老點點心竹筒飯 (旺角)

對這間店鋪的印象向來都不錯. 但真系份量比較小, 通常吃完預round 2就差不多啦!

向來喜歡吃燒賣 , 不過呢個燒賣賣個特色 , 味道不過不失~老實講,一般酒樓的燒賣好味d...但我都幾喜歡竹筒飯~雖然份量真系少d 同埋選擇都比較少~><
不過要讚1讚個餐具安排,感覺良好！試埋個叉燒腸～層皮好滑＊太餓了，吃了一半才記得要影相
其實就算唔點鼓油都唔ｄｒｙ，呢樣做得唔錯～西式漢堡竟然在點心有得食！？不過得．．．１啖．．．
因為它叫「一口漢堡」啊！＞＜感覺好得意，細細口反而令口感豐富左＊

點了４樣細份量的點心，其實對女仔來講剛剛好～
晤會有咩罪惡感～所以建議男人吃的話，可能要來多２轉～
喜歡有熱茶配著！價錢較低～都吸納到不少食客，然而位置很逼夾，如果想舒服坐下聊聊天未必滿足到！

一休日本料理 (旺角)

見個門口都幾ok,一休又多分店,所以就試下. 同男朋友2個去,入到去見到都仲有頗多空位, 起初服務員安排我地坐2台客的中間, 相差20cm的台...點入?!吾好話擺袋...一看就知道坐起裡面系逼夾啦!!

馬上跟服務員講個位好窄, 我地想有個位擺下野(PS* 已經拿住2-3個袋...)跟住左望右望d空台, 問她呢張坐吾坐得, 又話吾好意思, 咁入d有張4人台; 服務員好吾情願, 竟然話:「 坐啦坐啦.....」

跟住都未坐低又話 :「後面有台4位,有老人家吾想坐近門口,要坐入來,不如你地讓一讓啦!  」
咁唯有讓座，移步去後一張4人台 * 都未坐低, 個服務員話: 「吾好意思，吾系呢張，系門口果張」
佢一指，原來係第一次我拒絕坐那張．．咁逼夾！　我再話：「小姐，果張系窄到人都入吾到．．頭先我已經講過吾坐那張．．．」

（周邊仲有好多空位）
服務員話：「咁一係你地坐樓上啦」已經好無奈，繁忙時間上面係未開燈．．．跟住開燈，上面係冇人坐，我行去卡位坐，佢又話：「係呢張2人台」係樓梯位，廁所對出（距離得１米）！！！我再講多次：「我地想擺野，可吾可以後面張卡位？」佢答我：「無啦，係呢張．果ｄ預曬比4位坐」
咁即係點呀？！原先比我果張我讓左比老人家，後面張4人台又吾比坐，叫我坐樓上又吾比坐！我再話：「咁呢個2人位點擺到野呢?」佢竟然好無奈咁話：「好啦好啦」擾攘左10分鐘我地先有位坐得！最諷刺係，樓上我地係第1台客囉!!!!

好肚餓, 立刻叫野食...但係水都冇杯囉!!fine, 終於來了客三文魚,味道正常*相信每台客都會叫,因為夠$100可以優惠價$28叫一客*跟住來個鰻魚炒飯...d鰻魚系少到見吾到,整碟飯得3粒,系呀,3粒!個size仲細過擦膠重點系...好---難---食!!再來一客牛舌串燒...普通,好un...=_=本身好喜歡吃銀鱈魚,有所期待...但事實上又系點呢!?其實系咪我誤會左d乜野...$68/客,有2件...每件好似麥樂雞咁size...仲要系d肉散修修咁,見到那刻真系好難受....坐個位呢樣又吾得,果樣又吾得, 水又冇得飲...份量又小...我同男朋友2啖食曬, 完全吾飽,多謝曬, 埋單啦吾該.....

服務員黑口黑面, 拿埋最後一道菜來...燒玉子,,終於一道菜系正常d...不過我同男朋友已經不滿到食2舊已經走! 我真系寧願去老麥食仲寫意, 至少坐邊度系我選擇! 下次我真系純粹想找一間''擺得入口"的餐廳, 都吾會再過來食!!!
更何況, 真系好吾抵食!!  真系好嬲!!!

藏戶概念館 (旺角)

第一道菜* 我男友喜歡吃三文魚子,所以就叫了一客, 男朋友話不過不失 ; 但口感唔算太豐富～算系新鮮, 紫菜都脆口~不過1件都$30...偏貴

呢度service和環境都唔錯, 好快就有waitress來服務我地 ,要讚1讚d 樓面,都幾詳盡介紹到生蠔! 今次我系特登來食生蠔~ 普遍系$38隻 , 有5-6款選擇; 我自己就叫了Pinky no.1 & 法國生蠔No.2 Gillardeau~但等曬d菜來....生蠔都未到, 我男友話: 系咪開隻蠔都搞咁耐呀...第2道菜來埋,不過刺身和生蠔都未到><
by the way,我幾喜歡個烏冬~口感幾彈牙! 唯一不足的是安格斯牛肉的分量真系比較少...刺身終於到了...其實我地叫了好少 , 因為一件...系一件!!! 都$30...呢度咁就$100.....
三文魚腩就$15/件, 個size系一件壽司....我和男友一人一半....希望個帶子唔好令我失望~
帶子都算ok, 不過冇我預期中咁嫩滑~
所以呢個....唔算系抵食...~

最後等到生蠔來到, 二話不說食左先!
我幾like Pinky~

系mk有優質生蠔食又抵食其實真系比較難~
所以呢度就有d優勢@@

埋單走...$3xx其實都算合理...不過份量真系偏少和偏貴....
所以都系出去再填下肚啦!