諗住restaurant week網度見評分好似唔錯，就諗住黎試下。但係基本上都十分之普通，無咩大驚喜，最驚喜就係壽司嘅質素係似細舊版嘅超市壽司。牛扒都ok嘅，兩款都係要另外加錢。一款加$88，和牛加$128，但個人認為和牛無咁好食。前菜方面就覺得tuna tartare 同broccolini都算係唔錯的了。 本來我落左單另加生蠔，但佢無黎到，我見又唔特別好食所以都無追喇。另加嘅sashimi方面同佢講左唔要三文魚，但黎到其他壽司都好多三文魚。整體真係唔會介紹大家去，兩位食左千一蚊。甜品嘅味道淡，唔講真係唔知一個係柚子，另外嗰個係抹茶molten cake.

第一次黎到呢間cafe 其實本來想去隔離店度睇下佢地啲小家品 點知無開 所以就順便入黎坐下 我點左個lemon cheesecake 同apple danish 加一杯blueberry soda 飲品都ok嘅 不過食物意外地好食！老闆又親切有禮 細心解釋佢地個lemon cheesecake係用咩做 蛋糕清新 danish好酥脆 略嫌少左啲蘋果 但整體都好好味 仲全部都係佢地自家制架 本來見到好多相見呢度平時會有兩隻三色貓 可惜今日無緣見到佢地喇！唯有下次再黎探下貓仔啦

點左個雙位餃子 白菜豬肉餃子同京蔥羊肉餃子 隻隻都又大隻又飽滿 後面台仲有職員新鮮密密手包餃子 個人覺得白菜豬肉餃無咩特別 而京蔥羊肉餃比較好味 但比較蘇 怕羊味嘅朋友可能未必岩食 希望可以多啲味道選擇

Restaurant week 黎到呢間餐廳試試 結果好失望 首先落單時明明指住比佢睇落乜佢都落錯 仲要好似唔信咁去問返落單果個 之後都仲要走返埋黎話我知我係落左果個錯的 其實落錯單好正常好常見姐下話 仲要走返黎賴 蟹仔好熱氣 鮑魚唔滑 雖然味道還好 Linguini唔彈牙 而且因為我食到尾先食隻蝦 所以臨尾先發覺隻蝦係唔熟嘅🙄佢仲要話佢地呢度啲野係raw raw地 都唔係比我覺得唔熟到我哨到好似有佢條筋咁下話 raw raw地咁你個麵又識得overcook 牛肉唔林又無牛肉味.. 其實終於有一個係好食 但係份量實在好generous 實在唔明 呢度食物份量樣樣都好generous 食哂三個course都唔夠飽 聽到連隔離上菜時果位男士都忍唔住寸佢地嘅portion真係generous 每比佢一個意見都多多借口彈返來...真心多謝哂 無下次

黎到beefbar 就自自然然咁點左牛肉類嘅食品 而沙律方面都唔馬虎 Spinach salad食完啲spinach唔會好似平咁鞋牙 而且啲bacon好薄好脆! Tiger prawn salad裡面加左啲dashi jelly令味道帶點清新

返到黎主角牛肉 首次係呢個beef tartare 係我係香港以黎真係食過嘅數一數二 值得推介 牛肉新味 醬汁層次豐富 而另一款Wagyu steak選用左黎自澳洲嘅牛 覺得牛肉味都幾濃郁 男士可能會覺得有啲細 但side dish嘅薯蓉真係非常肥美 一食就知落重肥料 非常香滑 食完就一定飽飽

最後甜品方面我地都各叫左一款 分別係floating island同 yoghurt Panna cotta 加blood orange and almond sorbet! Floating island平時絕對唔係平時我鐘意食嘅甜品 因為多數都係一舊泡一陣風咁 唔知有咩咁好食 但如果呢個係我第一次食嘅floating island的話 我一定早就愛上啦 佢入面加左朱古力碎 令佢食時唔會一陣風 滑得黎又有返啲咬口 加上旁邊嘅咖啡醬好滑 成件事亦唔會過甜 而yoghurt Panna cotta and blood orange sorbet 嘅sorbet都有好濃嘅血橙味 都係唔會好甜 整體對呢間餐廳真係好滿意

再次黎到sushi mori 今次唔係點omakase了 只係食set lunch! 但無因為平d而無咁好食架 依然新鮮美味 特別最鐘意毛蟹海膽 帶子 白蝦 同toro! 而且覺得果個兩色吞拿都感到好新鮮 上次同今次食既分別係個亦貝上次佢會拍一下然後郁 同 上次隻蝦仲郁(都幾驚)

聽到名廚Tom Aikens又黎香港喇 今次係開左間新餐廳 以食豬為主 餐廳裡面地方夠大 都幾適合同朋友一齊聚餐 不過唔知係唔係未run熟 所以都出現一d小問題既…例如 我問待應姐姐介紹一d無酒精飲品比我 佢當時介紹左兩隻 一隻係cranberry, apple and pineapple 另一隻係orange, pineapple and mango 我點左要芒果果杯但結過黎錯左cranberry果杯 不過佢地到最後都係無發現落錯單既 因為我廢是換就飲埋算 之後仲唔停咁送錯野過黎 應該有3－4次 埋單又好耐

呢度餐廳concept係想以細細份 大家share黎食 希望令大家樣樣都試到 但份量都真係太太太太太細了 我當日係4個人食 d餸細到兩個人分都覺得有d可憐....待應姐姐只係唔停咁話係要比大家share 但完全冇提到細成點 見到我地4個人亦唔會話比我地知一份4個人分會太細 以下再續一講下啦

第一味就係呢個steamed pork shoulder, cabbage 第一份上台就已經感到心知不妙 呢塊用係得一塊方面午餐肉咁大咋 咪道方面覺得呢個幾清幾好味 用左雞湯湯底 d菜同豬都好入味 上面有d白色一粒粒 開頭以為係薯仔粒 點知一咬落去 係全肥肉呢個係pulled pork brioche bun, 一黎到就小burger咁上 4個人點分呀 就即刻叫多一份 好彩呢個亦係我覺得最好食既一個Deep fried pig's ears..親愛的 我真心覺得呢個真係唔係幾好食 完全食唔到d豬耳去左邊 只食到炸粉 同油BBQ pork ribs, 呢個以個menu黎睇就應該要係sweet and sour味 但似平時出街食到既BBQ pork ribs係無分別既 而我都真係只食到BBQ sauce味 又唔係唔好味播Pork meatballs, 呢個辣辣地其實幾好味 可惜食落好mushy 好削Pork belly and mash 呢個就覺得好好食啦 薯蓉都好香 豬肉入味又軟 只係呢塊豬肉只大過隻mahjong麻雀小小 4個人分就...hahaPork belly with garlic and fried longan fruits 係一味好幾甜既餸 幾好食 有d似食緊豬腳薑既味道 最後就係呢個Pork jowl, ponzu and pickled radish 無乜肉味仲有一個無映到相既就係佢地個kimchi 勁勁勁酸勁勁勁勁勁咸 咸到苦....

其實每一道有原整豬肉既餸 d豬肉都係起碼有一半係肥膏 雖然多d肥塊肉一定係會滑d好食d 但都未免太爆血管喇 呢度d野食如果無咁細同肥 我諗整體會好好多 做得最好既地方係d豬肉真係唔會韌而且入味 只係有時又完全蓋過左d肉味 好似未係掌握得好好咁 唔好食又唔係 只係我相信我都唔特別會再特登黎

當然 由我媽媽細細個食到大 再由我由細食到大 呢間依舊都仲係我既最愛 平時我會叫魚鬚加及第 今次挑戰一下多d骨既魚尾加及第 因為呢個係平時我媽媽先叫的 佢話魚味濃過魚鬚 又真係WOR! 我諗我以後都會叫呢個..哈哈

仲有呢度既魚皮同魚卜都好好食架

見到呢度有好多好評 就黎到左呢間餐廳食午飯試一試新野 我地幾個人就叫左幾個唔同既 appetizers. 分別就係Octopus Carparccio, foie gras 同 Hokkaido scallops. 但之前就先講下佢地個bread basket, 佢地有多款既包比你選擇 有脆脆片 有有herbs既 有咸有甜 但講到尾我最鐘意就係佢地個蒸包！好少見西餐d包籃度見到蒸包 而且亦非常美味 另外佢地配有4款唔同既自家製牛油 有蜂蜜肉桂啦 ,無鹽啦, 有herbs啦 同原味。本來我以為自己會係最鐘意蜂蜜肉桂 因為將我2隻鐘意既都放埋左一齊 但食落原來herbs果個都好好食 其實食落都有d似蒜蓉包上面果d野 但又多多小小其他herbs味 唔錯跟住就要介紹下佢地果3款頭盤 首先係呢個Octopus Carparccio 墨魚軟身又唔會韌 而且蕃茄都好甜呢款Hokkaido scallops with mango salsa and Hana Katsuo ravioli, 帶子新鮮又滑 芒果亦好甜 略嫌有d蓋過左帶子既解味 而呢個鵝肝呢就煎得熟左d 其他就都幾好架 特別係旁邊果d 萍果玫瑰醬 甜甜地 加埋一齊食無咁油膩我地幾個都係主菜呢方面不約而同咁揀左呢個海解意粉配辣蕃茄醬(Seafood Linguini with spicy tomato sauce) 海解方而呢度有蝦 魷魚 吞拿魚 帶子 同青口仔 我地個朋友就覺得佢塊吞拿魚太熟 唔滑 我果塊又無乜野 中間雖然都係熟 但都仲程現一d既粉紅色 而魷魚 帶子都好嫩滑 蝦又煎得香 因為其實整體都幾好味既時侯 都係會有d美中不足 就係個意粉煮得林左d 唔係好al dente呢最後就係呢個紫薯千層酥(Sweet potato millie feuille)塊酥皮本身都做得幾脆又唔會好乾好硬 不過我覺得我果塊就有小小燶味?微微苦苦地 中間既醬分別係薑同主角紫薯 絕對唔係假紫薯味啦當然 整體其實係唔會好甜既 唔鐘意食太甜既朋友就應該會比較適合 另外旁邊其實仲有一個sorbet 都好味架 另外餐廳環境比較嘈 台既位置有d太密 要聽到隔離台講野真係無乜難度

香港人對日本菜既熱情依然係如火 對拉麵當然亦都一樣 近日銅鑼灣就開左一間由日本開過黎既沾麵店 聽講係東京就已係好有人氣 我初到貴境 就緊係要叫左個招牌菜先啦 拉麵咬落我覺得都幾適中 叉燒亦好出色 如果你覺得個湯凍左 你叫可以order要一塊熱石 聽講熱石拉麵呢個發明就係佢地開始? 佢地會幫你將塊石加入湯裡面 你會立即見到你塊石一落到湯 d湯就沸騰喇 令你個湯熱返d 咁你當然唔好以為會熱到好似岩岩煮完無幾耐咁啦 呢度你仲會見到台上面有樽炸洋蔥 大家不防試一試 炸得幾香幾乾身 配合拉麵一齊食都係一個唔錯既選擇呢度我覺得比較可惜既係個溏心蛋 雖然係溏心 但我就覺得唔係好夠入味 唔知同會湯湯味濃有無關係呢 另外呢度都仲有一款水餃子 我自己就唔覺得好特別 我都仲係比較鐘意煎餃子大家可能要注意一下 麵有分大細 我叫左個細既 但因為真係太多 我無辦法食哂佢喇 希望佢地遲d可以出個份量再細小小架啦 唔想浪費食物嘛！另外其實佢比塊熱石我既時侯真係有d驚