因為去對面嘅ding泰豐食晚飯…咁岩又見到佢新開…貪新鮮一試！入到去無客，揀雪糕，每日好似有4款味，其實我覺得同大坑嘅分子雪糕無咩分別…唔會特登行過去食

食雪糕時不斷食到粟米"衣"…如果唔係因為呢層"衣"我差d唔記得自己係食緊粟米味雪糕 友人食呢款
佢話奶茶味好重好香…做得唔錯~ 個人覺得呢間分子雪糕可以一試，但味道需要濃返少少…我真係唔知自己食緊粟米雪糕！同埋是日雪糕可以貼出門口會更好！呀！見到佢ipad slide show有味噌雪糕，呢個有d興趣想試！但特登行過去有d遠

突然轉冷…打返個邊爐先… 一直都未食過呢間…所以都唔太知咩價位…只知佢係佐敦有一間…灣仔店係新開… 入到去…好靚嘅裝修…打開menu…嚇左一嚇…價錢都幾貴…
呢個鍋正呀！話就話牛骨湯…一煲入面已經有晒牛骨白蘿蔔仲有大量牛雜！先食呢個湯底d料已經飽左一半！2百幾蚊好抵食！
呢個手切牛…切得有d厚…雖然好夠牛味但太厚…唔夠滑…麻麻地…




呢3款自家製嘅火鍋料都好好味…當然價錢都唔平喇…丸同餃都過百蚊一碟…但得8粒咋…響鈴就68… 4個人就住叫食左千一蚊…但最後都好夠飽…味道又ok…貴d但都可以接受嘅！

拍拖7週年紀念晚餐，1早book左sheraton入面嘅雲海~據聞係5大日本餐之一，我覺得食物質素都幾好，服務亦唔錯，但作為一間大酒店入面出名嘅日本鐵板餐…似乎廚師煮野食嘅工架同技術都欠奉！！鐵板餐最講求廚師對兩隻鐵板剷嘅運用技巧…而煮我呢餐嘅廚師竟然多次跌左成個鐵板剷係食物度!!! 同埋…我唔鐘意佢將我地嘅飯同雜菜等等嘅食材同隔離嘅1齊煮！我完全諗唔到炒埋一碟呢個情況會係一間大酒店入面發生(佢一次過煮左10個人嘅炒飯！) 只可以話5星級嘅食物配以2,3星級嘅廚師！完全浪費晒！



兩款前菜，味道幾好，唯一有d唔美觀嘅就係刺身嘅大葉竟然有黑點！呢d食材實在唔應該出現喺一個千二蚊per head嘅餐上！
普通嘅燒帶子~味道唔算特別！
燒龍蝦…煮得岩岩好…係有一兩粒太大粒嘅會有少少生…但我食咁多次鐵板餐…第一次見個廚師會用鐵板剷強行"了"d蝦肉出黎！
呢個鮑魚片…係上碟果刻佢講…我先知佢係鮑魚點解唔係新鮮原隻上…喺鐵板上煮呢…
呢個鵝肝係成餐飯比較可取嘅…淨係食鵝肝好漏…所以我連埋個包一齊食…但個法包太硬…好似隔夜麵包咁…



之後分別上左兩款牛…因為我地叫左兩個唔同嘅餐…當然無日本和牛咁好食喇…但都唔錯
10人份量一齊炒嘅飯…我仲食到一大舊未散嘅飯添
鐵板例牌嘅龍蝦味噌湯…so far so good喇…無咩特別…
最後可以揀雪糕or生果…我地兩個都揀左生果！夠晒凍~good!! overall黎講…食物質素唔算差…但有好嘅食材…無好嘅廚師…只係晒左d食物…呢間試一次就夠了…唔會有下一次…

鯉魚門嘅海鮮由細食到大…食左十幾年都係食同一檔海鮮檔--龍翔，經佢介紹嘅酒家都有3,4間…但只得海景係我食過咁多次嘅不二之選！除非真係好full無位…如果唔係我都唔會去第二間俾佢煮海鮮！ 屋企人一行5人去食…又係一入到鯉魚門海傍道就要望住自己想去嘅目標衝…因為中途實在有太多海鮮檔會叫停你…而我地食開嘅海鮮檔--龍翔…又係比較入嘅位置…所以一個字衝! 去到龍翔may姐一見到我地就會自動幫我地打去海景留檯…揀完海鮮…就向海景出發！海景比龍翔更入！ 由於係龍翔已經order好晒海鮮同煮法…所以去到海景…基本上係等食!
先黎個瀨尿蝦…唔知道係咪因為休魚期嘅關係…肉質唔太肥美…但好鮮甜!
之後就黎炒班腩…鯉魚門嘅班腩係我唯一會食嘅…因為我對魚腥味好敏感…有少少腥我都食得出…但呢度嘅我就好鐘意食…大愛!
一條班又點只得一味…再黎個炸班頭腩…炸到脆身再上汁…香口得黎又不失魚嘅鮮味…正！
之後就黎我最最最愛嘅芝士焗龍蝦伊麵底! 食過好幾間鯉魚門嘅酒樓整嘅芝士焗龍蝦…整得最最最好味…佢用嘅芝士…味道超濃超香!! 龍蝦鮮甜加上沾滿芝士汁嘅伊麵…

炒聖子係今晚最失望嘅一個海鮮…聖子肉太淋…唔夠爽口彈牙…
蒸貴花丰…鮮甜彈牙~蒜香味唔好蓋過貴花丰嘅鮮味
薑蔥炒蟹…呢d要夠鑊氣先好味嘅做法係屋企真係好難整到…超多膏超肥美…肉質又夠鮮甜…正正正
另外order左個紅燒豆腐菜遠底…食返d蔬菜健康下…估唔到除左海鮮…連呢d小炒都做得好出色…好好味!
每檯食飯嘅都會送海鮮豆腐湯…奶白色嘅魚湯…平時唔飲魚湯嘅我都覺得好好味! 呢度嘅前菜係皮蛋酸薑…我係唔食嘅…但屋企人就話皮蛋起晒花…好好味… 食完仲有飯後果…我地嘅係海鮮檔送嘅…如果海鮮檔無送…海景都會有…但就係普通野…海鮮檔送嘅我地可以自己揀~ 海景仲會有桂花糕做飯後甜品…又係我嘅至愛!!! 5人行埋單$3746~海鮮係2800左右…其餘係煮工~個人覺得係物有所值嘅一餐!

第一次認識greyhound cafe係喺旺角分店…當時只係行街經過…見到d chef係門口整緊千層蛋糕覺得好吸引…但果日未有機會試…今次gathering就特登約左係尖沙咀分店食! 一黎到…就排隊等位…呢度無得拎飛等位…要係門口排隊…如果拎飛都可以去行住等呀嗎…不過好在都係等左20分鐘左右… 3個人唔太大食…所以order左唔係好多野…但款款都做得唔錯…
越式米紙卷…呢個用生菜包住米紙卷加上一d薄荷葉…定檸檬葉之類嘅野…令到味道好清新好fresh!
之後就黎左個單骨雞翼…睇個樣好似平平無奇咁…但食落係估唔到咁入味咁juicy

呢個dish應該係全餐飯最差嘅一個dish…d豬肉好un…好難咬開!

炸粟米蟹肉餅…炸得好香口…食到好足料嘅粟米同蟹肉絲…唔係啖啖麵粉!
最後3個人share一個dessert…叫左椰子蛋糕…連個cream都有椰子味! 入面每層仲有椰肉絲…驚喜之作…不過建議呢個dessert都係同朋友share好…一個人食會太漏!



menu嘅製作都幾靚嫁! waiter嘅服務都不過不失喇…有禮貌~收野嘅速度都ok~但就無留意到我地仲有野未到齊就想收我地餐具上甜品囉…好似好趕住要我地走咁 其實仲有好多款野食想試…下次要再食先得…但我希望可以拎飛唔駛排隊就好了!

去灣仔買野…途經呢度…俾佢門口大大個13蚊一球雪糕吸引左…熱辣辣行到成身汗…諗住買球雪糕消暑…都無期望過會有咩特別… 點知入到舖頭…見到有好幾個人企埋一邊食緊…行到雪糕櫃前…哇…有成十幾款味揀…仲有得試食添! 試左椰子味就即刻order左了~細球13蚊…大球19蚊…叫左細球… 但出到黎都唔細呀! 係normal size…最驚喜嘅係…試食時只食到雪糕…無食到有果肉嫁!! 椰肉加上椰子味雪糕…一流呀! 無諗過13蚊都會有咁好嘅質素!! 雖然位置有d唔方便…附近亦無咩野行…但如果落開灣仔…一定會再去試其他味!!

一個人去完大埔見客…唔駛趕返公司…可以直接返屋企…去到紅磡站諗住轉巴士嘅時候就諗起呢間舖嘅沾麵…經常記起佢…但奈何位置實在唔太方便…只可以等路過尖東/紅磡先去食…每次都係tea time時間去…未試過要等位… 每次去都有唔同嘅特色拉麵做promotion…但每次我都係俾特濃櫻花蝦沾麵吸引住…香味超濃嘅櫻花蝦+口感濃郁嘅豬骨湯底…配埋軟硬適中嘅拉麵…正! 呢度最好嘅係每張台都會有細細個嘅電磁爐…方便食客隨時將湯加熱…咁個湯底就唔會因為沾左拉麵嘅涼氣而唔夠熱辣辣喇!

希望佢可以快d開分店…最緊要位置要夠方便!

食完飯…特登揸車黎東大街諗住食呂仔記糖水…點知是日休息…咁唯有係呢條街揾食喇… 開頭見到呢間好似幾吸引…但要等位…所以行左去街尾再睇…但最後都返左黎呢度…再行返黎就唔駛等喇 3個人叫左3款share… 呢個芒果腸粉…大家都一致覺得個腸粉皮太甜了…有d漏…芒果夠熟夠甜…但腸粉皮令到成個甜品有d過甜…比較一般

龍眼冰露…出面好似比較少甜品鋪用龍眼黎做dessert…我食過嘅就得兩間…呢個龍眼冰露好好味…d沙冰啖啖都有勁香甜嘅龍眼味…加埋龍眼果肉同爽口嘅西米…超夾…


紅棗冰露…呢個都好正…紅棗沙冰應該係用紅棗水雪硬左再打成冰…成件事超濃紅棗味…估唔到一個中式材料會有咁嘅驚喜!美中不足嘅係紅棗材料質素唔係咁好…有少少帶酸…如果唔係呢個dessert會更好味…

下次可以encore!!!

朋友們個個都食埋野先出黎…一個人黎到中環揾食…想揾間唔好咁貴又唔駛排隊嘅真係好難…
黎到正斗附近…間間都人頭湧湧…想揀間經濟d嘅就只有正斗…一個人都足足等左半個鐘呢…

叫左個南乳豬手撈…味道一般~反正只係想填飽個肚…所以都無咩所謂…但唔會有下次…連埋加1價值$77…但其實同我出面任何麵檔嘅南乳豬手撈都無分別…點解要俾多差唔多一倍嘅$$去食呢…仲要等咁耐位…除左味道一般之外…佢地嘅服務態度都真係有待改善…我明白太多人問野真係會令做野嘅人燥底…但話晒我都係一個顧客…點解俾錢食餐飯仲要受返氣呢…

收工之後就係附近揾食…食完就要入機場睇transformer~要食個快飯…見到coco唔駛等…就食呢間! 我都係食返我嘅例牌~ 忌廉雜菌咖哩飯~唔辣呀唔該~呢個飯真係食極都唔悶~忌廉同咖哩好夾…配埋雜菌…唔會太heavy~岩晒唔想食太多野嘅人~滑蛋包住粒粒分明嘅珍珠米加上個sauce~簡直絕配!!
男朋友就食左呢個忌廉雞肉咖哩飯~ 我見到d洋蔥就唔想食所以無試到…但佢都話ok味道唔錯~我唯一嘅問題就of3點解大家都係忌廉…但佢果個白d…我果個無咁白…但因為趕時間~所以就無問到佢了!
衝衝忙忙食完就走左…真係一餐快餐