叫了香煎排骨，外層是脆脆的， 鹽酥雞排，水準穩定，香脆可口， 柯仔煎，蠔仔有十數隻，沾沾那個微微spicy的將醬，轉眼已經全滅， 魯肉飯，香噴噴，簡簡單單，一口一口，令人滿足， 珍珠奶茶，大大杯，珍珠不是粉粉的，絶對合格有餘！ 另外，滿$200 還有鹽酥雞送，份量很足！有十多舊！ 整體來講，味道方面，外賣比堂食打了個折，不過還可以的，整體水準不錯， 幻想自己去了台灣吃個便飯。疫情中的小確幸⋯⋯ 下次有機會要試試它的燒烤

星期日同朋友約食飯, 想食一D特別少少既野, 於是就諗起大漠既新彊菜.... 因為知道座位不多, 所以即刻打電話BOOK 枱

第一次食新彊菜, 感覺很新鮮, 而且可以食到以羊為主既餐廳係香港好少有...

餐廳內部裝修簡單又有特色..

首先飲碗湯先....呢個係清真羊肉粉絲湯.. D味道唔錯, 而且材料豐富!! 之後黎左個炒椰菜, 椰菜落左花生好香, 而且本身帶甜, 好食..之後黎左個咖哩雞, 咖哩本身唔spicy... 落左好多唔同香料 (見到有提子乾), 食落口味道豐富叫左兩客簿餅配咖哩, 一客薄, 一客厚... 薄身的較為好食...主角出場.... 清真古法燒羊鞍... 7成熟岩岩好, 羊鞍本身帶少少油脂好香, 第一口咩調味粉都唔落, 已經好好味, 之後第二啖落孜然粉, 超香, 好正.. 第三啖落辣椒粉, 辣到噴火... 第四啖兩種調味粉落哂, 同羊好夾.....孜然粉及辣椒粉之後叫左個羊肉炒飯, 都幾好...最後上甜品... 羊奶凍... 好滑好香!! 正呀... 又無咩羊奶騷..

今日去開北角, 見到榮式燒雞扒有分店,因為之前係屯門分店食過, 超正, 對佢念念不忘, 唔使點諗就入左去...

古怪的標語... 左睇右睇, 最後揀左雞扒加車厘茄肉醬飯, $41已跟埋飲品..如果榮式燒雞扒叫自己做燒雞扒專家, 我諗都無咩人會反對.. 佢D雞扒真係燒得幾好食, D雞油燒走哂, 所以食落唔會肥膩... 雞皮都燒得香脆! (呢個係我第一次幫襯既感覺)

不過今次好似有D失準, 我落完ORDER隔幾分鐘就黎到, 塊雞扒似係之前整好再返熱, 感覺比屯門分店的差 凍檸茶, 味道太淡, 檸檬得三片太少, 同埋太薄了, 比一般茶餐廳差

今日去西灣河辦公, 平時好少去呢個地方, 於是便上OPENRICE 搵下有咩推介... 左睇右睇, 想食日本野, 於是就揀左呢間

我兩點幾入去, 剩返一枱客, 所以好多位, 可以任揀...睇住MENU, 就揀左我至愛既滑蛋豬扒飯, 再加幾蚊可以跟埋野飲...
D滑蛋整得有水準, 冬茹同洋蔥份量都幾多, 帶少少甜味, 加埋一齊就係好食等左大約十分鐘左右, 滑蛋豬扒飯就黎到啦, 一啖咬落豬扒, 熱熱的, 睇得出佢D豬扒係即叫即炸, 而且豬扒厚度適中, 咬落鬆化, 食落有少少甘香... 最後講下杯凍奶茶, 飲落真係好似飲緊台式珍珠奶茶, 不過係無珍珠.... 如果呢杯野係台灣料理出現就OK, 不過呢間係日本餐廳

每次去親宜家都會叫呢個例牌肉丸，沒有失望，不過好似九龍灣整得好食ｄ！煙三文魚天使麵(凍食)，非常有驚喜，落左西柚汁，食落口好清新，第一次凍食天使麵，感覺好似食日本ｄ冷麵咁，唔錯！有機芝士菠菜班戟，味道普普通通啦

今日行過土瓜灣，經過星洲名廚，於是就入去試下～

睇完menu之後，就叫左個肉骨茶餐食($55)．．肉骨茶都算香濃，飲落有當歸味，排骨好諗，唔錯．．．跟餐有一大碟生菜！同行阿媽叫虹個招牌豬扒蛋飯．ｄ豬扒outstanding, 外脆內軟，炸得岩岩好，咬落juicy...必食最後叫左杯拉茶，跟餐要加$6，呢杯拉茶其實好似港式拉茶，無咩特別～

今日諗起宜家既肉丸，於是就黎食個下午茶啦

黎到見到蘑菇燕麥撻做緊promo, $5 兩隻，就叫左兩隻試下．賣相都ｏｋ，不過食落太乾，同埋唔夠菇味．個撻唔係咁好食，唔緊要，因為佢地既肉丸始終無令我失望，$19十粒，叫左一大碟，其實除左肉丸好食之外，我都好鍾意食佢ｄ薯仔，好有薯味，正呀　食完之後大滿足

前排成日經過Baby Cafe，都係十分多人，次次都無耐性等．

今次揀lunch 時間去試，果然唔使等位，直入呀～　
入面既裝修真係幾特別，可以對住靚女食，食都食得開心ｄ．我叫左個set lunch (A + B)

A　我揀左黑松露忌廉湯，真係唔錯，好有黑松露香味，同熱熱既牛角包一齊食，正呀B 我揀左Angela三食

有火灸三文魚，一啖一舊，連埋Wasabi + 魚子一齊食，好正！炸雞，ｏｋ，不太孩口黑松露意大利飯，都算正宗，有咬口，唔錯！食飽再黎一杯荔枝茶，正呀

本來以為portion 少，會唔夠飽，但係食完之後又飽喎！

今日去開上水，就諗起去樂樂食lunch.... 好多人,要搭枱先得．一坐底望下餐牌，ｄ野加左價！我想食既焗豬扒飯加凍奶茶要$40!!!
邊個叫我掛住佢ｄ水牛芝士，最後我都叫左．佢ｄ芝士真係好香，好好味！不過講到豬扒就需要改良一下了凍奶茶不過不失啦，好彩都幾大杯，夏天飲飲真爽離開時出面已經大排長龍了～～　

上網睇openrice，呢間餐廳over 400個like, 真係唔講得笑，其實一直想試好耐，今日經過開旺角，就去實地考察一下！

要$55蚊一個餐，其實唔平．係熟食中心已經貴過其他食店好多～
order完之後阿姐比左個牌我，叫我搵位坐先，之後會有人送個餐比我，呢個服務又幾好，out of my expectation! :先飲個湯，個湯overall ok...唔係金寶湯貨仔～～　飲完之後好醒胃之後戴上手套，食我個牛腩農夫包！而頭果塊包係超脆，沾落咖哩汁一齊食，真係好正！佢地ｄ咖哩汁係幾香幾好食！飲品我當然揀凍咖啡，平時去茶餐廳飲開奶茶，今次見到個個都讚佢ｄ凍啡，我當然想試，一飲落口，真係好滑，好香咖啡味，一ｄ都唔酸！不過飲到最後比ｄ冰溝淡左ｄ味～最後我食唔哂成個餐，建議個份量可以少ｄ，價錢就可以優惠ｄ～