下就去朗豪坊行...又唔想去food court食個d鍋飯...又貴又唔抵食...
所以就行去對面個商場食和民....
一行兩個人...叫左2個set lunch share....

饅魚石頭鍋飯
饅魚份量好多...如果個饅魚汁都多返少少就更好....
石頭鍋飯個特別之處就係d飯焦....真係好好食...
總結個石頭鍋飯都幾香....

漢堡扒鐵板燒
份量岩岩好...唔太多又唔太少....味道方面個肉味幾濃...都幾juice下...
個薯溶都幾好味....唔太粉又夠味....配埋個磨菇汁一齊食真係一流!!!!

跟餐沙律
冇咩特別...不過個麻油味好重....好唔好食就見人見智...

柚子疏打水
呢個係至愛...次次去和民都會叫..不過唔太食甜ge人可以叫佢拎定杯水開淡d...(1杯~>1.5杯)

環境
岩岩撞正佢裝修....食食下有d油漆同天拿水味...好彩佢一陣就冇左....不過就扣左分

服務
人手唔係好夠....d人行黎行去好忙咁...次次叫人都要等佢轉個頭先返黎....
不過d員工個態度都幾好....服務方面都係可接受的....

價錢
以旺角黎講係十分抵食的....2個人運埋加一都係$110到....
總好過係food court食....又有前菜又係野飲....抵!

為左睇反斗奇兵3....決定係奧海城到食埋晚飯....
上次去過上水分店...今次繼續幫襯....
雲吞河蕃茄湯底
上次試左個魚湯....今次就試下個蕃茄湯...
兩者比較下真係各有各好...
蕃茄湯比較清淡....但感覺上幾健康....
同味千ge蕃茄湯比更勝一籌...值睇一試!
雲吞就冇咩特別...料幾足...一碗有5粒...份量都唔差
河粉方面就冇個米線咁吸引喇....都係米線好食d!

紅燒牛肉米線魚湯底
紅燒牛肉份量多...不過味道麻麻...唔夠上水個雞翼好食....
米線魚湯底我就冇試到....不過男朋友話都係差唔多....
老水豆腐
冇咩選擇之下揀左個小食....
味道偏少甜...豆味比"老"水味更特出...

p.s 駕車人士記得埋單個陣拎張收據...可以懢返幾十蚊....

2個人叫左2個下午茶餐...

豬扒米線魚湯底
豬扒幾夠份量...但略為粉左d....
米線唔錯...個質感岩岩好....唔太硬又唔太林
魚湯幾正...味精唔算多...起碼食完唔會好口渴....幾鮮甜

雞翼米線魚湯底
雞翼都幾入味...個人覺得好食過豬扒

凍奶茶
落單個陣叫左少冰....
點知拎返個陣d冰仲多過平時...
真係成杯都係冰

服務唔錯....叫人好快就有人應...

價錢都好經濟...2個人埋單50蚊到

官也街係第一站食野ge地方....

因為計劃好手信係尾站先買....
所以只係同男朋友一人一個葡撻過下口引先...

葡撻($8)
其他係大三巴下面條街($6)同新馬路($10)都有食到....
不過鉅記ge係最好食...
味道比較上香濃d...比kfc好食....而且都幾新鮮....
出爐冇幾耐就賣哂....
係大三巴鉅記都買多一個....實在好食!!!

p.s 如果唔趕時間...等2分鐘~3分鐘....食岩岩出爐個批葡撻會好食d...

下就4點幾5點先去到...人唔算多...間鋪坐滿一半人到....
呢間主要都係食下車仔麵咁...一個一個餸咁計錢...
先揀餸同麵...之後就俾左錢先...最後先搵位坐...

我就食左牛腩河...
牛腩: $6 口感麻麻...略為林得滯....反而個牛腩汁唔錯...
河粉: $7 普普通通....冇咩特別....

我男朋友就點左好多餸 (大概記得ge餸)
豬皮: $6 幾入味...
魚旦 $4 味道冇咩特別...同街邊個d差唔多...不過幾彈牙...
雞翼$6 2隻雞翼...似係街市燒味檔買返黎...因為一樣係超厚皮...
酸齊 $6 味道唔錯...不過同個湯底唔岩...分問用隻碗食會好d
油麵 $7 都係一樣...普普通通....冇咩特別....

環境
店入面個環境冇咩特別...冷氣都夠涼...
但店外面個環境就差d....一路食一路聽全後面街d生果佬叫賣...
不過如果只為食飽個肚就走ge話...影響又唔係咁大...

另外...揸車人士要泊底架車都幾方便...其他店前就有個位可以停一停車...
而且間鋪頭有窗口對正...就算有人抄牌都可以即走...
但聽我男朋友講...個到都好少俾人抄牌....所以都唔洗太擔心.,,,

早一日打電話去問個優惠用唔用得...個公關姐姐都幾有耐性...
第2日下就去到...同佢講ge一樣...1點9開始派飛2點正入坐...
拎飛個陣問左聲可唔可以坐卡位...佢就話我地得2個人...如果唔多3~4人就安排俾我...
結果真係有安排到...服務方面加哂分....

魚翅湯餃 個餃太厚粉...湯都只係味精湯...唔食都得
蝦餃, 燒賣, 菜苗餃 冇咩特別..普通酒樓貨色
牛柏葉 我同我男朋友都覺得好好食...又唔un....
馬拉糕 呢個都好好食...好香...而且好新鮮...又冇蒸過時...
牛肉球 林得滯...又冇咩牛肉哂....
腸粉 蒸得幾滑...不過比較之下蝦腸正d...
炸雪吞 好香口...脆到不得了...
沙律海鮮卷 比一般酒樓好食好多....不過食個陣小心熱...
煎薄餅 份量細細...2個人岩岩好....味道都唔差
小肥羊春卷 鐘意食羊都一定會鐘意食...夠哂so....如果唔係太飽會再食
羊包飽子 個"ham"太小...而且都食唔出係羊肉...食多個小肥羊春卷仲好
蒙古"ham"餅 太溜...個皮好似d鳳梨so咁...唔食都得
皮蛋酸薑 當餐前小食...d皮蛋都唔差...都幾多雪花
桂花糕 味道唔差...唔太甜...好香杞子味

總結黎講....50蚊到一個人真係好抵食...點心味道唔差...服務又幾好...
有機會一定會試埋個任食邊爐...

其實想去好耐....不過同男朋友就唔岩時間....
原先係想同男朋友飲荼食點心...反正都係....就搵個有景地地方慢慢嘆喇...

其實一般香港食到ge點心個到都有....
:腸粉...真係陪哂足料
:木瓜糕點...真係好香木瓜味....(must eat item)
牛仔骨...都唔錯...好入味...

但有部份點心好似干左d...可能蒸得太太太耐..
例如好似燒賣咁...不過味道唔差...止係口感唔夠好...

佢個到仲有好多包呀同埋粥呀咁...不過呢d太飽肚所以冇叫到...

至於個景方面真係幾relax...見到上水同天水圍...仲收到香港電話台...
差唔多1個鐘先轉哂一個圈....

價錢方面其實唔算平...1個人$48...茶錢另計($10-$20 睇揀咩茶)...再加一...
不過如果係食個景都算抵食....同d朋友係傾下計咁都唔錯....
我同男朋友2個人早午2餐一齊食....食下食下就廿碟點心加甜品...
所以對於我地2個個日黎講真係幾抵食...

有時行開沙田都會行埋去宜家食下午餐....
過下心引....hahahaha
通常如果我同男朋友去...就會叫一個餐再男加一個熱狗....
咁就會有2個包同一杯無限量ge汽水....
其實2個人...真係一人一杯就夠哂....所以都係咁買會抵d....

熱狗餐: $10
熱狗:$6
佢個條腸真係幾好食...脆皮得黎又唔會油立立...
如果忍在口唔加任何醬其實都幾health....
雪糕:$2
味道同m記差唔多...不過價錢就差得遠...
唯一可以改善ge地方可能係個cream太軟...變左食2食就溶...
成年人食毫問題不大....但小朋友就食唔切...
爆谷:$4
份量足夠2個人食...質素都唔差...唔算好多爆唔開....
多數買親都係熱手....都算幾新鮮....
有時好似呢呢咁天氣熱就買埋雪糕....
或者咁岩就走就會買爆谷上車慢慢食...

個日考完試放學同MUM去食LUNCH....
可能太耐冇去味千....睇餐牌自知冇左SET LUCNCH...
第一個感覺就係唔抵食...算喇繼續揀野食...
我叫左個豚肉搵麵...MUM就叫豬軟骨拉麵....另左加錢叫個餃子....
等下又等...2個人你眼望我眼咁等左成半個鐘....
個日係星期5...又唔係多客....望住個廚房成個字先出一次野..
最終等左成半個鐘...真係頂唔順追佢地...
咁遲先追係因為見其他人早我少少落單GE都未有得食....
所以知佢唔係溜單....

等成左40分鐘...追左2次先叫做有野食...
黎左個餃子...再幾多成2個字先黎埋個2個麵....
真係可以話成肚氣咁食...
野食唔單止唔抵食...仲要冇之前咁好食...D料都少左好多...
所以味千?冇下次...
MUM話早知係咁寧願行多2步去和民...唔洗咁谷氣!

尋日放工返到火車站岩岩好8點半...
諗緊食咩好個陣先醒起而家m記麥樂雞餐有優惠...
咁就唔洗煩去左食喇....
唔知係唔係放工時間....所以d薯條好新鮮....
係熱到一陣先食得....好耐都冇食過d咁新鮮ge薯條....
所以真係值得一讚!