星期 三係離假期最遠既日子，放工最好成班同事/朋友齊齊去搵好野食鬆一鬆!最近朋友行開屯門話成日經過見到呢間日式燒肉放題好想試下，就拉埋我一齊去試試佢! 放題分左4個種類，我地第1次試，就叫左個2級 竹放題來試試佢先，2級都已經有93款可以叫，真係唔算少。入到去店內都唔細，卡位都多，4人位8人位都有，叫多幾個朋友來食應該都唔洗分開坐。 我地7點15入座唔算好爆，大約坐左半個場左右，不過差不多8點左右既時候就坐左7 8成人啦。坐低就開始戰鬥啦!! 前菜可以自己出去拎，沙律，生菜，墨魚仔，泡菜，中華沙律，麻醬豆腐款式都唔少。 我就先拎左墨魚仔同泡菜試下先~~墨魚仔好爽口，係平時日式料理入面味付螺肉既調味，微微辣，好開胃!  泡菜略酸，開胃之選，泡菜同燒肉一齊食可以解油膩感，非常開心有泡菜因為係同燒肉既最佳伴侶。 飲品都係自己出去拎，有汽水有各款茶可以簡，唔想飲凍野都有熱茶同咖啡可以飲。
見到有呢款道地蜜桃烏龍茶!未試過又可以試下新野，燒肉配茶解膩 我地坐到卡位有2個爐可以燒，增加我地既戰鬥力阿! 一坐低店員就先上一個嚐味燒肉盛，有和牛一口牛，安格斯牛肋條，上級牛胸肉，牛肋肉，牛小排等等。
仲好貼心附埋牛油脂! 雖然放題叫既肉都可以有調味汁，但店家都會提供燒肉汁同海塩。大家放工都餓到爆，一來就點肉肉肉!! 估唔到肉品既調味都有5 6款可以簡，王道既燒肉汁，塩味，味噌汁等等，最特別見到有日式竹炭燒肉汁可以簡，就等我試下先!上面係美國特選和牛牛肩脊肉，2面燒有少少微焦，邊位脆口，中心油花充足，一D都唔乾! 下面左邊係牛小排右邊係牛板踺，牛小排肉感重有咬口肉味較濃，不過自己同朋傾得太熱烈，燒得有少少過熟，大家食個陣記得睇實個火阿!燒肉一定唔少得牛舌，牛舌配燒肉汁都係冇得輸! 口感爽口再配上芝麻多左一個層次, 薄薄一塊唔算太肥可以食多幾塊都唔會膩!試完牛又試下豬肉先，今次叫左豚梅肉同豚腩肉。 豚腩肉唔算太肥，層次都分明，配埋泡菜食即刻有種自己食埋韓燒既感覺。
而豚梅肉就肉感較重，唔中意食肥膩油脂感太重既人士一定中意呢款。試完豚肉又點少得雞肉呢! 見到有芝士雞脾肉可以叫，作為芝士控既我點可以唔叫來試!!
錫紙盤上菜，但係只係用錫紙盤傳熱唔夠快比較花時間，所以最後我選擇雞同芝士分開燒~ 將燒好既雞肉放上去溶哂既芝士度可以拉絲阿!!  雞翼都好嫩滑有汁~ 肉食得差唔多，中埸休息下，試下菜品同其他小食先。
我實在係抗拒唔到牛油金菇既威力，仲有牛油粟米!!! 仲有日式芝士年糕(芝士控唔好錯過)燒菠羅一流，燒到剛剛好，非常juicy! 燒肉除左配泡菜配飯都係好正，仲有溫泉蛋可以點! 紫菜飯加溫泉蛋再淋上台面既燒肉汁， 再配埋一塊剛剛燒好既牛肉絕配阿!進入甜點時間~ 除左有雪糕雪條，仲有小蛋糕可以拎~蛋糕分別有芒果慕絲蛋糕，提子乾芝士蛋糕，黑芝麻豆腐蛋糕，朱古力慕絲蛋糕，仲有忌廉泡芙。 黑芝麻豆腐蛋糕味道最清，建議最先食。
芒果慕絲蛋糕芒果味好出，係食左咁多肉之後對味蕾非常友好。
最令我驚訝係朱古力慕絲蛋糕，朱古力味濃，入口軟滑，而且唔太甜係我中意既朱古力味!雪糕雪條都唔少款簡，有lotte既脆皮雪條，非常高人氣，出到去拎既時候已經得番2支，中意食脆皮雪條既朋友仔記得要快手阿! 芒果雪糕杯原本以為會好硬要放好耐先食得，結果一打開已經係食得既軟硬度! 芒果味幾香都有奶味。
最後居然有明治既雪條~呢支係海塩荔枝味，原本以會唔會唔夾，點知出到來個味道好清新, 外面海塩真係會有少少咸味，配埋入面荔枝雪糕非常清爽，好岩係食完油膩既燒肉之後食為呢一餐畫上一個句號。

上次食完旺角店感覺唔錯，都算多食物選擇，今次就特意黎到尖沙咀店食。先點咗雞煲，小辣都好惹味，雞肉尚算滑，無雪味，而最正係雞煲係任食，唔夠可以再添加。店員幫忙抄一抄，微辣的香氣即噗鼻。食完雞煲後，點了番茄湯底，茄湯用茄醬製成，味道不算濃，適合打邊爐，不會油膩。 食物係任拎任食，另有一張單可加食物。出面有個大雪櫃，有丸類、蔬菜、炸魚皮、響鈴，多款打邊爐食物都齊全。生根都幾適合用黎打邊爐，浸落湯底可索晒D味。丸類都有好多款選擇，我就最鐘意牛丸了，非常多汁。脆肉鯇好新鮮，值得一點。 我地另點幾款牛肉，包括安格斯牛小排同極黑和牛，全部都來自美國。牛肉新鮮，油脂分佈平均，其中極黑和牛，肉質彈牙美味，非常值得食。

疫情反反復復之下，好多時只可以留係屋企食野唔敢出街，
真係好悶，就想近近地係自己區附近搵D好野食發洩下。

CHEF STAGE 係幾區都有分店，原來依加元朗都有分店!間餐廳都幾大，地址都唔難搵。室內燈光充足，影相打卡一流。太多款都好想食，無奈2個人都叫唔到太多來試，所以如果之後冇哂人數限制之後一班人來食就可以試多D款啦坐低叫完野食之後，店員就上左小食面包3款。
其中令我比較印象深刻既係蕃茄香草包，淡淡既香草味再加上小小蕃茄既酸味，非常開胃，我就中意加埋旁邊既沙律醬，一齊食。醬料有蒜味，普通沙律醬係偏酸，但係呢個係偏咸。跟住上既係牛油果藜麥沙律，不得不說，牛油果熟得剛剛好，軟滑香甜放入口成口都係牛油香既香，不得了。
沙律份量好足加上藜麥本身就有D飽足感，唔可以睇少阿!
想食好野又想健康D不妨可以試下呢個沙律。
美中不足既係醬汁略淡，如果黑醋比例再多一點應該會更好。跟住就上主菜啦，炭燒紐西蘭羊鞍扒，order個陣叫左7成熟，
上到來果然係7成熟，切開仲有帶紅色但係冇血水。好多餐廳都會偏熟。
羊味唔算重，就算本身唔特別中意食羊肉既朋友都覺得好食。
肥瘦剛剛好，肉汁非常多，好嫩滑，配埋紫酥蜜糖醬。
咸咸甜甜，喜出望外既係，因為本身就唔太中意食紫酥，但係我唔望餐牌都唔知原來個醬有紫酥。
呢個羊鞍係用海鹽燒，所以淨食都好夠味。
個人覺得乜都唔點食肉既原味係最好味。跟住另一個主菜烤菇意粉剛好上埋，淨睇個賣相已經好對我口味。
意粉軟硬適中，食落好滑身，連埋個香濃既忌廉汁仲滑。
非常足料，仲有大大片大啡菇，完全冇慳材料。
食落啖啖都有菇，冇得輸。

2個人實在胃容量有限，試唔到甜品就飽哂，所以又有多個藉口比自己再來多次幫襯~

今晚去左旺角一間任食雞煲火鍋餐廳。兩人坐左卡位座，卡位寬敞，坐得舒服。除左任食雞煲同有點餐紙提供逾30款食物外，另一邊設有自助區任拎火鍋配料。 大量丸類有多款選擇，包括蟹子丸，芝心丸，牛丸，龍蝦丸，墨丸等，另有蔬菜及一般火鍋配料。 先選雞煲，有幾種辣度，我地就選左中辣，不過原來中辣比想像中不太辣。 放左D蔥花一齊煮，大約焗五分鐘到就食得。等食的時間，已聞到好香的味道，令人流晒口水啦。 打開煲蓋，店員幫忙撈一撈，令雞更入味。味道方面，雞都算嫩滑，辣度雖不夠滲透，但味道都好惹味，如果唔夠喉可以食完再加雞，食到飽飽為止。 食完雞煲，可以選湯底打邊爐，一共有八款都幾豐富，最後揀左個蕃茄薯仔濃湯同滋補藥膳湯。自己就比較鍾意後者，味道都算濃，加左杞子，紅棗等藥材，夠晒滋補，同食物亦好夾。而蕃茄薯仔濃湯就有好大陣茄汁味。 配料區內的食物都幾新鮮，尤其係丸類，粒粒都好彈牙。 其中最欣賞豆卜，食落啖啖肉，彈牙。而脆鯇魚腩好爽口，而且食得出好新鮮。 牛肉係打邊爐必點之一，呢到就有新鮮牛肉同美國肥牛提供，其中美國肥牛，雖然唔算得係上乘之選，但唔算太多肥膏，已經不錯。 鮮蝦滑可以自己因份量而落，都幾彈牙可口。 最後可以揀雪櫃入面D雪糕雪條，有部分係韓國雪條唔係度度任食都食到架。而最讚係飲品，有一罐罐汽水之餘，亦有一支支細支裝，可以試多幾款唔同的飲品呢。整體食材都幾新鮮，而且價錢都幾扺食，埋單每人大約200蚊到。

最近發現一間酒吧環境頗不錯，空間非常大還有飛行棋、Beer pong等設施，不是每間酒吧都找得到，最緊要係Cocktail頗有特色及創意，而且賣相味道同樣兼備，一大伙朋友歡聚飲野最適合不過！ 昏暗的環境，配合英倫風及森林的設計，內裡有多張Sofa，不論用膳或飲野都舒適，中間就有開放式吧枱，可以目到調酒師即場為您調酒，而且以酒吧來說，整體感覺都幾乾淨！ 點左個主菜加$50，有湯、沙律及前菜。沙律配上多款菜，如火箭菜、紅毛菜等，十分新鮮爽口。最讚係中間的多士，非常脆口，！南瓜味入口滑一滑，味道濃及微甜，感覺頗奶，好好味。 雖然只是小食但非常有心思，其中海膽汁燴墨魚仔，用酒杯上都幾得意，而墨魚仔好彈牙，杯入面的海膽汁有d辣辣地，幾惹味。 自家製蟹肉脆燒賣，原以為係炸燒賣，但原來係脆脆包住蟹肉，配上三文魚籽同黑松露，外脆內軟，仲帶有三文魚籽咬落的層次感。 香煎帶子露筍意大利飯值得推薦，帶子彈牙軟腍，意大利飯就做得唔錯，每粒都好挺食，而個露筍汁好Creamy，味道濃，但又唔會過膩。 鮮蝦海膽三文魚籽扁意粉，蝦就算係超爽口，唔洗自己Mock殼，有細心位。扁意粉時間調節得剛好，帶有彈牙的感覺，而且入味，幾唔錯！ 有段小插曲，餐廳唔小心落錯單，整錯左杯Cocktail，就好好甘當請我地飲，所以變相兩人就有三杯。其中中間個杯係Spicy River，係味道最濃最嗆口，因為加左特別挑選的墨西哥辣椒來浸酒，飲落吞個下有灼熱同辣口感覺，而且久久不散，細心位係用左一大粒冰塊，令酒的味道keep得耐d。 左邊個杯係Fairy Fox，用左斑斕嚟沖，味道有點獨特，但自己就唔太鐘意呢隻味。右邊就係Thai-faye，好香香茅味，而且好易入口，帶清清地，平時唔多飲酒的人都好岩叫呢杯。 最後就有份小甜品作一個完美結束。

放工又累又餓~
又係同朋友一齊去搵好野食減壓既時候~

呢間西餐廳位置不算太好搵，因此我認為是太子隱世既西餐廳!

店面積不大，所以位置不算多，大概25人左右，另外還有一張室外位。
因為多人來就一定要訂位啦。
燈光偏黃，放工坐坐下有少少想訓著XD
過左8點後人流就好多，好快就坐爆。
餐點款式不算好多，但想試的款試就好多XD 價錢有點偏小貴。先上既係頭盤，和牛鵝肝多士。請真呢個係成個MENU最吸引我既菜式之一， 所以我十分期待，而且亦冇令我失望，4件多士有份量，和牛同鵝肝1:1用料冇輕手。
一啖咬落去，鵝肝好快就溶係口中，油香加上和牛既咬口配埋多士脆脆既口感，
成件事係完全停唔到，而且鵝肝上面放左店家自製甜甜酸酸既菜絲，化解左油膩感。
直頭唔想同朋友share 自己隊哂4件阿。之後係經典肉醬配自家製黑蒜意大利面，上面有米紙網點綴， 味道偏酸，寛條面有點硬，略為失色。之後係119招牌脆皮乳豬配蜜糖芥末汁，乳豬皮薄，肉好嫩，用刀輕輕切好易就分得開， 連骨都好易切開，所以唔小心就食埋XD
皮薄但未夠脆，肉汁好多，味夠唔洗點太多汁都好夠味。
配上薯菜，份量滿足。

對於女士，最後唔食個甜品又點算收尾。
因為上面前菜主菜2個人分都滿足，所以甜品就冇一人叫一個了，廢事做大哂鬼XD
呢個係窩夫雪糕三文治，係即叫即整，所以食到咁上下就好叫定唔係有排等。
窩夫即整所以夠熱又外脆內軟，再加埋中間夾埋凍冰冰既雲呢拿雪糕，作為一餐既收尾一流。

今晚與友人想搵番間有野食又可以飲番杯既地方，偶爾响網上見到這間bar & restaurant，就決定嚟試下。 通常這類bar & restaurant食物定價都比較貴，但睇睇餐牌 88蚊已經可以食到一個pizza/一客意粉，星期日至四仲有set 98蚊食到安格斯牛漢堡+薯條+小食。 二話不說就點左呢個小食揀左蜜糖雞翼，再加客安格斯肉眼牛扒。 首先黎既係雞翼，一碟有5隻，皮非常之脆，食落蜜糖味豐富，相當唔錯，好滋味！ 之後黎既係安格斯肉眼牛扒，完全唔韌，肉質都算不錯，不會太鞋，但略嫌唔夠熱同份量少左d，如果加伴菜會更好。 最後黎既漢堡+薯條，真心推介，份量好足，味道亦非常好，入面的漢堡好惹味，而用左長牙籤固定，所以食起嚟唔會散開。而薯條剛炸起，還帶了微熱及香脆口感，不過就無咩松露味。 每枱都有snack，蝦片用左酒杯裝，份量都算多，味道帶有咖哩味，忍唔住一口又一口甘食。 而酒水就係正路酒吧價錢啦，不竟係尖沙咀區。意想不到係晚上有live band，仲會邀請顧客一齊jam歌，令整體氣氛唔錯，想食d野飲d酒聽下歌呢度係唔錯既選擇

今日响尖沙咀收工，就同友人嚟到附近的海港城行街同食飯，搵左一間泰國餐廳，幾有情調，食物又幾有水準，最重要係幾扺食。
呢間藍象泰國餐廳，响海港城三樓，近中港城個邊，位置唔難搵。

入面佈局都以藍色為主調，連餐具也是寶藍色，而配合昏暗的環境，情調一流。
基本上整體食物價錢在海港城而言，可以話好扺食，部分一百蚊有找。
藍象特色冬薩公配大蝦，也是用左藍色器皿盛載，賣相好吸引。

個湯唔算好辣，但好有冬薩公的味道，唔食辣的朋友都值得一試。而大蝦肉質滑又大隻，最好就係已mock了半個殼，好易食。

烤豬頸肉全部薄切，切到每塊都差不多，刀攻不錯，而豬頸肉咬落幾爽彈，而泰式醬酸酸辣辣好惹味！
魚露蝦干炒椰菜苗，雖然食不太到魚露味，但菜苗就好新鮮又爽，而配合埋D蝦干一齊食，層次感豐富。
呢碟燒大蝦炒金邊粉真係要大讚，賣相唔錯之餘，仲有驚喜，個金邊粉炒得好好，乾身得來，唔會一舊舊，加上調味都做得好出色，非常惹味，旁邊有糖、辣椒粉等，唔洗點撈都已經好夠味，而隻大蝦入面好多蝦膏，超正。總括嚟說，呢間餐廳水準好高！

今晚得自己一個人，收工後就嚟到公司附近的將軍澳中心食飯，搵到呢間專食玉子料理的玉子造屋。呢到用膳環境算唔錯，坐位都好闊落。 晚餐有8個丼選擇，基本上全部都有配撘到玉子，如果唔想食呢8個丼，都另一個餐牌，選擇兩款唔同配撘食物的丼。 點左一客極上牛舌丼，份量唔多，好細碗，大食的男生就可能有機會唔夠食，每塊牛舌係薄切，咬感就一般，有個甜甜地的醬汁撘救，非常惹味。而主打的玉子真係唔錯，半流心，咬落半生熟，蛋汁混合埋飯更好食！整體不過不失。

今晚行左去將軍澳臨海一帶，發現原來係有幾間餐廳，見有小小餓就揀左呢間浜燒太郎。

個門面幾吸引，好有正宗日式feel，入面空間都算大，仲有幾間日式房仔，好岩一大班人共聚。
點左盤精選刺身拼盤，有五種刺身，包括三文魚、吞拿魚、油甘魚、帶子同海螺片，全部都好新鮮，尤其係油甘魚，色澤好粉嫩，晶瑩剔透，咬落帶點爽甜。呢盤刺身，每款有四片$278，價錢好扺食值得點。

浜燒太郎當然要點一D浜燒，全部都係即點即燒，仲有侍應幫忙，加入煮酒燒，十分貼心。浜燒海鮮的款式有好多，蟹肉蟹膏燒就最好味，之前食過其他餐廳，蟹膏都有d鹹，但呢到就好鮮，味道岩岩好，撈埋鵪鶉蛋後，蟹肉仲滑一滑，超好食！

魷魚筒燒好似燒過火，但都算彈牙，就有小小鹹。
原條蒲燒鰻魚都係值得點之一，鰻魚燒到好令，而醬油調味亦係精華所在，令人一口又一口食到停唔到。
壽司一客有二件，最特別係個飯底係有d紅色，所以好奇之下問一問侍應，原來師傅加左赤醋，令整件壽司帶點少量酸，胃口大開，其中鵝肝壽司煎得香脆，外脆內軟，記得剛剛煎好就要即食，會更好味！
雞骨軟每粒都好彈牙，有嚼勁感覺，幾好味。
今次河豚干係第一次食，感覺都唔錯，油份好juicy。
呢個叉燒豬骨拉麵真係要大讚，拉麵Keep到彈牙亦硬身外，豬骨湯底仲做到好惹味，完全唔鹹，水準好高！必點！