雖然是良心小店要多多支持， 可惜受到收銀女職員態度惡劣對待 當晚點了黑糖珍珠奶茶 少冰半甜 職員告知半甜珍珠份量會減少 便回應如果咁，咁正常就可以了 可是女收銀員面黑黑，不耐煩 由於等候時間較長 過去詢問一下 這位黑面女收銀員離遠望了單號 對於詢問一句都冇應 直接另轉身 對客都真係幾無禮貌 到取餐時 呢位工作態度有問題的女職員 將我飲品大力放到我面前 再另轉身做其他野 索取一個膠袋時 更加發脾氣 將我飲品入到咁樣 圖如下 一杯飲品未到手已被佢破壞 良心小店當然會繼續支持 不過會睇人 如果再係呢位女收銀員番工時 恕我唔會幫襯 杯野未拎到手已經搞到咁 好過份

是晚，男朋友帶我去了呢間餐廳 神神祕秘咁 一開頭唔話我聽係食咩 比個surprise我 結果，超滿意呀 一定會再幫襯 我地約了夜晚九點晚餐 位置係太子 四周較靜 但店內絕對係十分熱鬧喔 環境都好靚，走工業風 食物都是以木板上(呢個都係男朋友說我一定喜歡這餐廳的原因) 因為店內未有位置，所以我同男朋友都被安排先係出面等候 一拎起個餐牌 怎麼可能？ Baby ribs $58? 炸海鮮都係$58? 甜品呢？brownie, 梨子, 通通都係$18! 莫講話晚餐，即使午餐，都做唔到呢個價錢喔！ 男朋友真係好叻，咁都搵到！抵錫 好啦，入座啦 點餐比較自助，選好食物，到出面吧枱落單付款，隨後食物就送上 雖然得兩個人，但價錢實在太實惠，我地叫左好多呀 Baby ribs $58 一提，呢度既主菜都係以慢煮為烹調方法，正呀 講番ribs 賣相一流，食落嫩口，味道不錯，$58，抵食！ 左邊係炸甜薯條($26)好特別 望落以為咸咸辣辣，其實甜甜的 份量好足夠！讚！ 右邊係蒜香芝士甜包！($38/全份) 聽男朋友講，係呢一度主打同推介 咁一定要試啦結果一啲都冇失望 芝士可以拉絲，蒜香都同麵包好夾，正！ 炸海鮮拼盤$58 又係誠意之作 炸魚柳！非一般既好味！炸蝦都好脆！至於墨魚圈，好特別，唔會有平時一咬就粉肉分離的場面 當大家以為我地飽哂時 其實我地仲有主菜呀 先Slow cook，後炸 雞肉超級超級嫩口！一定要試下！($68) 好了，甜品時候了 我們選了這個焦糖梨子 坊間很少有之餘，價錢都會偏貴 但這裡，$18，真的非試不可吧 不過不失，稍甜了些吧 至於飲品 手工啤酒 Cloudy lemon ($38) 好味 Apple cider ($38) 一般般 但絕對可以為今餐添分 令dining更圓滿的喔 十分推薦under vacuum 價錢吸引 員工態度可以 食物味道及賣相都一流！

小情侶之間，拍拖活動多是行街食飯看戲

每當出街，食咩好？係一個大問題

懶散的我們，多數以米線填飽肚子，滿足又好味

想要正正經經吃一餐，有個寧靜環境傾下計

去扒房就最好不過了

小女子其實只是第二次光顧OUTBACK

不過已有一種熟哂既感覺

只因餐牌菜式簡單易明入腦

而二人份量的叫法，公式也是：一個小食＋一份牛扒套餐

看似很少？其實已經夠哂～

因為套餐跟沙律／湯，並附送signature黑糖面包吃完這兩樣，未正式上主菜已經飽了４成吧

因為我跟小肥豬算是小食的愛好者

眼睛在餐牌的appetizer上掃上掃落

二人同時被炸磨菇吸引了，所以今次除了必吃抵食三色拼盤，多點這個一試果然！冇令我地失望！

一上桌，傳來好大陣香味呀～

急不及待大咬一啖，熱辣辣！好香，外層炸得香跪，入面的菇很軟很出味！

大讚！一碟fried mushroom $82，有10多粒

二人吃畢全碟一樣的炸東西，稍稍覺得悶了點，如果四人share就剛好啦相片較遠處的是我們order的另一小食拼盤

有芝士薯條，baby ribs，炸雞腿

一次過滿足三種慾望，也是$82

份量也很足呢！不錯吧

相比起一碟差不多價錢的淨芝士薯條，這拼盤是我倆每次必點的

牛扒方面我們點了安格斯牛，７成熟

烤得剛好，味道不錯，只是稍嫌多根左少少吧

而配菜我們選了甜蕃薯跟薯條

甜蕃薯仍然是大愛

想想，真是沒那間餐廳扒房會供應烤甜蕃薯吧：）

食哂所有野！

黑糖包＋沙律＋烤肋骨炸雞腿焗著條拼盤＋炸磨菇＋12oz牛扒

飽到捧著肚子呢！

望住對面的肥豬仔，有一種幸福的感覺

就當我們食飽飽周圍望時

發現有客人正在吃１成熟的牛扒！！

見識少的我們呆眼了！！

不知道這樣的牛扒是什麼味道的呢

松家，確實係令我跟男朋友知道

吃一間有質素既放題，是很重要的

與其食那些一肚氣的劣質放題

倒不如多付少少錢，吃一個會讚，會想回頭的放題店

松家為樓上雅座，格調較黑，四周的裝修很bling bling，稍稍過閃了

我們坐的二人台，有點點迫，不過都算卡座

有自成一角的感覺呀蟹籽沙律，好味呀！
因為這一次，我同男朋友鐘意左蟹籽沙律這樣東西雞粥，差天婦羅，熱辣辣的，炸粉不會太厚，亦不會炸過火，讚！炸蠔，好大隻，夠熱辣辣呢！
芝士年糕冇其他食評講得咁好食喎刺身方面，的確很新鮮

欣賞的是，有頭甜蝦，大大隻，很有肉：）
食了數十隻燒物，一般，全部差不多味道帶子還可以
有一個醬汁青口，男朋友極讚！極美味！

仲有食左很多架

不過我地掛住食冇影相：ｐ

唯一要數的，是食物款式唔算多，可以算是少

但質素搭夠吧！進食時間不算太多，漏單情況幾乎沒有

令客人order得放心，食得開心

最後雪糕都採用優質雪糕，所以encore了幾次

近期再看，再出的團購一次比一次加價，而看其他食友食評，發覺只是短短數月，已差了不少

希望餐廳可以亡羊補牢吧！

選了daddyos，是因為我跟男朋友某程度上對美國菜有一種情意結
亦可能因為美國菜夠大份，岩我地吧

環境，燈光淡黃色，很寧靜，很浪漫
同埋最主要唔會太迫，個段時間亦唔多人
可以等我地享受兩人世界先上餐湯餐包，冇咩特別，過得去凱撒沙律真係超超正
有真正芝士條，味道很好，份量夠多
如果煙肉係用碎脆的會正宗點daddyos的poutine係我同男朋友為左佢而幫襯架！
果然冇令我地失望！
熱辣辣，又多芝士，好味呀
兩個人食完都飽左７成拉得出芝士！就知道，有料到呢個海鮮意粉就相對下好一般啦
一上台時，我覺得很碎，爛容容，顏色很暗，總之就不討好了
吃落也是一般般，可以免了基本上吃到這裡已經飽左
大隻佬肉食ｐｉｚｚａ
男朋友超喜歡！
我都覺得唔錯！
係呢間餐廳既另一招牌菜呀！

當我地飽到吃唔到時，見到對面台好似打包？！
一問之下，附加＄２就可以拎走
咁當然唔好浪費啦：）最後有甜品雪糕一球作結尾
今晚，非常滿足呀
環境，食物，服務，都很好

而最重要，當然係身邊的人啦

 

很滿足的一餐

地方很大，燈光通明，冷氣夠涼爽

是晚跟男朋友吃了這個無骨海南雞餐如圖所示，份量很足夠呀！
有湯有菜仲有餐飲

連肥豬仔都食到夠哂飽！

中湯味道不錯，夠熱，飲得出有料

菜正常，都幾大碟！抵食

海南雞正正常常，無骨真係好方便

油飯，我喜歡，唔差：）

岩我地呢種懶人附有三種醬汁，除左匙油普通ｄ其餘兩種都好正！

＄４０樓下，ｆｏｒ晚餐黎講，又食到飽一飽，算很正啦

如再有團購，會ｅｎｃｏｒｅ幫襯！

小妹是次跟男朋友買了放題的團購

原因是因為
小妹乃十分十分喜歡吃甜蝦，蒲看有關相片以為餐廳供應有頭甜蝦
誰知，被騙了

二來，男朋友很喜歡吃芝麻雞翼，上次我們幫襯了另一家有質素的放題
看到食物差不多，還以為是同一集團，就很快決定要買，試！

為避了繁忙時間要不停勞氣追單
亦怕食物供應會於第一輪後減少
故我們訂了５３０的位子

準時入座
serve我們的妹妹很積極很nice, 收碟速度奇快刺身是失望了
無頭小甜蝦，食了二輪已沒有再點
而且唯有一隻有頭的，亦不新鮮串燒中的虎蝦，是好好味！
多謝男朋友替我脫蝦殼就是了
不過多春魚麻麻地有期待的芝麻雞翼，原來一般炸
所以沒有再encore..呢個很值得一試！７味甘荀，沒有很大荀味，連小妹不愛吃荀也吃了數條呢！
味道不錯～雞腎也ok! encore左一次 呢個我地覺得超難食！
豬肉勁乾，冇味，好鞋，完全食唔到！
dump左松葉蟹腳，二人用餐，只配給一份呢
質素有好有壞，不過也可以接受蟹粥！有意外驚喜！
一般放題店對於雞粥蟹粥只會得過且過，hea整！
但這間，粥底有鮮味，重點是，細細的碗子內竟然發現有半隻蟹呢！
很不錯的！encore左我們還點了很多野食
泰式鳳瓜（辣得黎，好味）
蟹籽沙律（有點失望，味道一般，而且沒有蟹籽）
手卷（海膽少得可憐，軟殼蟹一樣，不推介）
日本蕃薯（串燒類別，好味喎，食左７，８粒，不過會有蕃薯效應）
燒帶子（味道可以，未至於encore）
火灸三文魚（頭一輪走左單，第二輪上，都幾好味）

最後，雪糕方面，沒有曲奇是有少許失望
不過綠茶很rich
我和男朋友超喜歡
時不時吃到一半又點黎清下口腔
每人都食左至少３球呢！

另外野飲方面，欣賞有巴倫氏清熱飲供應，我們都喝了兩大支架！
不過士多啤梨汁，芒果汁個類，就完全難飲，超甜

進餐３小時，我們幾乎是沒有停過
食得超飽呀！
是百多元來說，是抵食的！
吃完也是８３０，時間配合不錯，亦可以到附近times square散散步
很滿足：）

我同男朋友一向對豬手都有一種情意結！
上次小妹生日，男朋友帶過我去吃豬手後，便一直念念不忘

適逄看到網上團購，是德國菜，夠大份，還有我們的摰愛豬手，便買下了！

地方較為僻，坐車亦不方便，行路也要走一陣子
不過，食物質素比較下，也值得一試！

我倆訂了８３０的位子
電話上職員語氣不太好，感覺不太友善
但來到現場，招呼轉變了態度賓賓有禮套餐包括每人一杯餐飲，可選啤酒，亦有果汁汽水選擇
小妹心想一場來到吃德國菜咬豬手，理應點杯啤酒應應景
不過，啤酒確實不適合我浪費了一整杯，口亦很乾
最後埋單走人後要到便利店再買解渴飲品裝修尚可接受
環境較小，二人迫迫的，放袋也沒有地方
不過職員服務態度尚算客氣有各類啤酒選擇，對喜歡啤酒的男士來說，不錯1664是比較清香，易入口（可惜小妹都不太喜歡，只喝了１／３，其餘男朋友包底）香腸拼盤好味呀！
有數款香腸
不過我們都覺得份量最多，打蛇餅的那個羊肉腸味道不好
難入口，最後更加沒有吃
拌碟的薯塊夠脆，正！重頭戲，亦是我們最期待的豬手，出場了！
烤至無油，感覺不油膩
而且外皮十分十分香脆！！超讚！
味道剛剛好
廚師將整個豬手切成一件件，不用我們動刀，亦方便我們進食
重點是，切完豬手亦是排列得很整齊很美觀
色，香，味，
吃得很愉快呢！

總結，團購沒有中伏，值得一試：）

團購黎的

先講時間, 夜晚10點到凌晨2點, 本身已經不好
因為吃到12點多數要追尾班車, 而場內客人都走得7788, 店員都清野, 無可能吃到2點吧
但佢加1就要以4個鐘既正價價錢黎加
結果一計, 同walk-in入去吃既價錢一樣, 只平了2,3蚊

而且服務超差
有個金毛後生男店員，以超串態度周圍串客人
而且個女收銀，態度囂張，經常order客人
客人是幫襯你，你先有工開，麻煩改一改服務態度吧

一肚氣

抽風system not good at all
食完超超超大陣味
而且滿臉油光
比自己bbq的味濃烈10倍

講番食物種類算ok
正正常常可以的

不過因為冇油, 好多食物都要長d時間先燒熟
蜆都ok, 食得好多下, 都有20幾30隻粗略估計@@

海鮮超缺，要搶，真係搶
男朋友一見佢收盆就企係出面等，先拎到咁多炸但拎到都冇用，乾燒海鮮燒唔到的浪費哂加15$有野飲，一般般啦，因為飲１，２罐其實已經飽

我同男朋友都係九龍人

今個星期日去黃金海岸拍拖仔
上openrice搵到呢間出名既奇味雞煲
心思思想試下！要左半隻雞，份量就唔係太夠喉
ｄ奇味愈煲就愈濃，要係咁加水

但熱辣辣真係好有風味！叫左一客酥炸雞軟骨($55)
起初驚好少，但又ok喎

臨尾加個公仔面
再撈煲到最尾既奇味汁，正呀！
不過我地ｄ汁太杰啦，咸到我都食唔到
應該加左水稀少少似番湯先撈半隻雞煲，一個公仔面，一碟雞軟骨
食到我地２個超滿足超full

特別既一餐！