想試咖啡弄好耐...但奈何我呢個九龍人唔多鐘意過海~
撞啱佢喺尖沙咀開分店，兩話不話約埋啲fd 去試下啦!

諗住新分店...應該會少啲人啩...點知我錯了...錯到離哂譜...
我12pm 去到...條隊已經排到去街尾卓悅嘅位置...個心已經一沉...但都頂硬上
當時天氣已經唔算係好熱好曬...但企足兩個鐘先坐得低...真係堅辛苦...
唔明白點解要啲客人企喺度排...派個籌真係有咁難嗎?
(排隊方面, dazzling 真係貼心過佢好多!!)

算...講返食物...我就明白點解要等咁耐都仲有咁多人排隊!!

p.s. 佢呢度嘅餐牌主要係offer 輕食(如: 三文治、沙律)、飲料(咖啡、特色嘢飲)同埋甜品 (窩夫嗰啲)，所以唔好expect 有好多熱食選擇。

1. 沙律- 燻鴨羅蔓沙拉佐香橙
驚喜水準之作!!令我想再encore 嘅菜式~
我本來好怕鴨羶味、唔食鴨的...但呢個沙律上嘅鴨胸一啲都唔羶之餘...仲好juicy...帶淡淡嘅煙燻香味...令我食唔停!! 原來鴨胸同橙嘅味道咁夾!! 完全大改觀!而家個potion 都唔細，好適合三五知己share ~2. 三文治- BBQ豬排三明治
味道唔錯~感覺就係足料嘅煙肉三文治~如果有下次, 我會試下其他菜式~
女仔食一件都已經飽飽哋喇~3. 三文治-玉米里肌起士可頌
喺好奇心嘅驅使下order 嘅三文治~食起黎有好濃郁嘅芝士味~個牛角包好鬆軟~~~
為咗解芝士嘅膩，側邊附帶甜粟+菜沙律，感覺幾平衡，不錯不錯啊~4. 手工咖啡-海鹽焦糖拿鐵
鎮店之寶...令我飲完仲會朝思暮想嘅咖啡~!!
一啖焦糖海鹽忌廉，一啖咖啡...淡淡嘅牛奶香，滲入焦糖香，加入海鹽嘅點繓已經好令人難忘...
呷一口熱啡，同口入面嘅cream 混和，又係另一重味覺享受!!好正呀~!!
(p.s. 啲nuts 都好正~)5. 甜品-草莓冰淇淋鬆餅
雖然話女仔有兩個胃...但係食完咁多嘢, 到食甜品時作戰力都真係爭啲...!!
不過一場黎到...冇理由唔試佢啲鬆餅...於是3個女仔share 一份~
個鬆餅外脆內軟，值得一讚! 相比之下，士多啤梨香味比甜味重，顯得有啲失色~
如果士多啤梨再甜啲、淋啲，感覺應該更好呢~ ^^

雖然唔係第一次食媽咪雞蛋仔，但係相隔幾年後再幫襯，說實在係有啲失望...

話說媽咪雞蛋仔嘅招牌菜係"朱古力雞蛋仔"...
同一般雞蛋仔用朱古力粉開蛋漿唔同，佢哋係用朱古力粒粒的~令人食落更有口感、朱古力味更香濃。
回想第一次食嘅時候的確有種驚為天人嘅感覺...但係今日再食番...好似已經不復當年勇。

首先講講個蛋漿，唔知係咪時間嘅關係，整體都比較林，同埋鬆散...略嫌唔夠香脆，缺少咗以前嗰種外脆內軟嘅口感。
其次係朱古力，好似落得太重手，得個甜字...食到一半已經好濟了。
最令人失望就係...個雞蛋仔食食下會自動分離做"上底" & "下底"，啲朱古力漿漏到成手都係...好狼狽
可能係因為要製作過程中要打開雞蛋仔機去落朱古力粒粒...搞到兩邊痴唔實啦...(實在太狼狽，冇影到相)
唉...有得揀...我會留返個Quota 試其他野了!

以前喺大學做lab 嘅時候, 就用過唔少次liquid nitrogen 去凍結&搗碎sample。
但勢估唔到，而家liquid nitrogen 仲可以用黎整雪糕，不得不佩服香港人嘅生意頭腦~

之前聽聞lab made 嘅雪糕勁hit, 但次次經過門口都勁排長龍...難得今日放工經過，見唔係太多人，就決定試下!

呢個就係今日嘅menu...二話不說就揀咗好多人食過都推薦嘅"焦糖醬海鹽牛奶脆脆" !賣相不錯呢~不過...個雪糕好似比想像中細咗啲啲咁啦...@@第一啖食落去...淡淡嘅牛奶味，伴隨著淡淡嘅鹽味，幾清新嘅配搭~
令人驚喜嘅係雪糕上面啲脆脆&焦糖，有一種特別嘅香甜味喺口腔縈迴~好味!!
不過奶味可以再濃少少...因為食多幾啖，感覺好似俾焦糖味搶咗鏡，得返焦糖香~
$44 可以試到啲平時食唔到嘅雪糕，都算係一個good try 啦~
反而我開始期待佢之後又會推出啲咩新款式口味呢~! XD

好幾次同老公經過寶勒行，都留意到間餐廳隱隱約約咁出現喺一間Boutique酒店嘅樓下，好似好有情調咁...
今次終於一嘗心願去試下喇!

入到去餐廳，每張枱上面都擺放住燭光，氣氛都幾Romantic~
不過枱與枱之間略嫌逼咗少少...同埋個冷氣喺呢個天氣下...好似唔係好夠力，有少少焗，但整體上都無損我哋嘅雅興。

同老公嗌咗個Starter & 2個Main dish...
(1) Starter- 煮青口
本人唔係太好青口，不過見隔離枱order嗰盤好似幾吸引，就試下啦~>> 青口好肥美，舊肉同個殼差唔多大...咬落去好Juicy~
>> 啲汁酸酸哋，好開胃之餘，仲平衡咗青口嘅戥味，連我咁怕戥嘅人都食得落!!不錯不錯~!!

(2) Main Dish- 西冷牛扒
食親西餐，我都好鐘意叫牛扒，呢次都唔例外，order 咗份西冷扒，Medium...>> 買相不錯...但係雖然話係叫咗Medium﹐但係我覺得比想像中熟..香味同肉味亦比想像中遜色...感覺只係一般...可以的話，我覺得可以留番個Quota 試其他野

(3) Main Dish- 西班牙海鮮飯
老公就嗌咗份西班牙海鮮飯~>> 喜出望外，賣相吸引之餘，仲好足料~!! 我可以話，海鮮仲多過啲飯，而且個汁亦調校得洽到好處，令人食大動呢~推介啊~!!!