今日心情麻麻 又唔想周圍行 唯有響food court攪掂兩餐吧。
聽同事講呢度唔錯 我都覺得可以一試就來吧。
整返個饅魚炒飯先。

價錢唔平 但質數都可以 只是我覺得有其他更適合我既選擇。
炒飯份量少 雖然用上珍珠米 同炒得幾乾身 饅魚數量都幾令人滿足 但覺得可以多點"青" 多點汁吧 食下也覺太乾爭爭。 食物太極端 我是不喜歡的。 如果有肉汁balance返 我會比個笑。
其實以上都係可能別人的說話而令我期望過高吧。
無論如何 沒有親身嘗試 我不敢相信。
食物其實是可以 但試下其他吧 甘於留在這地 我會看不到街外的風景。
雖然掛名係用上拉麵 但我其實對拉麵興趣實在很低 還是烏冬和河粉 或上海麵 才是我的最愛。

9號波真係輸比你...攪到我手停口停
唯有同媽媽去飲過茶食個包

wa 一黎到成村人等緊位 但阿媽堅持唯有順下佢意

入到去 發覺裝修真係幾有心思
至少整高天花係不錯的 會無咁嘈。

今日叫野真係好貴 全部星期日價
唯有輕輕食兩下算啦
叫左碟
20蚊既腸粉
20蚊既雞腳
十幾蚊既蘿蔔糕

同區黎講 佢真係幾貴

腸粉好味 好多蝦米 同 漿水做得好靚 食落好滑
唯一不足係煎得唔夠香口 可以煎多兩下
雞腳真係極麻麻 唔抵食 超細隻 而且唔覺個飽汁有幾好味 我情願要返沙薑
蘿蔔糕都幾大件 但都係煎得唔夠 同埋個糕好似好散 同無咩料 但蘿蔔容係幾不錯的

下次可以再來一試 但平日吧 假日我覺得係唔值的。

另外服務其實很差 成日d人係行去同熟客吹水多過做野 呢樣真係改善下。

返夜同同事唔知食咩 我建議黎呢度 又就腳又穩陣
甫坐下兩人就叫了雙太河(魚蛋,墨丸) 同墨丸河
前幾日食左文輝 今日返黎呢度 我真係覺得呢度既河粉係win好多
甚至文輝掛名既墨丸都係唔及江仔
唔通係情意結? 但我一年先食佢一兩次又至於咁誇
唯一既解釋就係岩心水既野真係無得解。
份量岩岩好 唔使大堆頭 只要岩我口味就可以
愛情也一樣 不用每天一大堆行程去做什麼 只要簡單地說聲愛你 我已快樂。

我再次光顧係因為河粉多於其他。

不開心的一天 連胃口也降至0
是我做得不當 還是誤會 一堆的疑問煩擾著我

不知吃什麼就亂入了這店
快快手整左個煎豆腐

滑滑的豆腐加上魚肉放在鐵板上煎
百變的它似乎真係點整都係上得黎見人

它由白雪雪的變成黃金戰士 可見是煎得岩岩好 很對胃口 但可惜無心戀戰
快手快腳吃完就走...

假如我能如豆腐一樣 如此和諧就好
可惜 我不是。

唔經唔覺又一日 一返親工就覺得自己只係機器
返工 食 返工 放工 食 訓
未必係無意義 但唔係我想過既生活
但奈何 學生哥無錢返學 唔返工真係咬自己餓死

為左再節省金錢就行左黎呢間出名平既食店
地方唔大 但坐得唔辛苦
好多西裝佬都低頭埋首自己碟飯

見到雙餸好似幾岩胃口又抵 就整碟黎啦。
叫左招牌炸豬扒同黑淑雞扒
一黎以為少左雞扒原來只係整亂左。
因為無諗住都係炸

食落真係唔差 唔會乾爭爭或者炸粉太厚
雖然唔會係香口 但唔難食的
而個黑淑汁係很可以的 微微辣 好對胃口
但雞扒就真係差左d 好似被調味料強暴過

杯豆漿都很有豆味

22蚊 仲想點??? 假如無錢 呢度係堅抵食同值得再來的。
笑臉不可不比

又係成日最重要既時候 食野
今日終於頂唔順日日響登龍街 唯有行遠少少 走黎呢條街撞下運氣
行左一轉 選擇左呢間打正賣墨魚產品既食店
唔知食咩 唯有叫招牌貨
紫菜墨三鮮河
一上就覺得好大碗好似幾抵食
但一睇就知d河粉唔得 一patpat咁
而墨魚頭又無想像中咁鮮味
墨丸方面我覺得江仔記係好食好多 呢度既墨丸真係食之無味 但棄之可惜
水煮既紫菜我一向麻麻地 無咩好講
諗住咁多鮮野個湯會甜甜地 又失望左 同無味無分別

真係唔試過唔知岩唔岩自己 無論人定係食物都係
可能人人鐘意 但我未必岩胃口 都無計
無再黎既理由

急急腳食飯 諗都唔諗就上返黎登龍街
見呢間野價錢唔貴就行左入黎
其實佢午餐都有好多個set 都係大約30蚊度

坐一陣望兩下就叫左個豬頸肉炒飯+汽水

汽水先上 係大炮裝 無味 唔夠凍 算

d飯就即炒上黎 都幾香口
份量都岩岩好 豬頸肉都唔算少 食落都唔會太乾 唔錯的 同埋望落都幾豐富
好似好多料 但略嫌唔夠味

但隨碟上既青瓜好難食 諗住可以除下口氣 食左兩野 都係咪攪

同埋繁忙時間佢都唔夠位 被人迫住快快走

另外可能幾唔鐘意泰文歌 佢不停地播mtv 攪到本來返工已經覺煩既我 更加無得休息。

無選擇可以再來 但不會刻意。

08年8月4日
無期望之下叫母親大人事但買個行街 牛腩河返黎醫肚
外賣黎講十分不錯
首先 河同湯分開 在同區來說是少之又少會這樣做法
未食也覺得這食肆是有心的
到食物啦, 湯就十分師傅到
而牛腩 肥得剛剛好 咬落唔會係太過份的油脂感覺 很好! 單看外表其實已知道是不錯的。
肉質都夠淋
河粉都合格有剩 。

整體黎講 正! 終於落街有燒味之外既選擇!!

上年既今日 我試過響呢間店同一日食哂午同晚
的確 佢地既牛腩 係正!!!
今日又係同一個原因再黎此地 第一日返工師傅仲整緊野 今日返夜 即黎。
唔使諗 整碗牛腩河醫下個肚仔先!

無要求之下 師傅都整左碗肥腩黎食
其實我唔使食坑腩已經覺得呢碗野好鬼得! 同上年黎食一樣咁有水準!
真係咬落香同有肉汁 d牛脂好鬼甜美!!!!!!!!!!
河粉就比江仔記差d 但係黎呢度都係食你隻牛!
20蚊 都係個句 抵食又好味!正
我又唔記得講多青了!!!!!!!!!應該仲有機會再來的

第二次黎食 相距上次已是半年前的事。
今次單拖黎呢度食搵河粉 因為潮興又未開 咁呢間野的確係食得過的。
一個人寂寞的午餐就咁展開。

由於仲係十一點幾 仲有大班位可以坐下。
諗都唔諗 叫阿姐整碗雙丸河(魚蛋+牛丸)

呢間野既河粉真係超班 爽 整齊 更加當然唔係一pat野咁上黎。
而且係通透的。對於我呢個鐘情於河粉既人黎講 我食得好開心。

而丸也是很好 廢話d講句牛丸真係好香牛肉味 魚蛋又好彈牙。

20蚊 我真係覺得無得彈!
當然如果個湯少d味精 我會更加食得開心的
因為食完好口乾。

如果比較上黎 我再黎呢度係因為食河粉多於其他。
同區黎講 這裡食物的價錢同味道係絕對成正比的。

懶得黎係咪傳統 岩食既就可以了!!