幾年前第一次食酸菜魚就係食渠，所以都認定渠慨味道系最始祖慨味。 晚餐時間不使等好耐就可以入座入到門口店員亦都好熱烈咁歡迎我喲好有氣氛 而且牆亦都有很多海報 位置亦都好闊落 卡位可以坐到四到六個人 適合一班人過嚟聚會 酸菜魚咁梗係要點一個三至四人份量上菜好有儀式感 大份 上面滿滿都綁酸菜 同埋魚肉 先飲啖湯不會好多油 酸酸地幾開胃 魚肉亦都好嫩滑小食慨選擇有好多而且價錢都中規中 矩 一班人好適合叫一個酸菜魚加上兩個小食我自己比較推薦娃娃菜同埋小蘇肉小蘇肉香脆 香港亦都比較少地方整 娃娃菜就好新鮮好解膩 睇來以後都不需要特登去深圳食酸菜魚

最近同伴侶約會嘅時候 都喺度搵緊一啲浪漫嘅飲酒餐廳 特別有時慶祝完周年紀念都想飲番杯 今次非常驚喜 帶我嚟到呢一間酒店 一入到嚟已經覺得好奢華 無論係酒店嘅外圍 抑或裏面嘅一啲細節位 包括樓梯 升降機 設計都好金碧輝煌 一入到去the crown 柔和嘅音樂真係好舒服 景色亦都好震撼 高樓大廈林立 啲燈飾仲好靚 我哋變咗兩杯紅酒 由於食到好飽，今次就揀咗個芝士拼盤 可以一路傾偈，一路配酒 芝士選擇都有好多 仲有唔同嘅餅乾去做配搭 夜少少嘅時間仲有live Band 好浪漫 一齊放低工作嘅辛勞 聽吓歌 放鬆一下

屋企人聚餐嘅要求都好簡單 揀一間舒服嘅中菜！ 半隻炸子雞 必點之選 外皮好香薄 咬落去好脆口 雞肉亦都好嫩滑 而且仲有唔同調味料配搭 更加豐富個口感層次 蟹殼嘅造型 入邊有蟹肉同埋洋蔥 出面有一層炸咗嘅表面 食落去充滿驚喜 鍾意食蟹嘅不能錯過 和牛粒炒蒜 和牛粒大大粒 仲有香脆嘅蒜片炒埋一齊 牛肉透出粉紅色 食落去牛肉味香濃 蟹肉荷葉飯 上面滿滿都係蟹肉 而且個飯亦都有好多海鮮粒 每一啖都足料 仲有淡淡嘅荷葉香 而且附近仲有海景 食完飯仲可以落海旁行吓

中環呢一間意大利餐廳可以講係全港性價比最強 晚餐時段可以唔使$300 就可以係一個浪漫嘅環境晚餐 首先真係要超級推薦，佢哋送上嚟嘅餐包 佢有兩種味道 一個係蕃茄 另一個係蒜蓉 真係好香脆 加埋中間個蒜蓉粒 超正！ 前菜我哋選擇咗牛油果三文魚 同埋Parma Ham 兩個都幾好食！ Ham上d菇有種鹹香 配搭酒一流！ 主菜我哋揀咗慢煮豬肉！ 同埋牛肉 份量真係唔使講，超大份 食到中段已經開始飽飽地😳 不過真係好好食！ 牛肉五成熟，亦都唔會好厚身！ 甜品特別推薦Tiramisu 另外佢有個奶凍都唔錯 最特別有別於一般餐廳，就一定係 佢哋中間設計左一個跳舞池 差唔多踏入9:00 大家就可以喺中間度跳舞 老闆仲要係好熱情! 啱晒大家週末放鬆 飲番杯酒 渡過美好假日！

尖沙咀呢間專門做燒味店，門口裝修感覺都好乾淨大方，一入到去都係新式嘅茶餐廳設計，比較闊落同乾淨。 環境都唔係重點 最緊要係食物嘅質素！ 就算我哋點咗燒鵝 燒鵝一上碟，顏色已經好靚仔，皮好香，唔會燒過龍變靭，皮外有少少脂肪，加埋鵝髀肉，好香口！ 乳豬都係必點！一片一片擺得好整齊，喺側邊睇已經見到分層，脆皮厚肉，外皮一咬即碎，好正！ 最後叉燒，叉燒用嚟配白飯一流，加埋叉燒汁！想食肥啲就一定叫肥叉，脂肪同肉都好均勻，食落去好有滋味！

呢間餐廳Moko商場 只要去旺角東就好快可以去到 都叫做喺旺角一間比較適合啱啱約會嘅餐廳 餐廳位置都好闊落 枱同枱之間都一定距離 顏色都以暖色為主 非常舒適 UNI & Scallop Linguine 海膽同帶子意粉 帶子好大粒 食落去好鮮甜 海膽好鮮味 配埋Creamy嘅意粉 仲有啲紫菜碎 提升成個意粉嘅風味 Maple Bacon Cheese 鍾意食漢堡包嘅人，一定要去點 牛肉漢堡煎到微脆 牛肉同煙肉都好juicy 加埋邪惡嘅流心芝士 一啖咬落去，好有滿足感 The Pantry's Pancake 經典之作！依間餐廳一定要食疏乎厘，疏乎厘非常飽滿，睇落去已經充滿質感，上面嘅牛油熔係疏乎厘上面，加埋cream ，仲有旁邊有啲水果，一啖落去，好creamy 好幸福！

尖沙咀有一間特別好玩嘅餐廳酒吧 首先裝修已經好特別 一入到去門口有嗰種懷舊disco嘅感覺 入到去每一張枱都有一個音符嘅燈 . 最特別之處，就係你係可以即場download個 app，然後點歌曲，喺舞台嗰度盡情享受！佢仲可以比觀眾為你評分打氣，仲可以收禮物！最鍾意係店舖螢幕，無論音效定一話視覺上嘅效果都做得好好。 . 而且店員都好有禮貌！講返食物先，自己特別推介避風塘炒墨魚咀，同埋蟹餅三文魚子醬。我好少以來嘅餐廳會有出色嘅墨魚咀，肉質好彈牙，而且件數多非常多！蟹餅外脆，咬落去啖啖都係蟹肉。 . 主菜方面，特別推薦五成熟牛扒，佢仲會幫手剪埋，肉質都唔錯，鍾意食西餐嘅都可以點埋！

有冇試過食地道有奢侈嘅龍蝦湯泡飯？ 佐敦依間村爺爺一向都好出名，出名在於超正嘅湯底！ 店舖雖然面積唔大，但係大約7:00已經開始大排長龍，證明呢間係有幾吸引！ 頭先當然要食佢勁出名嘅龍蝦湯泡飯！佢都有幾個唔同嘅選擇，我哋今次揀咗龍躉、配上青口、蜆肉等等嘅配料，仲有大睇過龍蝦頭，影相一流，泡飯食亦都好好食！ 第一個一定係鮑魚雞湯螺片，雞湯超濃郁！真係好似屋企煲嘅住家靚湯！我自己就最鍾意食呢一款，感覺都好滋補！ 另外都唔少得啲小食，最鍾意係鵝腸配合黑毛豬肉，好爽口，配埋佢啲特色醬都一流！ 以佢啲飲品真係好大杯！單點我建議你點一杯都夠！成支雪碧俾你放入去，菠蘿同埋熱情果口味，我就比較推薦熱情果！好Fresh! 成餐滋補嘅套餐，都只係$350鬆啲！真心講真係好抵！

打邊爐真係香港人一年四季嘅最愛 聽朋友講佢哋嘅湯底好正 於是今次特登去食祖傅秘製麻辣鍋 蜂巢豆腐白湯鍋 打邊爐無肥牛就無滋味，火鍋撚御用手切肥牛好正！佢仲有suggest煮既時間，配麻辣湯底好惹味！ 法式龍蝦湯爆漿牛丸好有特色，食嘅時候都要小心啲，一唔小心，真係會噴到成身都係😂 手打靚蝦滑，冇諗過咁大份，鮮蝦大大隻，兩個湯底都好岩食！ 即炸三秒響铃卷配埋甜酸汁，1秒由湯底拎出，再點醬汁，吸滿曬精華！ 最重要某啲日子，蜂巢豆腐同埋鴨血都任食！

餐廳位於尖沙咀 重要係北京道 交通非常方便 夠曬熱鬧！ 行完街，梗係搵返啲特色嘢食！ . 花雕陳村粉蒸蟹 最推薦這個特色菜 那一定是店家必點！一上菜，還是被金黃的湯底吸引了，好濃郁的蟹肉，新鮮又多肉！蟹鉗大大啖肉！而且入邊又有蛋花，配搭花雕酒，錦上添花！ 雙色两味蝦 蝦球大大粒！最緊要唔使滅蝦，張口就有肉食！有咸蛋黃味 同 千島味 ，配飯 送酒一流！店舖仲可以嗌酒飲添 特色脆皮慄魚 似糖醋方式烹調 魚皮很脆，而且份量十足，酸酸甜甜，好適合夏天！