chillyhk 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-07-29 Applegreen (葵芳)
出糧日子, 同同事去慶祝一下, 雖然明知呢間有少少貴, 但都抱住試一試既心態入去. 午飯時間, 唔洗等位, 見仲有位剩添. 餐牌上無 lunch set, 我地 3 個人, 散叫了 apple crumble, 海鮮意大利飯, 蝦 pizza (忘記全名), 仲有個意粉. 但實在令人好失望, 沒有一樣是滿意的. d 菜上得好快, 代表不是即做的了. 海鮮意大利飯, 太濕太"林". 個意粉好多油, 雖然味道還可以, 但食完碟底剩了好多油, 想起都怕怕. 蝦 pizza 最令人失望, 凍的, 個皮有點硬, 無芝士味, 亦無蝦味, 最後無食完就放棄了. apple crumble, d 蘋果甚甜, 應該係放了過多糖水. 最後埋單 $372 (每位 $124). lunch 呢個價錢已叫有點貴了, 但食物質素令人失望, 係補償唔到的. 只此一次, 以後唔會再幫襯了.
評分: 味道 2 環境 3 服務 3 衛生 3 抵食 1
2011-09-15
試過食任食未夠一個鐘就走未? 我就岩岩試完. 買了團購 $118 一位, 前日假期就去試下. 我地早到了 10 mins, 想早少少入去坐 (街好熱), 但店員一口拒絕, 話費事整親我地喎. 算啦, 唯有遊街多 10 mins. 入到去, 佢有 d 紙比我地點野食. 但我想寫時, 同一店員又話 "唔洗寫呢 d 住, 入面d 人未得閒攪, 你食住刺身先". (又要人 2 個鐘內食完, 又唔比人點野食..) 算啦, 食刺身先, 嘩.. 個刺身完全唔掂, 唔新鮮, 無味. 瘀色. 唔理佢, 照入紙點野食, 送來既食物, 一樣超唔掂, 好似打邊爐既食物. 我知 $118 唔可以要求高食物質素, 但都唔洗難食成咁掛... 空氣調節完全唔掂, 全程焗到暈, 其實攪唔掂空調, 又何必做燒烤店 ? 結果佢原本比我地 2 個鐘食, 但我地未夠一個鐘就走了. 從來未試過全食會食咁少野. $118 都蝕比佢呀. 真係以後唔會幫襯. 咁既食物 & 服務.. 呢間野都可能好快玩完了.
評分: 味道 1 環境 1 服務 1 衛生 2 抵食 1
2011-08-31
上次見到團購賣 $188 享用牛魔王拼盤 (原價 $438) 或以$268享用至尊海鮮船,送$100現金劵+ 鮮果盤+ 自選湯底或飲品. 今日開團購睇又見到有, 覺得有需要上黎同大家分享下. 以免再有人中招. 首先係食物, 我覺得 ok 既. 新鮮美味. 環境, 尚可啦. 唔洗等位. 亦唔算坐得太迫. 服務, 正如下面位小姐所言, 係幾煩既. 我地 4 個人食左大約一個鐘, 有位類似侍應, 但又唔多做野既人兄, 不斷o係度 "hard sell". 話佢 d 野點抵食, 點新鮮. 幾乎講足一個鐘. 攪到原本想坐下傾下計, 都比佢煩到想走. 最最最令我不滿既, 係佢話個餐係 4 人食, 但其實一d 都唔飽 (除非你食完飯先去). 一定要加野. 結果我地 4 個人 (3 大人 1 細路), 要成 600 幾蚊賣單, 仲要係唔係好飽. 我奉勸大家買之前考慮清楚. 團購有時都未必係著數.
評分: 味道 4 環境 3 服務 2 衛生 4 抵食 1
2011-03-31
朋友o係尖沙咀番工, 於是搵個地方食飯, 上 openrice 見到呢間, 氣氛似乎唔錯. 原本以為係食中菜, 但原來都有串燒 or 其他食物. 我地叫左個冬蔭公飯, 大約 10 串串燒, 3 杯冬瓜茶. 個冬蔭公飯 ok, 但串燒只係麻麻, 冬孤茶反而比較特別, 香港好似未飲過. 比較不滿既係價錢, 其實唔係太飽, 亦唔係叫左好多野, 但賣單每位 $163. 本人覺得唔太值囉. 推介美食: 冬瓜茶
評分: 味道 3 環境 2 服務 2 衛生 2 抵食 4
2010-12-05
由於係平日既日子, 我地 7 點去到, 未見有客, 好似包左場咁. 環境算幾靚, 舒服, 清幽, 分室外及室內, 凡地選擇了室內. 打開菜牌, 見佢都有幾多推介, 但我地只有 2 人, 為左試多d菜色, 結果都揀了四樣比較喜歡的. 佢有幾道菜都幾特別, 尤其係鵝肝豬扒飯, 我之前未食過, 佢有好香鵝肝味, 豬扒亦好鮮嫩, 果然係招牌菜. 服務態度都相當唔錯. 可能因為當晚客少啦. *我地走時, 就多了 7-8 枱客 賣單 $500 有找, 我覺得 ok, 因為環境, 食物質素, 算係十分合理. 推介美食: 鵝肝醬豬扒飯
評分: 味道 4 環境 4 服務 4 衛生 4 抵食 4
|