康竜九州拉麵 (紅磡)

新開張, 叫了九州炸蝦天婦羅拉麵,可自選粗麪或幼麪選了粗麪,算彈牙，湯底有層油, 似正宗日本的湯底, 有粟米粒等配料,蔥花，可自行加蒜蓉, 但如加太多有苦味, 不要貪心！半隻溏心蛋唔錯, tempura 另碟上, 炸得ok, 加了日式沙律醬, 好野味。 另order 了豬扒蛋飯, 豬扒應不是即炸, 炸漿完全和件豬扒合一,"林"晒!

但原來星期六,日無套餐, 今日呢個menu 係散叫, 貴d. 仲要加10%, 因新開張再給予85折, 兩人吃了一百元都幾貴, 呢種質數不算抵食!

四海遊龍 (土瓜灣)

星期日去, 想不到原來在大街, 店內地方很大, 坐下找遍menu都無8蚊5件鍋貼, 相信已換了新menu, 叫了全場最貴既牛肉麵$30, 湯底好濃, 像有藥材加入內, 另叫了酸辣湯, 不錯, 蒸牛肉餃子跟一包醬油膏, 其實是用黃豆...等製造, 但味道有點淡, 沒有叫他們的招牌甜品-雪綿冰.埋單70幾元

牛一燒肉處 (尖沙咀)

座位很舒適, 被安排坐卡位望窗口, set lunch 有多款選擇, order 了黑毛和牛套餐, 選了和牛及牛舌 ($108) 及天婦羅烏冬$68, 跟沙律, 麵豉湯, 三文魚刺身, 日本白飯, 天婦羅, 甜品, 另備三款點燒肉的黑椒, 鹽及醬汁

沙律有車厘茄, 生菜, 粟米配日式芝麻沙律醬, 天婦羅有蝦, 茄子, 青椒及蕃薯, 不算油利, 天婦羅烏冬用瓦煲上, 可惜隻蝦浸淋了, 但湯底好出色, 有隻蛋拌蟹柳及金菇, ok

主菜黑毛和牛有5片洒上蔥花, 有白色紋理, 味道一流, 咀嚼著肉的肥美很甘香,牛舌太薄, 像紙一樣, 最後是黑芝麻雪糕, 埋單$160, 他們正offer 85折

意粉屋 (紅磡)

有兩款fondue, 龍蝦仔幾吸引, 但又賴拆殼, order 了牛肉Cheese Fondue, 做緊special $179, 其他配料分別有麵包粒,雞肉片, ham, 腸, 大量生菜,磨菇, 冬菇飽片,蕃茄仔, 墨魚麵等.., 另order 了一個帶子三文魚粒意大利飯,飯很香, fondue 既cheese 好香濃及大量香草味, 墨魚麵最好味, 很配合cheese, 可惜太少, 只有一小杯, 埋單都係$290.00

瑞士餐廳 (尖沙咀)

昨日請朋友食生日飯, 選了這間瑞士餐廳, 裝修很有家庭feel, 檯上餐墊是繍花的, 這裡還有一間獨立大房, 但外面座位都算幾迫, 有些一大張長檯坐滿外國人,應該是旅行團, 都幾嘈。
朋友不吃牛,waiter suggested 我地3人叫一個fondu, 一客Appetizer及一客main dish 就夠。 我們order 了casar salad, salmon 伴香草飯及什菌芝士火鍋(不要加酒)。

先給我們選麵包, 再搽他們自製的香滑牛油, 牛油磚放在一小長碟上印了些字的, 芝士火鍋跟兩盆麵包上, 我們奇怪等好耐仲未上什菌, 原來已加了在火鍋內, 所以大家就只义著麵包, 獨沽一味, 第一口覺得很咸, 之後食落ok, 灰灰的色水及味道有點似略杰的蘑菇湯, 我在家玩這芝士火鍋是creamy yellow, 可义牛肉粒,車喱茄, 磨菇, 西蘭花......, 可能呢度才是正式芝士火鍋吧! 個casar salad好得, dressing好重芝士味, 烟肉粒炸得很脆, salmon 伴香草飯, 飯用意大利飯加香草及牛油炒過, 好香, salmon 跟wasabi cream sauce 都好配合, 另order 了 peach and passion tea with honey $38@, 如不order drinks, 會計$10一杯水的,我見隔離檯一班外國人叫waiter 幫他們用剷剷出煲底的芝士乾給他們吃, 但我們那鍋食到最後可能不夠cheese 及不夠乾, 只剷了少許菌連一些濕cheese, 食完都幾膩! 埋單$660.00, 不算貴。