Melodyuki 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-01-09
九流晚餐後,朋友提議去HeSheEat食甜品 9:00PM啫,門口已經大排長龍咪以為得門面咁少位,原來有樓上0架,可能我哋只係兩個人,唔駛10分鐘就等到位---搭枱 Meun都好細心圖文並茂,個個都好吸引,唔係食物吸引得滯,係器皿好別緻 我當然揀我最愛0既朱古力味喇個杯好靚呀,我都好想擁有一個。 有好多層次,一個雪糕球,上面有好多脆脆+nuts,底層有奶凍,味道唔太濃,入口都好有黑朱古力味,我鍾意,食完就覺得真正飽lu! 朋友綠茶奶凍同朱古力奶凍好唔同,脆脆唔同,但我唔知咩唔同,總之都係好脆!至於底層應該係奶嚟0既。 無所謂,轉枱又唔會收貴啲0既,侍應哥哥都好禮貌,幫我哋拎嘢。當我哋食食吓時,有侍應送上一壺花茶,我哋話:『我哋無叫』,重以為係轉枱前者所叫,跟住侍應哥哥就同我哋講:『送比妳哋0既』 嘩,轉枱舉手之勞啫,太客氣了HeSheEat,真係超有禮貌,好似去咗五星級酒店,多謝!
評分: 味道 3 環境 3 服務 5 衛生 4 抵食 3
2014-01-09
餐廳由好朋友選擇,相約食聖誕+新年飯,book咗7:30PM,我早到望入餐廳唔大, 已經有兩枱客,但好光猛。 向侍應落order,一埋嚟完全零出聲,唔理照order,侍應抄都唔駛抄低又唔重覆我哋order內容就咁就走咗去...... 真係即整架,熱辣辣,食物亦放得好別緻,個皮脆卜卜饀真係幾辣,加上酸汁重正 比起烤雞餅意粉無咁辣,汁唔會太多,醬住個口,碟就超大,份量少啲囉 一份兩隻,都算大隻,就算係芝士焗,但都唔覺得滯 食完諗住叫甜品,但款式真係好少,得四款,所以我哋決定去第度食甜品 要加一,埋單時同朋友商討好唔會比tips,所以找錢我全數攞晒,可能侍應見到我同朋友喺度執緊銀包以為我哋摷tips比佢,sorry呀,你諗多咗,服務態度咁差,無禮貌、無笑容重想我比tips...本來想比哈哈大笑,但服務態度扣咗好多分,改善吓啦! 推介美食: 墨西哥香辣烤雞餅,威尼斯芝士焗帶子
評分: 味道 5 環境 3 服務 1 衛生 3 抵食 2
2014-01-08
相約兩個好朋友預早慶祝聖誕節兼交換聖誕禮物,一早已經book好lunch食放題燒肉 以為喺正雅蘭中心,點知原來要兜番去另一邊至去到目的地,不過都唔算難搵。 我哋好準時中午12:00入席,可以食到15:00,一個客都未有,員工應該都係啱啱開工。 不過樣樣都唔錯,唔會太"UN" 不過刺身款的確唔多,講真,如果每位加$30先有得食就唔太值lu~(看看題外話吧!)~ 雖然星期日,但到15:00走人時都唔係full,最後重每人送咗杯雀巢雪糕 午市放題每位$138+$30刺身+10%服務費 題外話/補充資料: 本來加$30刺身應該係每枱每位都要加,但我哋偷聽到某侍應喺另一張枱(2位)可以free1位,我哋就膽粗粗問侍應,佢都肯free1位比我哋,YEAH!推介美食: 海鮮類,鮮肉頪
評分: 味道 4 環境 3 服務 3 衛生 3 抵食 4
2013-11-28
原本今晚相約男朋友試新嘢,兜咗幾個圈依然好多人,所以決定選擇格離川味美食食米線,有位呀嘛 我揀咗酸辣炸醬紅薯寬粉+雲耳+魚皮餃(兩粒),小辣,好大碗,好多雲耳同配菜,估唔到小辣都幾辣吓 跟餐重可以加$5有一支豆漿,無錯,係一支咁抵,有黑白揀O添~~
評分: 味道 4 環境 4 服務 4 衛生 3 抵食 3
2011-06-11
同妹妹去食午餐,周圍都好多人,兜咗一陣最後去咗連城搵食,一樣咁多人,度度都要等位我哋攞咗冬蔭公公同另一間食韓國菜o既等位飛,睇吓邊間快有位就去邊間,最後冬蔭公公跑出了 坐位應該約有50位,但位與位之間好親密囉,感覺有啲迫 妹妹第一時間就話想食薯仔薄餅,我就想食冬薩公麵,揀咗好耐先落單 幼薯粉(免一款麵類),我再加咗兩款餸 +$4 竹笙 +$6 BB粟米腸 麵底唔算多,好多花生同粟米,冬薩功好夠味,正!最搞笑係以為BB粟米腸係好細件,原來係好大約直徑兩吋圓型,不過切得好薄片,味道都係腸味,無乜特別
評分: 味道 3 環境 2 服務 2 衛生 3 抵食 2
|