一班姊妹因工作關係，相約飯敍確實有點難，但難得今次大家都到，縱然腸胃炎亦一赴約會，最多唔食.......咁多！
因天雨關係遲到，朋友先取位，甫坐下即投訴有無攪錯咁遲架，鬼咁肚餓仲要俾隔離台食物的香氣吸引，想引死人咩，所以不等我吔已點了炸雞和和式沙律了！
炸雞：肉嫩多汁，好味（本來不敢食，但豬朋話食一件應該不會有事嘅，跟住狗友又加嘴話咬咗D皮唔好食咪無咁油囉，就係咁冒死食咗一件啦！）
和式沙律（其實唔知咩名）：份量比較細，不過幾新鮮，有菜、魚生粒、芝士粒、炸魚仔碎，整體不俗，尤其炸魚仔好惹味
串燒：牛舌、煙肉露荀卷、煙肉毛茄卷、八爪魚鬚，元貝、冬菇、雞肉，水準不俗，尤以牛舌唔蘇又厚又多汁，絕不是趙牛舌乾！
三色刺身：無食，因真的不敢吃，以免回頭太難，唔係講食物，係講個肚！
甜蛋明太子卷：我覺得不太夾，因蛋卷是甜甜地，但中間又夾咗少許辣的明太子，唔可以話唔好食，但係我覺得麻麻
博多湯烏冬（熱）：呢個係我全晚食得最多，一來凊，二來確實不俗麵質軟硬適中，唯獨湯底比較咸，配料亦只有幾片海帶及海草絲！
黑芝麻辣雞翼：雞翼醃得入味，夠脆好好味，但太細隻啦，仲要開2成碟加埋只有total 3隻喳少吖！
燒花魚：魚應該有用鹽醃了一段時間，食起來咸咸香香的停不了口，好似我地話嘅醃咸鮮，如
用來送酒一流！
餃子：太油無食！
其實普遍份量都比較細，大胃王就要叫多幾款了！
成餐飯都好開心，因大家又可聚首一堂談天說地，實屬快活之事連帶感染腸臟，回家路上竟然
沒有任何異動，萬幸！萬幸！

8月無P.H.又想放假，既然要做私務就放假一天順便放縱下啦！
揀呢間一來未try過二來買3送1，所以就決定呢間！
冷盤：
帶子，正確黎講應該叫帶子BB，個粒肉細到......唉！
蝦同青口都正常但無味
可能正做緊Thai promotion，故有幾款泰式沙律，我只吃了木瓜沙律，味道只有辣而無酸味。
沙律菜就不錯，有不同嘅菜選擇及頗新鮮，而醬汁及配料亦有很多選擇！
湯有2款忌廉粟米魚肚和冬蔭公，後者我無飲，而忌廉湯就好好飲啦，雖然普通，但味道同稀杰度調較得好好！
熱盤：
選擇算中規中矩，但大部份都係蝦做主角，有蝦天婦羅，大大隻熱辣辣、喇沙個湯非常惹味，好好味，不過配料又係蝦，鐵板燒方面:有蝦、豆腐好咸、牛肉好'un'、冬菇好味！不過D蝦全部都無味，有嘅只係雪味！
沙嗲醃得好好味，但係日本壽司就真係遜色咗，只有尤魚壽司同埋幾款太卷，魚生則有大路嘅三文魚、赤貝、蟹子、八爪魚質素正常！
開首時有威靈頓牛柳，我無吃，但阿媽話好味，之後出燒牛肉我就覺得好好，個廚師火喉掌握得恰到好處，不會太熟到趙唔到又不會生到血水汪汪！
其他熱盤都不太吸引，所以無乜食到！
甜品：
最抵讚是有獨立杯的HD雪榚，乾淨企理，但其他甜品則普普通通，不太吸引，另外，若喜歡cheese嘅就會幾開心啦！因有4-6款cheese食！
其實我知以200多元嘅價錢食lunch buffet,絕對不能要求太高，但以今次嘅食驗確實係失失望！

今次係第2次光顧，上次係誤打誤撞來到的，但一試之下又不俗喎！
蛋白杏仁皇 - 店方稱皇牌，可能放耐咗，變得杰身，但仍可吃到好香嘅杏仁味，但個蛋白真係做得好好，好滑，我仲以為自己食梗雪蛤膏！

雜果芒果撈 - 其實我成日覺得呢個甜品無難度，最緊要個芒汁夠濃，千祈唔好淡戊戊，呢個係合格的，因我只吃了一啖和一舊芒果肉，但芒果肉幾甜，不錯！

芒果涼粉撈 - 無食

總括黎講，我覺得呢間糖水鋪係好味的。

今次係第2次光顧，上次係誤打誤撞來到的，但一試之下又不俗喎！
蛋白杏仁皇 - 店方稱皇牌，可能放耐咗，變得杰身，但仍可吃到好香嘅杏仁味，但個蛋白真係做得好好，好滑，我仲以為自己食梗雪蛤膏！

雜果芒果撈 - 其實我成日覺得呢個甜品無難度，最緊要個芒汁夠濃，千祈唔好淡戊戊，呢個係合格的，因我只吃了一啖和一舊芒果肉，但芒果肉幾甜，不錯！

芒果涼粉撈 - 無食

總括黎講，我覺得呢間糖水鋪係好味的。

同事介紹咗呢間食店比我話仲好過之前佢介紹個間（都係同區）仲好食，大伯話不如try新嘢，就諗住試這店了，嘩諗住訂位竟然要下午4點幾5點至有人聽，攪到我以爲無開添
菜式：
1. 啫啫通菜煲- 開始食時覺得菜都幾生，可能師傅怕整得太熟食到尾個菜會太淋，影響味道啦，同埋大伯話成煲都係'框'無葉嘅，我想可能係店方嘅特色，因我知有D食店咁做是想保持爽脆。

2. 大班兩味：西蘭花炒球和炆骨：炒球幾好味，但炆骨就麻麻地因我覺得好似23種魚炒埋一碟，同埋炆得唔好食。

3. 雞蛋焗魚腸：手工菜做得幾好，又無乜腥味，只係個面焗得唔夠香同埋落多小小果皮仲好。

4. 風沙雞： 呢個最好食，雞醃得好夠味。

其實呢間食店嘅師傅功夫都幾紮實，以小炒店來講不俗，但我地成家都覺得食開嗰間好味D,仲要同同事講開先知原來有D出名餸都無叫，唉唯有下次啦！

同事介紹呢問食店話個羊腩煲好好食，價錢合理，叫我有機會一定要試下，好啦就試一試，當然大熱天時就梗係唔食'羊腩煲'啦!
菜式：
1. 鹵水雜錦（小） - 雖然色水不太夠偏淡，但食落都幾夠味及不錯，但內臟都不少，所以都係間唔中吃下好啦！

2. 腐乳通菜 - 勁大碟，我哋3個人食都食唔哂，自問係一個食草怪，絕不浪費的，但真係食唔哂，同埋炒得幾香唔會油浸菜咁樣。

3. 椒鹽九肚魚 - 香脆好味唔停得口，最好就係淺金黃色，唔係用萬年油炸的貨色。

4. 豉椒聖子 - 新鮮但有少許沙，同埋個茨汁几杰！

此店我發覺一特點就是等位不須派飛or籌而係大家排成一行一個接一個係度等非常有秩序
同埋真係几平，4個餸，1支啤酒，3碗潮洲粥都係208元。

今晚想食上海嘢就同老公來呢間新店試下,因老公之前都話想試。叫咗:
1. 凍柑桔蜜 - 我覺普通濃縮開水貨,無也特別難飲
2. 冬瓜干貝雞湯 - 幾好飲,真係有干貝味,但係雞就唔見嘅!!!
3. 薺菜豆 - 好足料同埋應該有少許味精
4. 大千雞 - 因我不能吃辣故叫了小辣,開頭以為係雞件來到先知係雞柳,但D雞柳就比較碎同埋無乜味,應該係調味醃得不夠,幸好那個醬料做得不錯,否則食之無味棄之可惜啦!
5. 上海粗炒 - 第一眼我已同老公講這個不及格,因為色水好淡,點知食落又幾夠味喎仲不錯添
6. 牛肉餅 - 呢個真係好食, 須然熱氣咗D,但久咗久一次都OK嘅,牛肉餅入面嘅湯汁都好熱,食時老公都有提醒我小心,不過都燙到小小
7. 焦糖燉蛋 - 奶味同蛋味都並重,仲有好滑, 不遇就細咗D
8. 潤喉露 - 我覺得麻麻, 唔係唔好食, 而係入面加咗果皮之類嘅野我唔食,所以麻麻

順帶一提我覺得一班朋友出來食飯係好開心嘅,但亦應控制一下聲浪,以免對其他人造成滋擾 。當晚正正就係有班咁嘅人,少許歡呼就算啦,其中有位女士不停大叫大笑完全沒有儀態可言,亦影響其他人用餐。

同媽媽食完晚飯,我想食甜品,但媽媽怕肥話不吃,點知見到門外的剪報後又話食.......真係

原本想食雪芭,後來店員話無只有雪糕,唉最後只好選不太肥的'楊枝甘露棉花冰',同媽媽share黎食啦!
媽媽看見出品話泔大個嘅唔怪得要share嚟念囉。 第1啖已经覺得很不錯,再加埋濃郁嘅鮮芒汁同金柚肉杧果肉,連平時小吃冰品嘅媽媽都話好吃,下次一定要同老公來食!

成曰經過都想試下，今日媽媽不可吃肉，靈光一閃不如帶佢試下呢到D出品先：

1. 特色鄕村意大利湯X2 -今曰係'蕃茄洋葱煙肉湯'好好味，不過湯面層油就真係有D嚇人啦！ （附帶一提送湯嘅飽都頗鬆軟，值得一讚是餐廳竟然提供欖油及黑醋點包，無牛油咁肥）

2.煙三文魚凱撒沙律 （full size) - 份量就小咗D,不過沙律菜就幾新鮮！

3 素菜薄餅餃 - 經理介紹話即係將pizza摺埋焗，咁樣焗會無咁乾，即管試下。第一眼見到嘩咁大隻嘅，漲卜卜，點知一切就漏氣，不過味道都幾好。

媽媽話整體食品都唔錯，同埋嗰隻餃3個人食都夠，現在2個人食就比較飽。
我就覺得唔錯同埋下次可以試其他食品。

平日係對面馬路行過時，見個門面成日以為係食日本菜，
今日同老爺、奶奶食完晚飯經過至發現原來係食甜品嘅！
原本想買外賣，但奶奶未試過綿花冰，所以決定堂食。
入座後發現店鋪很細，枱亦不多最多坐16 -17個人
叫了2個綿花冰大家Share食

'紅粉菲菲 '和'呂宋風情' 2個綿花冰，整體不過不失，但配料就小咗D,
2款都係配1種生果同埋同味嘅糖漿，而生果份量都係得4-5小塊，
感覺上比較單薄，稍欠吸引，還幸冰底做得不錯，感覺食起來都有綿花的感覺。

其實以30元一份算唔算抵，絕對見仁見智，但好肯定係自己做唔到囉！