半年前，上環德輔道中地鐵站出口附近，開了一間美式日氣咖啡店 <Cotti Coffee>！起初，以 $20 杯飲品作招徠吸客；當時，中午我都想幫襯，可是要等45分鐘而令我卻步！ 
直至店方把大部份飲品+$2，食客減少，我才開始幫襯！自從這店開業之後，搶走另一間人氣咖啡店 Flash Coffee 生意，導致 Flash Coffee 新年前已結業！

Menu
起初新開張，以 $20 抵飲價作招徠！
2024/2/26 開始加價至 $24平日中午等約5~10分鐘Matcha latte $24
如果比較 Pacific Coffee & Starbucks，個人覺得相對淡味！生椰奶咖啡 (熱) $24
未嚐已傳來椰子飄香， 入口是香醇的咖啡，亦有甜美，甘甜平衡！
卻是飲幾啖已經覺得餾嘞！就算加入咖啡都於是無補！生椰奶茱莉 $24
色澤是奶白色，入口是濃郁椰奶味，茱莉茶味淡薄！熱燕麥奶咖啡 $24
相對，燕麥奶中和了咖啡的甘味！恰到好處，口味較為穩陣！

上年中秋節前，恰巧！有個星期六，我自己走到九龍站圓方 Elements 食飯，順便 shopping，經過見到 <Le Salon De Thé de Joël Robuchon> 的朱古力月餅，所以，買兩個試吓！ Matcha & Yuzu 抹茶味朱古力月餅 $118
甘甜平衡，是我喜歡的6成甘4成甜比例！十分討好！
Almond Praline 朱古力月餅 $118
薄脆的朱古力外層，中間是朱古力軟心，夾雜果仁粒，口感富嚼勁！

有個下雨天的週末，行尖沙咀圓方 ELEMENTS，無意中發現日式 Cafe <QUE>！後來，上網 check，已有其他分店，相比之下，圓方分店幾大又較 Grand！店內播放日文歌，餐桌之間空間充裕，讓食客在輕鬆舒適環境享用美食！Menu松葉蟹海膽醬壽司塔可 $88
第一次食日式壽司塔可 Sushi Taco， 炸紫菜夾住暖暖地嘅珍珠米飯，加入沙律菜混合子薑汁、滿載青瓜、熟松葉蟹肉、熟帆立貝絲、蟹籽，配海膽醬，鮮味滿載又幾特色！京都宇治抹茶芭菲 $108
有得食有得玩， 把熱抹茶醬淋上白朱古力杯，白朱古力杯隨即溶融溶化！ 抹茶醬流到芭菲上，
整份甜品入口不會太冰冷，卻為口腔帶來涼快感！熱靜岡有機抹茶鮮奶 $58
水溫把抹茶清香發揮出來，可惜甘味不及京都宇治抹茶芭菲呢！

大半年前，放工經過上環信德中心2樓的 <味千拉麵>，才發現有下午茶，還要幾抵食！ 早餐也不例外呢！ 店方亦與時並進，選用電子落單系統 
食客只需要：付款一站式
掃描桌上 QR code 落單>
查看訂單>
付款>
稍後，店員會送上食物在4月22日(外賣走塑日)前，外賣已經逐件收費，外賣+$4！ 反而外賣好唔抵！ 早餐：$34~$43 港式、西式、和食 雪菜豚肉拉麵 配煎蛋及丹麥多士 $39 雪菜肉絲米粉食得多，轉為拉麵，口感不同之餘，又可以增加飽肚感！ 雪菜的份量配合豚肉不算重口味！混合拉麵，恰到好處！ 丹麥多士簡單塗上牛油，已經鬆脆美味嘞！口感及口味比較白方包多士更優勝呢！ 雜菜薯餅配蛋沙律及丹麥多士 $39
薯餅是即炸熱辣辣㗎！ 輕輕咬開鬆脆的金黃色外層，熱熱地又軟綿的薯蓉，原來混合了甘筍粒，並非普通一片炸薯餅，口感驚喜！配上酸咪咪的蛋黃沙律醬，醒胃解膩！
烚蛋沙律口味清怡！
茄汁豆是熱的，相對不馬虎，值得一讚！ 熱奶茶：少甜多奶
少甜即是一包糖，多奶口感更香滑！ 下午茶 $39~$50
2:30~6:00pm 供應
不設加一服務費拉麵5分鐘便送上
炒飯10分鐘便送上熊本叉燒炒飯 $39
是變奏版的揚州炒飯，有炒蛋、叉燒...炒飯足料又乾身！份量多到要打包走！叉燒拉麵 $39 (走蔥、走筍、軟麵)
配料可選擇：走蔥、走筍
拉麵可選擇：軟或硬
有一大片叉燒，肉質不算軟身，拉麵份量頗多， 而且又掛湯，湯底不會重口味，作為下午茶暖胃又好快醫肚！蕃茄野菜叉燒拉麵 $42 (走蔥、軟麵)
蕃茄湯酸甜度平衡， 野菜包括：粟米及椰菜，還有，半隻溫泉蛋及一大片肉質柔軟的叉燒；拉麵掛湯，整體令人開胃又飽肚！醬汁肥牛拉麵 $50
肥牛質感與調味，跟吉野家的牛肉飯有幾分相似！熱檸檬茶
茶味不苦澀，亦有助解膩！熱檸檬水
清酸的天然果酸！

位於沙田新城市廣場，有間人氣西餐廳 <Butlery>，跟細堂妹晚飯；其實，就算平日晚上 7:30 都要等位！可見受歡迎程度！餐廳內樓底高，並以拱形鏡子形造美感及擴闊視覺空間感！靚女店員們雖然又瘦 young ，但是她們勤快又有禮，而且還可以一手托兩層碟或4個杯，不得不讚她們好犀利！
Menu香煎帶子&蟹肉海膽忌廉汁意粉 $176
忌廉汁夠味，又不算膩滯，有兩粒輕煎的鮮帶子，少許新鮮海膽，鮮味蟹肉提味， 意粉份量豐足，軟硬適中，並非預期的帶煙韌口感！白酒煮藍青口 White Wine Mussels $79
青口份量算多！ 而且好鮮美！ 白酒忌廉汁也不覺溜！整體幾抵食！Iron Grilled Flank Steak $192 七成熟
以牛扒來說，份量豐足！ 價錢合理之選！
牛扒肉質嫩紅，我食了約一半， 配上的羅勒、青檸特製香草醬，清酸開胃，有助解膩！
然而，香濃的燒汁有提味作用，各有千秋！
薯條粗身又連一點薯皮，薯味濃郁又香脆無得輸！Banoffee Creme Brulee Pancake  $119
表面簡單加上一層焦糖，口感已經截然不同！ 外脆內軟；脆口甜美，與鬆軟濕潤的梳乎厘班戟，形成雙重口感的強烈對比！
加入鮮果的健康元素：香蕉及士多啤梨，可減低罪惡感呢！熱桑子排毒茶 Infusion Detox $52
以茶壺呈上，比預期多！ 色澤透紅，並非預期的微酸，口味更輕微，就是排毒飲品的味道！石榴青檸梳打 Pomegranate Lime Soda  $48 少冰
入口酸中帶甜，口味清新又消暑！好適合當日最高溫32度的天氣飲呢！

自從2019年尾的 COVID-19 疫情下，我都減少行商場；事隔3年，重遊舊地的東涌東薈城！

今次，我為了影 Hello Kitty 而走到東涌，無意中經過見到有間 <Cupping Room Coffee Roasters>，當時，供應的甜品剩番4款，Tiramisu 及巴斯克芝士蛋糕等，我還考慮食哪款巴斯克芝士蛋糕？！ 等到影完 Hello Kitty 才幫襯吧！半小時後，我走到 <Cupping Room Coffee Roasters>，甜品櫃竟然空空如也！ 我問店員，甜品係咪賣哂？！
店員話係呀！ 果然好快賣哂！有見及此！我都會飲杯飲品，加一件包裝蛋糕，反正，晚上 8:00 要返屋企食飯！第二次幫襯，是因為梅窩兩天遊預祝好姊妹生日，有朋友提議我由梅窩搭巴士3M到東涌，經屯赤隧道返屯門更快！船程及車程差不多，然而，該時段船班次40分鐘/班，車班次15分鐘/班，已慳番時間25分鐘！
既然巴士總站正是東薈城，當時 4:15pm 落車，去完洗手間後，立即找找這店！
原來 2:30~5:30 還有下午供應，甜品亦有好幾款； 況且，在梅窩下午約 3:00pm 才食飽海鮮午餐，根本我尚未肚餓，經過也不想錯失機會！第三次幫襯，是為了物色新鞋過新年！ 恰巧！我走到第一間名牌鞋店已買到心頭好嘞！所以，Shopping 後有充裕時間慢慢嘆杯熱咖啡，食一件甜品呢！Menu付款後，店員隨即給予號碼牌，等店員送上食物。Hot Matcha Latte (Regular size) $48
就算用上紙杯亦不馬虎，同樣有心形拉花！  口感順喉，入口甘中帶甜！Yuzu Poppyseed Cake $30
混合罌粟籽，每一口也充滿輕微的嚼勁，蛋糕鬆軟濕潤，甜度適中！Hot Hojicha Latte (Regular size) $48
入口溫熱，甘甜平衡，比我預期甜！Matcha Cream Roll $52
蛋卷質感鬆軟綿密，抹茶忌廉柔滑不甜膩，抹茶味輕盈！甘味遠比 Hot Matcha Latte！Hot Latte (Regular size) $42
傳來咖啡香，入口溫熱，綿滑細膩！甘香醇厚！
一杯咖啡配一件甜品，最好不過的下午茶！Earl grey tea burnt cheese cake $60
當日的期間限定口味是 Earl grey tea 伯爵茶芝士蛋糕，輕微的茶味或多或少都可以減輕甜膩感！芝士味濃郁，而質感頗為挺身！

記得以前在中環那間 <Starbucks 星巴克咖啡> 可嚐到香港經典美食， 結業後多年，直至早前幫襯信德中心分店，才發現有供應， 問店員是否每間分店都有供應？！原來只限指定分店供應！香港經典美食及甜品包括：厚切牛油菠蘿包、咖啡榛子卷、咖啡紙包蛋糕、朱古力蛋撻我的首選是咖啡榛子卷，看一看陳列櫃，恐怕咖啡榛子卷已經售罄！
只剩下咖啡紙包蛋糕及朱古力蛋撻，令我有點猶豫，與其蛋撻雪過會變腍，倒不如食咖啡紙包蛋糕；起碼有張紙包住，未至於太乾身吧！
幸好！下次中午來幫襯尚有一件，今次終於嚐到嘞！
不知道幫襯過星巴克的食客，有無留意到不同分店不同價錢呢？
以信德店跟上環另一分店的林士街店比較：
熱抹茶牛奶：
信德店價 $45
林士街店價 $44
香蕉蛋糕：
信德店價 $24
林士街店價 $23雞肉餅芝士菠蘿包 $37
翻熱後的菠蘿包，口味不變，表面質感變腍不鬆脆嘞！雞肉餅不會重口味，芝士有拉絲！咖啡紙包蛋糕 $25
散發輕微咖啡芳香！ 咖啡味不突出，甜度適中；通常咖啡甜品都無得輸，這款卻輸了！勝在駛鬆軟綿綿！抹茶豆腐花 $48  (Tall size)
我覺得豆腐花也是香港的地道美食，相信跟其他兩款美食也夾得來呢！況且，我個人喜歡抹茶！牆上的壁畫圖案：
Every cup is an adventure 每一杯也冒險的！ 真有趣！ 吞拿魚黑麥包 $32
表面是亞麻籽、南瓜籽、葵花籽...，包細餡豐！
翻熱後包身鬆軟，吞拿魚混合粟米及芝士，口味及口感都不錯呀！鲜奶日式焙茶 $41 (Tall size) 少甜
落單時要求少甜，靚女店員提醒我少甜會相對茶味較淡，問我是否 ok?!
水溫頗熱，甜度適中，都算啱口味！榛子咖啡卷 $30
蛋糕賣相都幾白雪雪，看似蛋白卷， 配上甜美的榛子忌廉，比例上較少，之所以甜而不膩，咖啡一點點，輕帶咖啡味，整體不算甜！

早前，會展舉行一連3日的貓博覽會！我約埋媽咪一起去，意想不到好多人！ 果然首次舉辦，已經那麼受歡迎及成功！不經不覺我們行了3個鐘，媽咪都覺得肚餓嘞！係時候醫肚！

行完貓展後食下午茶，我們選擇了位於會展中心地下的 cafe <Harbour Road Cafe>，位置就腳，十分方便！而且好多餐桌又不會坐得迫！ Menu食物以輕食為主行貓展後下午茶Hot Matcha Latte (Regular) $52
味道甘中帶甜！ 啱哂媽咪口味！我的選擇：Hot Coconut Latte (Regular) $46
加入椰奶，帶出陣陣椰香，卻無甜味！泰式烤雞意大利包 $55
醬汁些少辣，除了雞肉之外，還有紫洋蔥，其實都幾多料！意大利包頗大件，口感煙韌！ 芝士吞拿魚 Bagel $48
價錢合理！Bagel 烘至表面香脆，底部略為軟熟，整個包的包質密度高！
烘熱後芝士有拉絲效果，吞拿魚份量都不少！

在1年前的新年後，細佬找到新工作！ 這間公司都有些員工福利呀！
端午節有糉劵，中秋節有月餅劵！

意想不到！他公司送上兩者，都是選購自 <利苑酒家>！ 相信食物有信心保證！裹蒸糉
一隻裹蒸糭夠巨型！ 我與媽咪兩人分享一隻做午餐！
一切開！餡料豐富！ 包括：瑤柱、鹹鴨蛋、栗子、蓮子、綠豆、豬肉、肥豬肉、豬腩肉等，相當足料！
糯米軟糯略帶微鹹！滲出淡淡清香！瑤柱滲透著鮮甜味！此外，肥豬肉帶出油份添香味！栗子則是粉得來清甜！豬肉肉質軟腍，口感豐富而不太油膩！
食完真是飽到不得了！雙黃白蓮蓉月餅
厚身硬卡紙盒盛載，夠哂環保又無鐵盒咁重！
一盒4個，每個以獨立包裝！
月餅斤兩十足幾大個！
鹹蛋黃的油份卻不及美心月餅那麼油潤豐腴！

早前的跨年市集，經過 Airside 地下那層，見到有間花店兼 Cafe <stain+>！ 加上當時隔離就是托鰓貓期間限定展覽，又多一個好去處及打卡位！
找天週末來幫襯吧！這是 Airside 打卡 Cafe 之一，可惜最近經過執咗！店內只得一位廿歲左右的靚女店員一腳踢，收錢、沖調咖啡、打掃、清潔枱面...，真的犀利！臨走，我都忍不住口要親口讚她！辛苦哂！
MenuHot Matcha Latte $68
原來可以要求咖啡師加上貓貓拉花！ 所以，落單時已要求，果然沒有令我失望呢！
價位算是進取！
勝在入口甘中帶甜，香滑順喉，啱個人心水及口味！Blueberry Bagel $28
翻熱後，外層輕微香脆，恐怕是雪櫃拿出來，中間仍是凍凍地，芝士有點挺身！Hojicha Roll Cake $58
並不便宜！ 所以，我都會有要求，是否一分錢一分貨呢？！
蛋卷富蛋香、鬆軟、香甜於一身！
軟滑細膩的焙茶忌廉帶出其溫和的茶甘！中間是麻糬，口感帶煙韌軟糯，整體不錯！