OpenRice 主頁      English OpenRice      TableMap      開飯遊踨
   中文 | English
cemilylai
我是cemilylai。
食評會員 0次成為首位寫食評會員
食評數目 食評數目 9
編輯推介數目 編輯推介數目 0
食評被推次數 會員推介次數 3
人氣指數 人氣指數 102
討論區留言 留言數目 0
上載相片 上載相片 21
上載影片 上載影片 0
我的推介食評 我推介的食評 0
我的餐廳 我的餐廳 33
關注 關注 0
粉絲 粉絲 0
cemilylai  等級2
關注 關注  留言 留言給此食家 
排序方法:  日期 笑臉 笑臉 喊臉 喊臉  編輯推介  餐廳總分 
顯示選項: 所有香港 澳門  
 
 
 
 
 
  文章形式 文章形式   |   地圖形式 地圖形式
共 9 篇香港及鄰近地區的食評,正顯示第 1 至 5 篇的食評
2015-01-15
Share on TwitterShare on Facebook
類別 : 法國菜西餐廳酒吧露天茶座浪漫情調慶祝紀念日

對住維港 view,好靚!

對住維港 view,好靚!

 
以前飲嘢一直習慣落中環,但近呢兩三年轉左地頭返工,放左工攰到死唔想下下搖過海,於是開始留意油尖旺有冇好地埗。最近上網睇到幫襯過的 EPURE 原來開左室外部分 La Terrasse,有日和同事做完嘢便一齊去試下。

嚟到時六點幾,個天仲未黑晒,係好靚嘅寶藍色,襯住個維港景同四周嘅燈飾,好靚!環境都相當寬敞,感覺唔迫,好舒服,係一個可以同朋友飲兩杯、傾下偈嘅好地方。
送埋佐酒小食,都相當好味。

送埋佐酒小食,都相當好味。

 
坐低點左杯Pina Colada,coconut milk & rum 的組合,味道甜甜地,好適合女仔飲。另外一位靚女同事點左杯Nothing,入面有vodka 原本以為好 “哽”,點知又 OK 喎(不過我地有同調酒師講要少啲酒 XD),都好易入口。

不過我最鍾意都係呢度 view 靚又夠靜,地點又就腳,以後約朋友傾偈可以多一個選擇。

用餐日期: 2014-12-18        

評分: 味道 5   環境 5   服務 5   衛生 5   抵食 4

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2015-01-14
Share on TwitterShare on Facebook
類別 : 日本菜日式西餐甜品/糖水雪糕/乳酪咖喱

 
很久沒光顧麻布茶房,那天朋友約了在那裡吃晚飯,隨便點了一杯抹茶牛乳(因為冇咩其他熱嘢飲,又唔想飲朱古力),咦!估唔到咁好味!抹茶上面cream的甜味,與綠茶的甘香味十分搭配,又香又濃又滑,好有texture,而且成個presentation都唔錯!
雖然一杯嘅價錢都唔算平,不過實在係好飲!尤其宜家天寒地凍飲就啱晒。雖然食物方面就比較平平無奇(個意粉仲有啲太鹹),不過為左呢杯美味,我會再encore!
堂食等位時間: 0 分鐘
用餐日期: 2014-12-29        

評分: 味道 4   環境 3   服務 3   衛生 3   抵食 3

推介此食評

1
 
 
你覺得這篇食評:
鼓勵
期待
有趣
感動
羨慕
靚相


查看結果

2014-12-11
Share on TwitterShare on Facebook
類別 : 法國菜Fine Dining浪漫情調慶祝紀念日

 
嘴刁朋友一向對食頗講究,咁啱我上次來EPURE之後又對那個磨菇湯念念不忘,於是索性拉埋佢一齊「舊地重遊」(對佢來講係「新地」,因為佢第一次來),齊齊食好嘢。
坐低發覺原來已經轉左 MENU XD,tasting menu 冇左磨菇湯了,本來想 A la carte 叫,但又見到 tasting menu裡有一個栗子湯似乎都幾吸引,結果我放棄左磨菇湯 XD。
開餐前點了一杯酒,來自法國 Alsace 的Gewurztraminer,帶有一點甜甜的荔枝果香,相當易入口,幾啱女士飲。
頭盤有 3 道,我比較期待的是生蠔和栗子湯。先來生蠔:

 
兩種食法的生蠔,左邊一款配碎冰,右邊配當造的 Williams pear。碎冰是混和了jamsine tea而製的,再加上hazelnet碎,冰涼清香中有脆脆的口感,連埋生蠔一齊食,口感幾特別。最得意係上面那塊小小的圓形的葉,原來叫「蠔葉」,服務員介紹說,有蠔生長的地方,附近就會有這種葉,葉片本身都會有少少蠔味,真是第一次聽聞,長了見識。

 
再來栗子湯,入面有茴香蓉及黑松露,湯灌下去時飄來陣陣黑松露香。而個湯都冇令我失望,夠香濃。呢度嘅湯真係相當唔錯。

 
主菜我點了法國嫩雞,呢道菜真係全晚嘅亮點所在,入口一咬那種彈滑的口感,真係好耐冇食過咁好食嘅雞!好嘢梗係要分甘同味,分了一點給嘴刁朋友試(佢點了和牛),佢都覺得十分 OK!

 
朋友個A5和牛都唔錯,以前食神戶牛雖然係入口即溶,非常肥美,但其實冇乜咬口。今次呢個係近江和牛,鮮嫩得來有牛肉味,而且有咬口,我地兩個都一致讚好!

 

 
最後食埋甜品疏乎厘,飲埋朱古力(呢度嘅朱古力都唔錯,香濃得來不甜膩),結束左美味嘅一餐!

嘴刁朋友同我都非常滿意嘅一餐,樣樣都好食。最好就係佢比較清,有些法國菜雖然都好味,但感覺較膩,食完比較滯。以法國菜來講,咁嘅食物質素,價錢其實唔算貴。不過最開心都係同好朋友一齊嚟食,一直都覺得,美食能和好友分享,成件事才真正的「美味」!

推介美食: 法國嫩雞
堂食等位時間: 0 分鐘
用餐日期: 2014-12-09        

評分: 味道 5   環境 5   服務 5   衛生 5   抵食 5

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果

2014-07-20
Share on TwitterShare on Facebook
類別 : 法國菜Fine Dining浪漫情調慶祝紀念日

較早前已經來過一次,不過那次是來幫襯與餐廳相連的Dalloyau,那時後面的餐廳尚未開張。早幾日知道餐廳開幕後,便專登孖朋友來試試。
ÉPURE的內部設計據聞是由名師打造,我尤其喜歡圓形式的卡座設計以及卡座背後的畫,還有落地大玻璃窗,天氣好的時候可盡收外面露天balcony的自然光,非常舒服又環保。在尖沙咀鬧市中有這樣高雅寧靜的一隅,感覺難能可貴。
今次我們點了tasting menu,共有 3 個courses,前菜有緬因龍蝦和巴黎白菌湯,龍蝦質感爽口鮮美,配青檸 + basil 的sauces,口感十分清新。

 

 
巴黎白菌湯非常好飲,強烈推介必定要試!湯汁非常香濃,濃湯配以中間的菠菜,味道獨特而非常匹配,是我飲過最好味的白菌湯!

 
主菜點了法國牛脊扒,口感煙韌,連旁邊的配菜炒雜菌亦非常香口,再配埋青邊豆薯蓉,雖然分量看來「的的式式」,但其實都食到十分飽。

 
最後甜品揀了法國芝士,當中有羊奶芝士和牛奶芝士,像我這種 cheese lover 可以一次過試咁多款口味,梗係爽啦!如果嫌齋食芝士太鹹,餐廳會隨芝士供應麵包,佐麵包食都好味。
基本上食物質素和環境都很不錯,可以 encore!
推介美食: 巴黎白菌湯

評分: 味道 5   環境 5   服務 5   衛生 5   抵食 4

推介此食評

2
 
 
你覺得這篇食評:
鼓勵
期待
有趣
感動
羨慕
靚相


查看結果

2014-07-14
Share on TwitterShare on Facebook
類別 : 港式西式咖啡店飲o野傾計

因事去佐敦,忽然想食意大利粉,朋友介紹我去了這間Amour Café。點了「奶油蘑菇煙鴨胸意粉」、咖啡和Cheesecake,一落單老闆娘就問:「你等唔等得?好耐架喎!」我問要等幾耐,佢話要半粒鐘,又真係冇呃你,確實係要等足半粒鐘,趕時間的朋友真係唔好嚟。

 
但要等咁耐我相信佢係好有心機泡製啲意粉出來,食後亦冇失望(雖然亦冇特別驚喜)。意粉的料和分量都好足,食完飽到頂上心口;不過口感就沒有想像中彈牙,不過也不差。比較失望係個汁,我個人喜歡creamy 的汁,但這個汁我覺得太稀。

 
最後係坐我隔離那兩位女士讚不絶口的cheesecake,少少的一片,味道不太甜,吃完不膩,但個餅底我覺得不夠鬆脆。

整體來說我覺得可以一試,價錢也不貴。

評分: 味道 3   環境 2   服務 2   衛生 2   抵食 4

推介此食評

0
 
 
你覺得這篇食評:
鼓勵
期待
有趣
感動
羨慕
靚相


查看結果