因為上個月叫五月居時食過一次，覺得唔錯，見近近地又就腳所以再食，
環境，同之前一樣，冇分別，菜式
火鍋湯底只有雞煲同豬骨兩款，因為唔想太飽，
谷住揀咗冇料豬骨湯
火鍋配料比以前小好多，得ㄧ張紙，
叫咗超肥嘅肥牛，同牛丸魚蛋，水餃皮太厚，黑豚肉ok
好明顯火鍋現在唔係主打
到刺身，入坐時服務員已通知會先送上剌身併盤，可食完先再order
併盤擺得好靚有冰墊底加上出晒煙嘅乾冰效果，值得一讚
不過之後再叫，係就咁碟上，連冰都冇
三文魚ㄧ般唔肥美，帶子唔鮮甜，蟹腳超咸
甜蝦有頭，大隻鮮甜，油甘魚好好味
壽司
試咗好幾款都唔錯，燒三文魚入口溶化，花之戀就太大件了
炸物
蠔 ，軟殼蟹，粉太厚，芝士年糕，櫻花蝦蝦丸好食
熱食選擇多咗好多，但份量太多，試唔到太多款
總括黎講火鍋唔會再食，淨食日式放題又只算ㄧ般
不過服務員有禮，收碟又快，如果想交通方便，平平地可以唔使迫靜靜舒服的坐嘅，都可以ㄧ試

一連買咗三間放題，兩間buffet，呢間因為午餐，所以最遲食，
但亦是最難食，主打生蠔，不過去到睇到都唔想食，肉細，小，薄，而且顏色灰暗，唔知開完放咗幾耐，雖然見佢都有不停refill。。。。跟住我地決定先食熱野打底，但真係冇乜好食，連燒牛肉都冇
得個叫肉卷，實為午餐肉同燒到柴皮既雞肉
沙律ㄧ樣冇乜選擇，其中有款叫海帶沙律，超級腥勁難食
柚子沙律就ok
三文魚一般，八爪魚唔係即切，係預先切好晒放响個湯碗度，
仲要有D唔知咩水浸住
為求飽肚，谷住食咗三舊勁硬壽司
東風螺都可以

最後每人試兩隻生蠔。。。其實食咗一隻已經唔想再食，還以為一人兩隻實食到(平日一人最少十隻八隻)

其他食物選擇少又唔好味，$175嘅午餐，冇野好食，食唔飽，一定冇下次。。。。

上黎睇過評價不錯，於是買團購試下，book咗平日五点半，一去到見已經好多人，還擔心要等，好彩即時有位，唔使等
地方大，坐位多，六点多已爆場，一坐低第ㄧ時間叫刺身先三文魚肥美，甜蝦帶子細隻D，但味道鮮甜冇雪味，八爪魚鮮甜唔韌，不過吞拿魚就麻麻，有根
刺身新鮮，叫兩轉都一樣好味
壽司，手卷，細細件，飯唔多，食多兩件都唔會太飽，可以試多D野要推介有小食~三文魚皮
仲有海鮮牛乳窩，湯底香濃，有菜，魷魚，蜆
蟹粥，蟹新鮮，粥底夠綿食物質素平均中上，值得再食，不過坐位較迫，兩個人唔好一次叫太多野，會冇位放

以團購價一位$188+$30加一嘅自助晚餐黎講，算好抵食，
海鮮有不停refill
蟹腳~ 比較咸，只食咗幾隻
螺 ~ ok
蝦 ~ 新鮮
青口 ~ ok
三文魚 ~ 新鮮，至於熱野。。。。真係麻麻 甜品我冇食因為選擇小，只食咗雪糕
如果只喜歡勁食蟹腳同三文魚嘅，
二百二蚊位真係非常抵食的。。。