下班後匆匆的吃個飯，行下行下，唔知食乜好，見到有honey 最like 的朱扒蛋飯，OK, 又試下依間小店。 地方頗闊落，侍應很有禮的招呼我倆入座。點了一個朱扒蛋飯定食（$85），一個芝茄朱軟骨烏冬定食（$68）。 我的烏冬是真的有溶溶芝士丶軟軟朱軟骨丶濃茄湯。個烏冬仲要係讚歧烏冬，所有野加埋，$68黎講，是真心超值。個沙律同海苔炸雞小食，也不錯。 Honey 的朱扒蛋飯是標準水平，希望大力一讃的，反而是定食的味噌湯。個湯有朱肉粒丶紅蘿白、洋蔥等等，足料之餘，味噌味道頗濃而不過咸，是高水準的。 總括而言，推介這個小店性價比高

行經這邊很多次，無次停下腳步。前兩日終於因為等人，停咗係依間店外面。 口渴又肚餓，所以點了凍鮮奶㗎啡同厚切芝腿蛋治，加埋好似係$47。心想，要$47，有咩咁特別？ 凍鮮奶㗎啡一到手，即嚐一口，同大型連鎖店的不相伯仲，非常濃郁的㗎啡香氣，奶多，所以口感夠滑。 個三文治袋一拎上手，超重，本來想打開食，但心諗，都係回家慢慢嘆好d。番到家中，一打開，見到個厚旦同溶咗既芝士，咬一口，超正，好似食緊玉子卷咁。個三文治太大份，一個女仔食一半，已經好飽。男仔吃一份做晩餐，應該都夠。 真心推介的小店，有心製作食物，性價比不錯。

睇完戲之後, 食打邊邊, 上網睇呀睇, 依間似係GOOD CHOICE, 就來了。  星期五的晚上, 10點過外, 大部分人都已經用餐完畢, 餐廳多0左一份少用的寧靜(更正確的形容係無咁嘈)。

我同HONEY兩個人, 點了:

小份黑豚肉 – 好香朱肉味, 不過無朱的腥味, 而且切得夠薄, 所以好快有得食, 正!

鮮打雜丸 – 又係走牛, 入面有12粒左右, 有鯪魚球(好香魚味, 唔係太多粉, 食落好爽口), 墨魚丸(超香墨魚味, 超彈牙, 似乎完全無落粉打), 朱肉丸(睇上去紅紅的似牛肉, 其實係朱肉, 都係爽口), 蝦丸(同墨魚丸一樣係神級, 彈到不得了)。

鮮雜餃 – 魚皮餃 (好大粒, 似係自制, 可能唔係人人中意佢個皮, 因為幾厚, 不過我超LIKE, 厚厚的但不粉), 西洋菜餃 (OK啦, D菜切得唔太細, 所以食到一小條的菜), 最LIKE佢的黑松露帶子餃 (超香黑松露味, 同埋帶子都幾大粒)。

依個白色的粉, 唔記得0左佢個名, 不過之前係另一D店食過, 好似叫肥羊粉。  要煮得比較耐, 大約7分鐘左右啦, 佢會變成透透地明的, 食落好煙UN, 好正。同依個粉咁耐無見, 一見, 開心到不得了。

鮮支竹 – 真係鮮同薄, 同一般係豆腐店買的差不多, 都係新鮮。

鯇魚片 – 其實我地真係點0左鯇魚片 (唔記得0左影相), 不過食落, 有D唔同, 佢無脆肉鯇魚咁脆, 但係又無鯇魚片平常咁軟身, 依到d鯇魚片的TEXTURE係脆肉鯇魚同平常鯇魚的結合, 而且切得極薄咁起雙飛, 實在係極力推介!

環境同服務都好好, 坐得好舒服。  10點之後食物有6折, 埋單都算幾抵。

自從某一天, 我同HONEY食0左第一次之後, 變成每星期最少一次, 好次唔食唔自在咁。  今日又來食了。  

食物選擇說多不多, 說少也不少。  不過因為唔食牛的關係, 所以選擇少了。  今天如常的要了:

陳皮魚旦 – 入面真的有果皮, 幾香, 魚肉口感不是爽彈的一類, 但車仔麵來說, 已是交足功課了。

紅腸 – 如常的厚切, 食落啖啖肉。  厚切就係依到D紅腸的賣點。

韮菜餃 – 是自家製的10大必吃之選, 真。好。味, 因為好香韮菜味, 肉不太多, 不會覺得肥膩。

魚皮餃 – 個皮好爽, 係我中意的TYPE, 細細粒, 一口搞掂。

壓軸登場之選有 登登登登, 瑞士汁雞亦。  個雞亦的最妙之處是入味, 雞肉爽口, 同埋D皮唔係好肥, 係十大之選的第一位。

我今次無點河粉, 要了瀨粉, 好YUMMY。  另外仲有D特別之選如銀針粉, 下次可試試。

放工之後坐地鐵趕住去會合HONEY, 好彩佢搵定位, 去到已經有位坐。  如常的要了一個土雞湯俾HONEY補補, 入面有好多料, 黨蔘, 杞子, 雞, 淮山, 鮑兒BB。  個湯的色水有點點深啡, 但唔知典解飲落比以前無咁濃味, 今次仲飲到有少少的酸味。不過又唔係材料壞的味......今天唔想吃咁多肉, 所以唔點雞, 點了鮮菇瑤柱炆海蔘。  之前都食過的, 不過今次個用料唔同了, 海蔘用了雪藏的貨色, 有D腥味, 不過個草菇煮得好好, 一D UP味都無, 好值得一讚。  個汁煮得有D過咸, 送飯中和0左就可以。烤焗三文魚是HONEY的最愛, 差不多每次來都要點的。今次煮得好好, 因為個魚有時太熟, 有時太燶(

但入面又唔夠熟)。  今次就外面唔燶但入面又熟又滑。  依個水準係家裡都好難可以煮到出來。依個菜色係第一次點。  個豆腐好滑, 應該係百福豆腐, 上面放梅菜肉碎, 再加D豉油同蔥花。  蔥花當然好, 豉油用來送飯也是很好。  不過豉油加埋D梅菜肉碎一起吃, 真的也過咸了。  如果無咁咸, 下次可以再吃。  另外仲點了淮山鮮腐竹(伴芝麻醬),  依個係每次必點, 淮山係新鮮淮山, 好爽口, 加埋D芝麻醬, 平時幾口就食曬了。

AE折0左之後合共300蚊, 經濟實惠之選。 

放完假第一日上班, 友好召集一個LADIES

LUNCH, OKOK, 無訂位的情況下係LGB 搵到位, 即刻GOGOGO啦. 
一睇個MENU, 加0左價!  個FISH BURGER要259蚊, 記得之前其他BURGER好似230蚊左右…ANY肥, 因為其他野唔對口味, 所以要0左FISH BURGER. 
頭盤要0左DAILY SOUP.  

個南瓜湯係煮得唔錯的, 有好看的顏色, 面上加0左D OLIVE OIL, 提升了香氣。個湯幾重南瓜的香味,

口感少少CREAMY, 唔太多南瓜蓉, 食落唔會成口渣, 亦唔會覺得好滯。  將餐包點少少湯食, 好有滿足感, 尤其是冬天這會兒。 
不過D包真係差0左, 以前外脆內軟的, 依家係外硬內乾的。

朋友點的頭算係蝦沙律, 不知味道如何, 不過賣相一流。

我點的主菜係FISH BURGER.  係BURGER. 一來到, 係一個無包的BURGER.  其實係一個FISH
CAKE. BURGER SIZE的FISH CAKE.  一來到, 見到已經O 0左咀, 依個係熱氣之最的午餐, 也不知多久無吃過咁大件的烤物, 仲要無咩汁….唯有頂硬上, 一分開個CAKE, 入面係薯蓉加0左D魚肉打埋一起去炸的, 其實味道幾好, 新鮮有D魚味, 不過實在太熱氣, 所以唔太LIKE.  伴碟的薯條炸得唔好, 淋的, 所以無咩點食.

整體來說, 這家餐廳令我繼續不定時光顧的主要原因, 還是因為易找位。

西餐既野, 小妹我真係唔係好識煮, 所以平時在家甚少煮西餐, 就算煮, 也只是簡單的意粉、煎雞扒。  自從總部搬離開0左油塘, 去食D CORNER的次數少了。  

今日陪HONEY睇完牙醫之後, 見時間尚早, 亦都順路, 所以特意去0左大本型食番個靚。西。餐。

今次仲要好彩, 試到之前未食過的東西。  HONEY要了厚切朱扒, 配飯。我要了焗黑椒雞扒飯, 頭盤繼續係是日餐湯, 今天係洋蔥湯, 個湯幾香洋蔥味, 食落有少少甘甜的感覺, 好快已經俾我KO了。  不過依個唔係法式洋蔥湯, 所以係無一片法包同芝士係面的,

但個湯配上暖暖脆脆的蒜蓉法包, 也實在好味。

等0左大約10幾分鐘, 個主菜來了。焗黑椒雞扒飯個面D芝士撈埋D飯食, 超香芝士味, 好好送飯, 不過好熱, 有少少整到個咀。  個黑椒汁好香黑椒味, 而且個TEXTURE唔係好似平時D茶記貨式得一PAT野咁, 對我胃口。雞扒亦都好JUICY, 整體來說, 5粒星最高, 我會俾4粒星。 

HONEY的主菜先係必須要大力推介的。厚切朱扒!!!!!! 請唔好怪我用咁多!!! 因為依個主菜真係令我喜出望外。  

識煮野食既人都知道, 朱扒真係好難煮, 一係煮得好乾, 一係煮得好硬, 一係又乾又硬。 

叫依個主菜之前, 已經問老闆, 朱扒會唔會好乾同硬, 老闆好有信心咁講一定唔會, 依個仲要係招牌菜之一。 

HONEY就點0左依個。  碟食物送來, 我望一眼, 只係一眼,以我煮朱扒的經驗(我其實一D都唔叻煮朱扒), 心諗好驚喎。OKOK, HONEY好安心咁約成件朱扒切好之後, 佢俾0左我食, 嘩, 我即刻心心眼, 典解個扒可以咁好味。依個朱扒, 絕對唔乾唔硬之餘, 仲要係D肉質勁爽口, 目測都見到佢有成1CM厚, 食0左好有滿足感。 

HONEY用0左10分鐘多D就KO依個咁正既對手。

下次再來, 如果個WEEKLY MENU有依個厚切朱扒, 一定一定要再食!!!!!!

埋單時間, 心入面有D開心, 因為 98蚊一個餐, 包湯。包。主菜。飲品, 係依家既總部附近真係搵唔到。 所以會繼續有好多的下次。

因為依個店的位置比較隱蔽, 開0左應該有3年, 我先係近兩個月開始幫襯, 典知, 一試難忘!  食物、價錢、服務, 每方面都係超值之選, 所以一定要重開我OPENRICE的ACCOUNT 寫下依間小店

今日又同HONEY黎依到食野, 我叫0左豬手飯, HONEY叫0左意式焗朱扒飯。  個豬手飯係regular menu, 每日都有得食。  都唔係第一次食依個飯喇, 好like朱手, 朱手皮深啡色, 齋睇都知個朱手燘到入曬味。色水夠之餘, 個似都燘得好夠淋, 但係又唔係淋到柴皮 (即係好似煲完幾個鐘湯的湯渣朱肉), 每啖咬落去都有一點點嚼勁。 至於個味, 係少少甜的豉油味啦, 好配合個朱肉口感   加少亦都係燘到入曬味的旦旦, 配白飯, 一流, 清曬, 一粒飯都無留低!

意式焗朱扒飯, 堅係即叫即焗。個飯一來到已經聞到芝士既香味, 一食落去, 個汁唔係一般既茄汁, 應該係......用意大利既方式煮既汁, 所以唔係好識形容個味。  芝士好似係cheddar cheese, 超濃芝士味。個朱扒大約0.5cm的厚度, 煎香0左, 切埋一件件, 一啖飯、汁、芝士、朱扒加埋, 一口食落去, 好好味呀!

之前有一次食0左白酒蜆肉意粉 (真係原隻新鮮蜆, 好fresh)。好中意, d蜆肉煮得剛好, 唔會太老。  d蜆汁同d意粉溶為一體, 諗起都令人回味無窮。

食完飯要一杯即磨咖啡, 香滑過人, 大滿足

放0左工, 要去大會堂拎預訂了的門票, 就順路係到食埋好耐無食過的maxim's cafe了.  以前都有來過食, 都覺得好味, 今次來食, 覺得水平仲高0左......

第一個係周打蜆湯, 之前無試過, 今次第一次試, 好好味, 最令我欣賞既地方係個湯唔係太厚身, 有時飲cream soup, 就覺得好似食緊糊仔咁, 今次依個湯唔太厚身, 白汁味好香, 有少少蜆同洋蔥粒, 好豐富。  邊飲邊食牛油餐飽, 好正。之後就係鮮蝦生果沙律, 有圖有真相, d生果(有mango, 士多啤梨, 哈密瓜, 密瓜)多到無朋友, 之前都有點開依個沙律, 因為依個沙律真係好新鮮, d生果似係無浸過糖水。主食點了兩個pasta, 一個係三文魚(唔要薯菜要意粉), 另一個係蕃茄cream大蝦扁意粉, 兩個都唔錯, 個人較中意扁意粉, 因為個汁超好味, 每條扁意粉都掛有醬汁, oishi!  個三文魚意粉, d汁唔太ok, 無咩味, 但個三文魚煎得好香, 一流!!

做完運動, 好想食少少野補充體力, 就近近地去了茶木.  不是第一次吃茶木, 但旺角店是第一次光顧, 媽媽咪呀, 以為10張table等20分鐘都ok啦, 典知, 等0左成45分鐘先有位, 5點食都咁多人, 勁呀!

講下我食既野先, 個雞扒麵, 真係must eat, 個雞扒炸得夠鬆, 好似入口即化咁, 好好味, 見到佢個脆衣, 同一般的台灣食店唔一樣, 依到的脆衣係薄少少, 但薄得來又唔會一夾個脆衣就碎曬, 個雞扒又醃得入味, 10分滿分佢一定有9分!

個麵同個湯底係我的top top favorite.  個雞扒係好好食, 但係對我來說不是最重要, 最重要的, 係個湯同個麵(因為本人是粉麵飯的超級fans)!  個湯好濃 (估計同牛肉麵用同一湯底), 個麵好爽, 因為麵身比較粗, 食落好有咬口, 超級like, 10分滿分佢一定有11分!

雖然茶木排得耐, 但係有時心思思都係想去等位食....如果店家可以俾人用apps拎飛, 就好鳥.......