之前都去過另一間親子餐廳，但呢一間第一次去就覺得做得好差! 我地book左尋晚7點，一去到櫈都未坐，個職員就走過黎我地嗰枱係咁摧我地落單，話廚師趕住要收工，8點就要截單喇~ 但我地有3個family成3個bb，我地都要settle哂佢地先可以睇到menu㗎嘛?! 個職員係吾只摧我地一次!!! 到d野食黎左，每碟餸既份量都好少，隻碟係好大呀，但d餸好少，根本就吾會飽肚! 同埋d野食係吾好食.... 總括黎講，呢間親子餐廳比起我之前去嗰間真係差得好遠~ 場地細之餘，玩既野吾夠多元化，但小朋友入場費都要成138蚊，勁吾抵! 仲有，餐廳冷氣吾夠，我地大人細路就算喺室內都出哂汗... 我仔係要除淨件背心黎玩! 仲有，親子餐廳得兩個鐘時間係根本吾夠玩，因為餵小朋友食野都要成個幾鐘，咁邊夠時間去玩呀? 到到差吾多9點，個職員又走過黎問我地d野食仲要吾要，又話洗碗果個趕住收工，所以要執野喇! 勁離譜呀~ d人手點安排? 乜餐廳d員工係咁早收工? 即係我地客人玩到9點完，d員工都係9點走? 如果係咁，咁做咩叫做餐廳?! 佢地為左想準時收工，而趕客人走?! 呢一餐係我第一次食得最吾舒服，趕頭趕命咁! 所以我地亦都吾會再encore呢間餐廳!

好似聽過呢間野好出名, 於是同老公黎呢度食lunch, 我地兩個嗌左個芝士奶奶雞share, 另外加碗白飯, 個奶奶雞一黎到, 雞得果幾舊, 4份一隻雞都吾知有無, 肉都吾多, 全部都係骨黎既! 又話有芝士, 但食吾到芝士味~ 薯仔又未熟哂... 個醬汁仲衰, 無特別, 淨係食到豉油味, 好咸... 要係咁飲水……服務差, 入到去一杯水都吾俾, 好彩我自己帶左水黎。同埋, 間舖頭一入到去又多蚊, 搞到食得都吾舒服。總言之, d野難食之餘, 價錢都吾平, 試過一次之後都吾敢再黎食, 亦都吾會推介俾朋友黎食囉!

我地岩岩結婚週年紀念想去食buffet, 見到呢度有75折coupon, 咪諗住黎試下~
我地黎到見到呢間酒店入面有parking, 就諗住泊架車入去, 但個企喺出面既酒店職員話要book枱時同個waitor講個車牌no.先可以泊, 我心諗搞錯呀... 我電話book枱時個waitor又吾問下我先... 你知尖咀ga la, 好難搵到位泊, 結果我地就泊左喺K-11再行過去, 但其實都要行6分鐘左右, 所以如果有老人家既, 最好下次book枱時要同佢講聲有車, 咁佢就會留個車位俾你~
入到去, 呢間餐廳好細, 都吾知有無300呎, 只見有十幾張枱左右, 係食過咁多間最細既一間餐廳... 野食款式吾多, 但好在都有蠔食, d蠔的確幾好食既, 但可惜真係吾多野食, 至於甜品吾係自助形式, 下下都要排隊同waitor講要邊件.. 所以好似我呢個愛好甜品既人吾可以自己夾甜品, 係有點失望。
總括來說, 我地吾會再光顧呢間餐廳。

食過咁多間, 終於食到一間係最多野食同最好味既... 呢間個view吾錯, 可以坐喺泳池邊, 好在呢d天氣涼涼地, 坐出面好舒服同好romantic呀。 另外野食款都好多, 最特別就係出面有bbq, d野食款食極都食吾哂, 海鮮樣樣都好新鮮.... d野食有虎蝦la, 螺, 鵝肝配新鮮無花果... 最正就係佢有好多吾同款既甜品, 有我最愛食既cheese cake, 正！ 睇得出佢地用心整d野食~ 雪糕款都多過出面, 有三款雪糕揀, haagen daze, dryers, 同movenpicks... 我都係第一次見有一間自助餐係有呢三款雪糕嫁。 除左第一次見雪糕有咁多款, 仲有啤酒汽水任飲, 我都係第一次覺得呢間自助餐好抵食。 總言之, 我一定會再去多幾次。

我見金剛小儀有介紹咪去試下囉, Order完個芝士焗薯, 好快一分鐘都吾洗個店員就將個焗薯拎俾我地?! 跟住我嚇左一跳!!!! 我仲問個店員呢個係我地咖?! 有無快到咁呀???! 我食第一啖, 凍凍地既... 都吾係新鮮焗... 仲有我嚴佢芝士吾夠多, 芝士始終係熱熱地先好食。 加上佢無得堂食, 個包裝盒太高身, 仲要係用叉食, 企喺街度食都真係好吾方便。 總括黎講, 我都吾會再去encore。

行左好耐, 吾經吾覺俾我地搵到呢間cafe, 於是就入去試下!
入面環境舒適, 好浪漫~
佢有dinner set, 不過好得意既係... 佢無正正式式一個餐牌, 但如果散叫dishes就有~
但個侍應就拎左一個黑板, 上面寫左幾個晚餐, 擺喺我地枱面前俾我地睇,
我諗佢地吾印番個晚餐餐牌出黎係因為可能佢地晚晚轉晚餐menu?!

跟住我地叫左兩個晚餐,
如果吾揀湯既, 就每人揀一個前菜~
落完單, 好快就上麵包同前菜,
前菜叫左個海鮮拼盤同埋煙三文魚~
到main dish就等左30幾分鐘先有得食...
叫左燒春雞同豬膝
個豬膝淡淡肉, 加上佢用左新鮮蕃茄醬淋上面, 食落去無咁肥膩, 好味道!
So far, 除左上菜上得慢, d野食同服務都吾錯呀!

呢間野成日都book吾到，今次都係排waiting list~
終於前一日，佢地打黎話有位!
不過並吾係我想像中咁好

佢地野食款吾算多, 
d龍蝦無鮮甜味, 直頭可以話係無味, 
d生蠔無海水味, 仲要係苦既, 好吾新鮮... 沙律都吾係有好多款俾我地揀,
熱食吾多選擇~
至於甜品, 有隻朱古力蛋糕, 佢落左勁多rum酒, 搞到好重酒味... 好苦, 好難食!
有隻百利酒cheese cake無cheese味, 
唯獨是d迷你馬卡龍係幾的式既, 細細舊.... 不過都吾太好食~
最抵食既就係有haagen daze雪糕, 但係得朱古力同咖啡味揀...

對上果次黎dinner 覺得唔錯，今日同朋友食下午茶，好討厭呀。服務差到爆！叫左個餐，湯同燉蛋唔叫都唔上。叫左刺身，有飯跟既，到埋單時都係唔記得左俾我地，算啦。叫餐飲，等半個中都未有杯熱coffee 催左幾廿次 order 左玉子，到食哂其他野之後我地再問點解未黎，waiter 先話下午無玉子燒，what??? 落單時又唔講。Anyway, so far, 野食好好食, 尤其是個芝麻醬冷烏冬d烏冬好有咬口, 加埋d芝麻醬, 更好味… Overall, the food was good but the service was very poor as the staff seems like not knowing anything when we asked about the meal set.

就係有一次睇電視介紹呢間餐廳，我同屋企人先冒名而來，因為我地好少會過港島區果邊，但係聽講佢地有榴槤小龍包，所以我地先遠水路過黎試.... 點知佢地已經無再賣啦... 吾知係吾係因為太臭呢？！too bad... 因為我媽咪好中意食榴槤，所以佢好失望，無機會試... But anyway, 我地叫左八隻味既小龍包，我就試左黑松露味... 好香既黑松露... 吾錯呀！下次我諗我會試芝士味... And佢地既擔擔面有好香既花生味，都好好食... 至於甜品，我地嗌左高力豆沙同豆沙鍋餅，無咩特別...同出面既差吾多... 為左要食哂咁多隻味既小龍包，我諗我一定會再去食

呢間彩福我同屋企人都黎過好多次 ....吾知點解d服務一日差過一日
我不嬲都覺得彩福d點心好好味 ....但係d侍應態度就真係好差
話說我同我阿媽朝早八點幾黎飲早茶， 一黎到見無人帶位， 咪我地自己揾位囉！咁我都明白咁早未必真係夠人serve我地兩個。 之後我地見細枱坐滿哂， 咁我地咪坐左係一張五至六人枱 ，但係當個侍應知道我地得兩個人.... 態度就勁差 ...佢死死氣咁收番哂枱上餘下既杯杯碟碟， 仲要係勁操魯 ，咁我心諗你地無人帶位丫嘛， 我地自己揾位坐有咩問題？後來，我發覺原來呢度d員工靜係對d熟客好nice，吾熟果d就行埋一邊。仲有，吾單只咁，員工佢地自己成日圍埋傾計，都吾係做野既？！好似我地問佢攞個袋裝d點心，見住個侍應揸住個袋係度同另外一個侍應傾計，遲遲都未比我地，於是我阿媽忍吾住行埋去拎個袋，跟全同佢地講：「你地慢慢傾！」（暗串佢地）但係佢地一句吾好意思都無囉！
當d點心黎到，個傳菜只仲要將d點心擺到無雷工咁遠...
食物整體黎講，尚算吾錯。我不嬲都中意食呢度既煎紅棗糕，不過今次呢d就比較硬。  我覺得就算一間餐廳既食物有幾好食都好，服務質素差都係無用！！！