朋友介紹, 一行20人去食。可自帶白酒, 不收開瓶費。
生蠔幾新鮮, 我們每人食了半打, 通常叫佢介紹, 每個國家一隻。
海胆好正, 兼抵食!$350一客(見上圖)
小龍蝦好味, 好甜!
(膏、肉)蟹相比下較遜色。
個意粉同法國燉蛋值得一讚(見上圖)!
冬陰功湯都好足料。
聖子刺身比較一般, 同食象拔蚌刺身差不多。

(因為事隔多個星期, 已忘記各款食物名同地方名, 但記憶中食物樣樣都做得出色, 價錢不算非常貴)

差不多每星期上堂後我們都在這食晚, 基本上本人及身邊各朋友都覺得, 在旺角區同檔次的壽司店中, 一壽司是最好味的...因為不是機握飯, 而且食物新鮮.

但如果想食到滿意又不想排2個鐘隊, 勸導不要在10時後享用他們的半價餐, 因為實在的太多人了, 我們一般8:45到便有位, (這時已有人開始排10點半價場) 但10:15走時人龍長到不能相信....

另外, 我們試過以正價價錢, 在10點後order食物, 食物質素的確差了, 一分錢一分貨, 師傅可能以為我們是"半價"人, 所以....

因些, 預期要排2個鐘隊但食得又不開心, 為何省這少少錢呢...我們通常大約每人食100元, 半價都是只差$50元....是否值得真的見仁見智了!

去過多次, 都覺得食物還可以,環境又ok, 尖沙咀區約朋友食飯最方便.

但今晚由於walk in, 不能坐在近窗位置, 被安排坐在近bar 枱的對面.

差不多食完飯時, 身邊的朋友叫我望一望對面bar枱的洗杯方法,不禁令我大吃一驚, 個女仔將每個客人用完的杯, 無論是水杯還是飲品杯, 她居然只"求其"地用水沖一沖, 眼見連客人用嘴飲水的杯邊都沒有洗過, (如有污積的地方她會用手指"摔一摔"), 跟著倒轉個杯等佢乾, 然後再放入新的餐紙, 一個給新客人的"乾淨杯" 便出現了...

食物的質素, 好味與否, 見仁見智.

但一個這麼簡單的洗杯程序都那樣"求其", 可想而知廚房裡的食物會如何....

旺角近年開了數間壽司店, 間間都很多人排隊, 經過附近, 見到這間個門面好似幾好, (雖然沒有人排隊), 心想膽敢在旺角開分店, 不怕競爭的, 質素應該不會太差掛...所以以"試新野"的精神入去食...

原來經濟學是非常實用的, 繁忙時間無人排隊的店舖又怎會有好結果呢!

入到去簡直想立即走返出去, 我坐在bar枱, 對著一盤"三文魚", 数十條三文魚肉好像垃圾一樣放於一個大盤內(d食肆用作放用完的碗碟的灰色長方形膠盤), 一位阿哥將每條起骨(我覺得這個工序應該是於廚房完成的, 但該店居然在大庭廣眾下做, 簡直很不雅, 又不衛生).

好事在後面, 這數十條三文魚肉完成起骨後, 居然就這樣放著, 用一條非常不衛生又殘舊的白布蓋著, 仲有一隻蒼蠅在上面. (詳見圖片白布右面)

見到這樣的情形, 我跟友人"係咁易"叫了三碟食物便走人,(火炙三魚, 油甘魚及秋刀魚,食火炙心理上想起碼有一面魚生是用火燒過的)真不想繼續對著些垃圾似的三文魚, 畢竟是間壽司店, 食的是魚生, 看見這情況, 怎麼有心情吃呢! 一邊吃一邊想, 陣間唔知會否入院呢...

坦白講, 一睇就知該店的食物真的很一般.

星期日同朋友去到大圍，打算食個晚餐，見到這條街泊滿車，又坐滿人，便試下。我們叫了一碗雞粥(店員勁sell話好味)、一隻乳鴨、艽菜豬紅、豉油皇炒麵、一碟普寧豆腐，2個人食到真係好飽，食物尚算大碟。

先講雞粥，粥沒有什麼雞味，似是煲好粥再後加雞返熱，而且雞有點肥…佢話自己出名雞粥，所以非常失望。

乳鴿都幾好味，因為不是bb鴿，所以有心理準備d肉質不及bb鴿嫩，但勝在夠多肉同新鮮，燒得頗香口。

苟菜豬紅尚算ok，一來夠大碗(豬紅仲多過苟菜)，二來不是太辣，三來加了炸蒜粒，所以非常香口。

豉油皇炒麵都是該店的“名菜”，上枱時還以為不是太好味，因為顏色很淡，以為沒有什麼味道，但食下去又幾好味，因為不是太咸，而且他是即刻炒，又多芽菜(已去除頭尾部份)。

普寧豆腐是最貴的一道菜，不過好太碟，豆腐夠滑，外皮又脆，又不多油。好味!

總結: 除了雞粥，其他都算好味。而且價錢不是太貴。

星期六一行十人去食火鍋，店中的面積不算太大，我們坐在最裡面的枱。雖然周圍都有"風扇"，未開始食已經覺得熱。第一輸落單，大約過了20分鐘加催了3次，食物終於出現。基本上個個都好肚餓，又趕住去看電影，所以好快食完。第一輪中途我們已醒目地落了第二輸食物order，但等了又等，催了又催，食物都未到!因為時間關係，我們唯有埋單走人! 同行一位朋友埋單時向經理投訴，經理話下次向他反映，又say sorry! 根本他們就是拖我們，入面已經唔係多枱，而且火鍋食物應該一早準備好，又唔使立即煮，覺得他們好無賴!

食物一般，每人用了$120都唔知食了些什麼，又熱又一肚氣!雖然唔係好貴，但本人覺得不值得!

前幾日同朋友食完飯經過這個\\\\\\\"新開\\\\\\\"的商場，一路行一路見到d人攞住杯雪糕，好似好好味咁。到了2樓，見到一間標明\\\\\\\"日本北海道\\\\\\\"雪糕店，心諗係d咁既小商場，點會有咁\\\\\\\"勁\\\\\\\"的雪糕o者，多是\\\\\\\"桌\\\\\\\"頭來的。

但係裡面d女sales好親切咁話可以試食，見佢\\\\\\\d味道選擇多，試食落又好味。所以買了香蕉同榴槤味試下。

初時見到d香蕉雪糕仲咩\\\\\\\"啡啡\\\\\\\"地色，都唔似平時d白中帶黃的顏色。原來裡面有d香蕉果肉，好香好滑，好新鮮，又唔係非常甜。而榴槤味仲香濃，好似真係食緊榴槤咁...(諗起都想食!)

而家做緊promotion，$20有2個味，size都算幾大(比起其他有名的雪糕店)，所以真係食得好開心。搵到又平又好味又新鮮的...行左2個圈，真想回頭買多一支食，但實在是太飽了。下次到元朗一定再食過。

佢\\\\\\\地d味道成日轉，而且有d都好特別，好似石榴乳酪、紅粉櫻花、醒胃生姜等。

關於這個Fresh & Healthy ice-cream from Hokkaido請詳見以下website:
http://www.milktop.com.hk/

昨天行過見到這裡好多人食lunch，所以今日特登與幾位朋友去試下，點知12:40去到已經超多人，等了約10分鐘終於有張唔使被太陽曬的枱。坐低見到隔離枱的食物，好似好好食咁，個賣相又幾靚仔。我們12:45叫了4個set lunch，基本野: 湯，主菜同埋餐\茶。(今日有海鮮天使麵、豬柳、龍脷柳、咖喱雞/牛腩/豬)
羅宋湯:
落單後約45分鐘，湯仍未有。我們催了又催，眼見隔離枱遲過我們到的人已經飲完個湯，真係有d嬲。當我們喝湯其間，新來的第二張枱的人又開始好像我們咁，等了好耐都未有，他們開始發火並大叫:「我地個湯好耐都未有呀!」。個女侍應認了他們:「係，個湯即係到!」轉個頭佢\真係拎住個湯，但係佢\係我後面問:「個湯係邊個架?」我忍唔住指向對面枱同佢\講：「o個枱呀!」佢\答我:「你真係叻女!」我同枱的朋友即講: 「唔怪得我們d野食催左咁多次都未到啦!」真令人有想嘔血的感覺。那兒只有5-6個人做野(由前台、傳菜、廚房、收銀、水吧等)點知仲請埋d失憶的女侍應，真係……唉! 但最激氣的是，等左咁耐滿懷希望的羅宋湯，一飲，居然係「溝水」。雖然大家都好肚餓，但飲了一啖後不禁要放棄了。
主菜:
他們出食物是一次過出一款的，即是無論我何時落單，他們均加埋好多張一次過煮，一次過出菜。所以我的main course到1:45才出現。簡直不知所謂。不過好好彩，個賣相同個味道都算ok。(今日我食咖啡雞飯，其他朋友話的龍脷和牛腩都幾好)
餐\茶:
我們其中三人叫了凍柠茶，我杯係少甜，好彩佢\地仲記得。不過我另一位朋友就慘d，佢\叫了一杯凍奶茶，但就好似凍好立克咁，成杯近乎白色，佢\話全完無茶味，得奶。
1:55我們埋單走人(因為趕住返工)，每人$40。我們終於明白為何這裡門口標明不用加一(NO SERVICE CHARGE)，因為根本無服務可言。等候其間，見到一枱客飲完個湯因為太耐未上主菜而走了；有一枱飲完個餐\茶但湯同主菜都未上；有一枱個男人自行到吧枱取餐\茶。我諗今日去食lunch的人去一次見識過便夠了……
總結: 主菜食物賣相、味道尚可，環境ok(夏天無風時唔知會唔會好熱)，但服務同人手嚴重不足。

睇完今期<飲食男女>介紹齋菜，去了屯門的清涼法苑試食齋。清涼法苑的位置就在嶺南大學跟屯門公路之間，寺院裡面有2間食館，分別名為"清涼法苑凈恩小築"[入門口轉右] 及"清涼法苑素食館" [入門口轉左]。

今次試的係今期<飲食男女>介紹的清涼法苑凈恩小築[右邊]，去到門口有位黃姑娘登記入座，每位$60. 2個人就$120. 如此類推。2個人已SET了要3餸1湯，菜式無得自己選擇，如要加菜，每個$60. (不過唔係好大碟)。裡面眼見只有黃姑娘(無經驗)好似樓面咁招呼人客，如落單、跟單等。仲有幾位"小妹妹"做傳菜，完全無系統，D菜鍾意幾枱一起上，所以無論早到定遲到，都係要"催"要等先有。

菜式包括1)豆腐粟米冬菇絲羹(2)炸素魚(3)冬菇生菜(4)羅漢齋(5)白飯同粥

(1)豆腐粟米冬菇絲羹- 淡而無味，料唔多，豆粉水一碗。
(2)炸素魚- 共有4條，炸到上碟條魚都油淋淋，裡面係D蘿蔔絲和冬菇絲。得個脆字。
(3)冬菇生菜- 冬菇我諗共有3粒，不過1粒剪開多份，用料一般，完全無口感可言。比我想像中"多油"。
(4)羅漢齋- 好少菜，只有全部切成粒狀或條狀的冬菇、麵筋、椰菜等。有點油膩，同埋食完好渴，相信"味精"不少。
(5)白飯同粥- 白粥白飯任食，如果想飽肚，都係食飯穏陣D，因為D白粥好稀，食完好似飲水咁。

好不容易才等到所以菜上齊，中途好有衝動想離開，但咁遠來到，最終都係等埋以為有驚喜，點知都係....... 最終4味菜有2味都無咩點食過。

值得一提，無論你係2、3或4個人，碟菜都係咁大碟，炸素魚都係得4條。雜誌上介紹的齋蛋角、齋禾蟲、齋雞、芋茸素魚、咖哩酸麵筋，全部都無得食，要加錢先有。雜誌中寫: 法苑中食齋有種樸素寧靜的味道，全給食客追菜及其他人投訴破壞了!

環境幾好，夠清靜。所有waitress都著和服，同識講日文。服務態度好好。

食物如下:
(1) 麵鼓湯- 好好味，同平時的有點不同。顏色深d，味道濃得來唔會好"喊"。

(2) 油甘魚、吞拿魚刺身- 好甜好新鮮，入口好似會溶咁。加埋手磨芥末，真係好好食。

(3) 燒吞拿魚腩壽司- 好好食，燒得好有水準，大小適中。吞拿魚腩都係o個句: 好新鮮同好靚。

(4) 海老天婦羅($180) - 有蝦4隻，炸蝦好新鮮，都幾大隻。唔油但脆，好有口感。但要襯熱食。

(5) 牛肉豆腐雜菜鍋(Beef Shabu Shabu)($580)- 好大鍋，個汁好好味。豆腐同雜菜吸了牛肉的汁變得好甜，豆腐好滑，但係d牛肉可能煮耐了，有牛味但冇好鮮嫩的口感。成個牛肉鍋用來配白飯最好味。

(6) 燉蛋(Steamed dish) - 入面有d海鮮、冬菇等，d蛋啱啱好，夠嫩滑。

總括來說，樣樣都好好食。無論環境、食物、服務都很滿意!