今日朋友話想食點心甘啱朋友介紹過呢間, 於是就坐左入來
間舖唔係好大得五六十個位到. 一入到去話兩位, 個侍應就話要搭枱介唔介意, 我望一眼周圍, 又真係幾爆. LUNCH 時間,兩個男人無所謂啦
坐低我地叫左:

1)鮮蝦長春卷
口感好, 脆, 芝士加蝦配合得好好, 食得出係新鮮炸既

2)黃金糯米雞
好特別, 一開始我地仲以為上錯菜, 原來佢個皮唔係用荷葉而係用雞蛋整既, 好香蛋味, 好食

3)豪隍蝦餃皇
一籠得兩位, 不過個皮好薄, 隻蝦好大, 19蚊兩隻可以接受

4)黑松露賽螃蟹餃
黑松露配蝦, 一絕, 未係其他酒樓食過, 創意值得一試

5)上素蒸粉果
餡料足, 爽口, 好食

6)黃沙豬瞤腸
又係一個未食過既配搭, 有驚喜, 口感有D沙沙地, 不過脂肪會好高…..

7)鮮蝦腐皮卷
好脆, 又係個句, 新鮮炸起
總括,食物質素極佳, 服務茶餐廳以上酒店以下, 地方有D細, 不過今時今日香港地仲要係尖沙咀, 租貴地方細就一定家啦, 大家香港人体諒下

                                                       

今日約左X利既AGENT 傾保單, 佢約係個叫港貿中心既工厦度等, 我仲心諗:唔會甘CHEAP 掛, 帶我去D工厦茶餐廳傾保單!?
仲以為好難搵啦, 又唔係WO, 地鐵站一出行唔駛5分鐘就到, 貼住APM隔離, 上二樓就到, 又幾方便WO.
  上到去, 地方唔係好大20+位到, 何AGENT 話好彩有訂位, 唔係都無得食. 望下望下原來佢出面仲有個大露台可以坐, 下晝就差D,太熱啦,搵鬼坐咩, 不過我諗夜晚同秋天就應該會幾正.聽講話原來呢間野仲有戶外燒烤TIM, 下次可以約FRIEND試下, 不過唔知收費係點....

講番食物, 佢個LUNCH SET 唔係好多野, 得個8-9個餐, 同同區D茶記郁下幾十樣簡直無得比, 不過呢D餐廳仔係甘, 貴精不貴多先有出路.
我叫左個紅酒燴雞, 個傻AGENCT 叫左個三文魚菠菜通粉, 上菜OK 快, 無乜點等, 基本上個湯一飲完個MAIN COURSE 就到, 可能佢地趕住做第二輪, 個靚女侍應收隻湯碗快過閃電俠...
個菠菜粉上到來, 個賣相又OK WO, 綠色粉配粉紅色三文魚加黃色芝士粉, 以58蚊呢個價來講, 起碼個賣相贏左...好唔好食我唔知, 我無理由食個AGENT 碟野架....不過聽佢講話幾好食.
到我隻雞...個味都唔錯,雞肉唔會燴到太鬆散,夠入味,紅酒味濃, 又唔鞋, 佢個賣相完全唔似雞, 有D似羊肉,幾特別!第一次食到咁樣既雞,OK!!!

最後我地叫左杯咖啡, 呢間野D咖啡真係唔錯! 即磨咖啡又唔洗加錢,睇住個STAFF沖杯咖啡出黎, 就自然會有即磨咖啡既心理作用, 未飲都覺得香D

總結來講呢間野個LUNCH 其實都好OK 觀塘番工來講都幾就腳, 食物質素幾好, D野又唔貴(唔怪我個AGENT約來呢度),值得ENCORE.