昨晚嚟買外賣,見到廣告牌看了一陣... 最後揀咗半隻蔥油雞跟飯,湯及中國茶.... 回家打開見到話半隻雞,但雞肶得兩舊.... 雞肶好多位置都沒有.... 夾起兩舊仔雞肶,就係得五件肉 加一隻無雞鎚嘅雞翼.... 咁樣都可以叫半隻雞...... 而且味道好淡.都食唔到果種香味..... 是否大廚偷食,都唔好咁離普啦..... 真係真係好耐無寫食評... 兩張圖片是千真萬確.... 大家評下偷唔係偷雞偷得咁離普 咁大集團駛唔駛咁？？？

聖誕節同妹妹狂完商場一輪之後 又唔想行得遠去搵野食！ 最好就係番商場中搵野食！ 行到去food court果層 看到這間鰻魚飯專門店 因為成間店主要都係食鰻魚飯 妹妹叫咗一個普通鰻魚飯套餐加汽水 我就一個雙層鰻魚... 鰻魚飯用一個長方形盒盛裝上 鰻魚兩大塊！ 搭半件尾位，肉身都比較厚且肥美！ 而且燒到有少少微焦特別香口 啲肉好軟身好鬆化！ 重點食到鰻魚應有嘅口感！ 不過鰻魚汁就少左啲， 可能咁樣就比較能夠食到鰻魚嘅原味 可惜唔夠撈飯 唔覺意爬大淡左下面就要食白飯 另外跟餐的漬物 酸酸地可解鰻魚嘅油膩 順帶一提: 醫學專家還發現， 鰻魚兼有DHA魚油 和植物油的有益成分， 是補充人體必需脂肪酸 和氨基酸的理想食物 所以多食鰻魚對身體健康更好喔⋯⋯

呢間新開店已經有一個月 多次經過見到有石磨腸粉！ 上星期日專程同同事來想試、 無奈紅日師傅休息 當日唯有吃其他早點！ 今天我們又專登來試 大約早上十時許、 入到餐廳内剩餘少量座位 一坐下二話不說就叫了 兩份石磨腸粉餐 一個手撕雞腸粉同普通原味石磨腸粉大家分享 即叫即蒸，等咗大概五分鐘。 石磨腸粉因為一叫即做， 所以腸粉非常滑身， 而手撕雞石磨腸粉！ 雞絲份量適中， 平均分佈整個腸粉 配上特制豉油，加上食落滑一滑， 真係好味道到唔停得口。 之前都試過有啲布拉腸粉都麻麻地，比較上嚟呢個的確水準以上。 呢輪天氣冷、 食返啲暖笠笠又健康嘅腸粉真係啱曬 整體來講，都幾好，價錢唔貴！ 服務態度同食物質素都唔錯， 要比高分。 提外話： 石磨腸粉制造過程是 先將米在石磨内磨碎 再將米和清水混合泡三個小時 磨出來的米漿更細膩 石磨腸粉由米漿做成粉皮， 包卷各式餡料， 淋上秘制石磨腸粉醬汁而成 其粉皮柔軟而不失彈力， 淋在石磨腸粉上的 醬汁也是很重要的一點！ 因為腸粉皮本身是無味的， 所以一碟地道好味的石磨腸粉 關鍵就在於這上面的醬汁

星期六妹妹生日要食自助餐~ 其實已經好多個月冇食自助餐~ 因為覺得好肥。今次放縱自己一次~ 訂了十二點準時入座~ 先走個圈看看有甚麼吃。 甜品區靠近門口, 然後有兩處飲品區~ 一邊是熱飲如咖啡、奶茶、檸檬茶 另一邊是果汁類~ 接下來最大範圍的美食區中央位置放冷盤、刺身、沙律、熱盤、麵檔、烤牛肉~ 每樣食物都會蓋著,~ 在這疫情之下,整體感覺不錯。 巡視一輪就要正式起動了! 我們吃的是午餐, 第一樣取的食物是 「燒美國安格牛肉」! 正正前面有兩個人等待, 師傅每次會切一片~ 但我要求兩片~ 燒牛肉未切前看起來size較小~ 而吃起來比起不少酒店自助餐更高質素~ 肉味濃又腍, 配燒汁/黃芥末~ 讓人食指大動, 真是一大驚喜! 第一次取的較為薄片, 肉色粉紅, 充滿肉汁, 肉質非常嫩! 而第二次取的2片則厚身肉 色接近全熟 肉質沒有第一次那麼嫩, 可能部位不同 接下來就是海鮮時間了。 凍海鮮有馬來西亞白蜆、青口及凍蝦仔, 不吃喜歡白蜆, 因此只試了青口及蝦兩款。 青口吃起來鮮味, 肉飽滿, 可以encore 凍蝦亦食不少~ 至於必吃的刺身呢~ 師傅會不停Refill刺物盤, 每次捧出來時都排得好整齊 刺身盤有3、4款刺身選擇, 最受我歡迎的是三文魚, 也有是吞拿魚和八爪魚。 三文魚吃起來新鮮, 味道正常合格, 不算太肥美但質素可以接受~ 壽司有4、5款, 如三文魚壽司、吞拿魚、甜蝦蝦、蛋壽司等等... 壽司我吃了三文壽司, 表現合格~ 另外還有幾款卷物, 但當然刺物受歡迎得多。 熱盤方面, 中、西式也各有選擇, 例如有蒸龍 其他熱食不過不失---菠菜蝕、燒賣普通茶樓質素~ 蒸龍利柳很滑嫩但偏鹹; 咖喱牛腩香料味重, 肉質不會過硬 印度飯太乾, 不合格~ 湯有兩款 豬骨湯、忌廉湯。 麵檔有油麵、河粉米粉 師傅在2、3分鐘後便預備好, 可選魚腐、豬皮、菜但沒牛丸、豆卜和魚蛋等等可以選擇~ 冷盤除了海鮮及刺身外, 還有蝦沙律、木瓜沙律、 自選蔬菜沙律、 凍肉、日式冷麵、中華沙律、味付螺肉等等等 蝦沙律味道不錯、木瓜沙律味道中規中矩！ 螺肉味道一般~ 飲品主要分了2大區域, 分別是機制果汁、氣水 咖啡機都有4款咖啡選擇 喝了三杯果汁, 非常解渴, 又不會過甜~ 水果有5款, 分別是蘋果、菠蘿、西瓜、橙及哈蜜瓜。 哈蜜瓜好甜, 而西瓜甜得來多汁又起沙, 十分不錯。 最後一Part當然是甜品! 布甸、蛋糕仔、千層糕、樽仔Mousse及芝士餅、草莓蛋糕、Tiramisu、黑森林蛋雪糕等, 種類上算是不少~ 芝士餅最好吃, 芝士味濃~質感適中 吃起來另人非常滿足; 布甸奶味濃亦夠滑~ 芒果Mousse相對上遜色, 芒果味好假~ 其他甜品味道一般~ 總結味道和賣相可接受, 是合格的.... 當然不能跟高級數的l酒店比較, 但以此Buffet的價錢來說絕對有誠意。

午餐和同事到了紅茶，在官塘工作接近半年 而這店開業不久，已經第三次到這店午餐，兩次下午茶 通常午市大排長龍！！！今日難得等一陣就有位。因為餐廳都真係幾大及幾多位..... 說回食物，我們叫了咖哩豬扒飯！ 飲品先到，五分鐘食物就到 這裡做法，飯同餸分開上 豬扒是放上面而咖哩汁在底 這樣做法相當之好 一黎我唔食得太辣。 二來d汁唔會浸淋塊豬扒。 一如既往， 咖哩汁香辣，落少少已經好惹味。 裡面有一舊薯仔， 好諗，入曬味。 豬扒係用新鮮豬扒，大大塊切得相當厚，冇雪味。 你點樣夾，舊豬扒既炸粉都係唔會甩。 鬆軟得黎，冇用鬆肉粉既感覺。 我最鍾意頭尾位，頭位有骨, 炸到好香脆， 尾位有少少肥，有油香！ 內裡是juicy的口感，這樣的豬扒讓人一試難忘。 咖哩有辣度又不置於太辣 咖哩配飯，略嫌飯少了些，也少了特別，就是普通的飯囉。 配上咖哩汁來吃，讓普通的飯也變得好味。 喜歡餐廳設計，燈光照明 而且卡位甚多，方便傾計

早上九點多百無聊賴 記得早輪前來過這裡 同同事來這裡噗過早餐 我都忘了甚麼星加波多士餐了 呢度係counter 先落order同俾錢， 然後就有人送餐俾你~ d staff非常有禮貌，不得不讚! 多士味道不錯，有榔汁味 同事要普通咖啡 我的是大咖啡 我地先在水吧等咖啡時間 可以見到咖啡原用拉茶方式拉咖啡 一杯香氣迫人的熱咖啡， 這雖然只係淡淡的， 但就係淡淡既先好， 太勁我就頂唔順喇! 十點多店內人不多！ 加上地方尚算闊落舒適， 落地玻璃雖然只是街頭景 白色布疏化坐得舒服的感覺 基本上係會令人坐到唔願走的。

今天下午路過這發現 有間新加坡餐廳 看見入面環境幾乾淨。 又不用排隊就走入來 點了酥炸雞排飯跟咖啡 先取牌坐下來喝杯咖啡！ 不到五分鐘職員將餐送在面前。 賣相不錯，配埋太陽蛋，個蛋黃可以滲落D 飯到 整個雞排是這麼的厚實，炸得不錯 外頭的皮不會很多，算是還滿薄的，肉和皮沒有分離，炸得外酥內嫩 受不了吸引在最燙口的時候 馬上切一口咬下去， 幾乎就被燙到了.. 雖然炸，但是沒有感覺吃油的感覺 跟隨沙爹汁吃得出來有一點點甜味 雞排鹹甜香氣混和沙爹汁， 超級過癮的。 這裡地方吾算大，但裝修企理 坐得舒適，路過會再光顧

在公司附近，同事成日話好好 所以今天下午來試試 店內午餐有五款選擇 叫了口水雞套餐，約五分鐘到 而口水雞用一隻花碟盛載。 咪睇隻花碟如何美觀。 言而味道係相當勁狠 口水雞上面舖左好多 花生碎同埋醬料！ 雖然食得出來是雪雞 但肉質嫩滑,而且非常入味！ 食得到花椒八角嘅果種麻辣口味。 雖然唔夠水煮乜乜果種咁辣, 而雞肉入口有少少涼涼既感覺。 其實口水雞最啱就係依種溫度。 我食完碟雞之後仲淨返好多汁。 因為我叫口水雞中辣！ 夠辣及惹味撈埋飯一齊食 舖頭套餐只有白飯一碗供應, 但係加飯要另外柯打 希望店考慮加加五至十元 白飯任装就好 可以比俾各辣愛好者 可以汁都撈埋就好喇. 店舖不算太大約四至五十個位 而裝修設計頗有特色且雅潔

晚上公司工作到很夜 就在附近找少少東西醫肚 好多茶餐廰都關了門 記得附近有間源記 餐廳在橫街窄巷一旁 晚上零辰一點餐廳很少人 裡面四四方方不算很大 隨便找個卡位叫了牛筋河 我的牛筋河非常慷慨 。 牛筋色水靚睇落蚊得好淋身 食落去蚊得真係好淋 牛河湯底熱度夠。 這碗河粉我覺得最好吃之處在於河粉本身非常非常滑， 好像一吸就可以SIR 到肚子裡那種，而且薄厚適中。如果湯底再濃一點會更好 應該沒有多味精 吃完河粉沒有特別覺得口乾是件好事情吧。

我好耐之前食過呢間懷舊食堂 上次食已經係十多年前既事l 今天與同事重臨此處 不過味道就變得唔同曬。 沙爹牛肉麵食落去看得出 是先卓熟後再放湯 同以前即叫即煲差得遠 炒蛋尚算滑亦不少 舊陣時的麵包雖然係普通麵包 起碼上面真係平均地塗牛油係上面 食落去好鬆軟 但現在感覺到麵包很乾身毫無彈性而且無乜牛油味 好普通的咖啡可以飲得出就係粉沖 好淡，同飲水可相比 與小孩時用瓦杯飲欠缺了那種味道 好耐無嚟呢啲食堂食野啦。 以前吖媽係我細個時候就成日帶我嚟這些食堂 至今發覺都仲係殘留著多少以前回憶。 總而言之，這類食堂也隨著社會的變遷而逐漸被淘汰。 然而，它們曾幾何時也是社會上最受歡迎的食肆種類。 不知在將來的日子，它們受著時間的洗禮，經過歲月的變遷..... 不知能否仍然屹立於滄海桑田之景了。