，　唔係味精湯，食完唔會頸渴～下次會試埋咖央西多士，見到好多人都有叫黎食，　好似好吸引