架勢廚房 (北角)

每次送完小朋友上興趣班，我都會去買餸等放學，但今日因為之後仲有工作，所以就喺附近買 外賣返屋企食。經過外賣店架勢廚房，餐牌選擇有唔同國家美食，可以照顧一家唔同口味就決定試一試！

泡菜豆腐粉絲湯配白飯
最近天氣好凍，好想飲熱辣辣湯，韓式泡菜湯配上嫩滑豆腐，香濃泡菜味微辣口感溫和又暖胃。

鹽酥雞香腸便當
老公揀咗呢款便當，有佢最愛鹽酥雞，雞肉外脆內嫩唔會太鹹，配上好多肉汁既台式香腸好惹味，台式風味十足。

滑蛋牛肉丼
仔仔食嘅滑蛋牛肉丼飯，牛肉係肥牛，好大碗分量好足。

紅油豬耳
豬耳好脆口，味道帶微辣及不同香料味，味道豐富，係老公最愛嘅開胃菜。

韓醬有骨炸雞
有三款口味，我揀咗蜜糖芥末醬，醬汁非常多， 芥末微辣又帶蜜糖香甜，而炸雞雖然淋咗但係雞肉非常嫩滑。

值得一讚係餐具都係用較環保既木匙羹及叉！

食驗室 (荔枝角)

喺荔枝角返工真係好方便，除咗可以成日去香工買衫，仲有好多美食，尋日早放工去D2 Place行下街，見到有間外賣店食驗室F.A.T LAB， 下午茶時間好抵食，即刻買兩個餐試試，夜晚唔使煮飯！



雲上。牛
溫泉蛋牛肉飯
牛肉好滑好入味，而且牛肉味夠香濃，中間有一隻靈魂溫泉蛋，蛋汁混合白飯一齊食，超好味!下午茶時段一個丼飯加一罐汽水只需42蚊！分量足，男人都一定夠飽！


韓風幻想曲
韓式泡菜豚肉飯
小辣泡菜配上半肥瘦豚肉，充滿韓國風味，酸酸辣辣係重口味之選！


風火黄金卷 鹹蛋叉燒
用鹹蛋叉燒整嘅飯卷，好新鮮嘅組合，叉燒軟淋鹹香味十足，味道好特別，好有港式風味但又似食緊韓式飯卷。


熱帶泰捲
香辣肉碎味道豐富好惹味，有時返工太忙冇時間食飯，食一個方便又好味，下次encore之選！

MOO Beef Cafe (將軍澳)

放假帶仔仔去朋友將軍澳屋企會所游水， 做運動前當然要食飽飽， 朋友就向我推介新開的Moo Beef Cafe， 環境夠闊落食物又有水準。因我帶著小朋友去餐廳吃飯最緊要坐得舒服!
 
朋友推介這裏的牛扒菜式非常出色， 但因為之後要做運動不想吃太多， 所以就叫了一個安格斯牛扒三文治試試， 脆卜卜麵包夾著半生熟安格斯牛扒，牛扒味道又香又濃郁，入口外脆內軟好惹味，果然冇介紹錯!

 All day breakfast 也不錯，炒蛋香滑充滿牛油香，放在多士上吃，小朋友都吃得好開心 又有營養好健康，我仔仔吃了大半分呢，而香腸味道也不錯，不會太鹹，外皮很脆口。

配一杯cappuccino， 奶泡豐富幼滑， 咖啡味夠香，好享受。

下次要再來試試牛扒呢~

MGB by Manhattan Grill & Bar (觀塘)

從bb出世之後，已經很久沒有跟老公二人世界了，難得一天老公收早，我就請奶奶代照顧bb幾小時， 跟老公兩口子外出吃個晚飯放鬆一下！今次老公帶我來他公司附近MGB by Manhattan Grill & Bar ，果然沒介紹錯， 食物和服務都非常好。
吃西餐當然不能缺少生蠔， 老公發板點了兩款試一試。

美國君御蠔，蠔味濃郁，入口彈牙有咬口，非常鮮味。
美國泰勒太平洋石蠔，好肥美，蠔味同樣香濃，口感比較滑身， 有入口即溶的感覺。
白酒煮紐西蘭鑽石蜆，蜆肉飽滿肉質甜甜的好鮮嫩。濃濃白酒香加上蒜香，好惹味!!

美國天然安格斯牛肩扒，餐牌有多款牛扒選擇，而我喜歡吃肉質較淋滑的牛扒， 所以店員特別介紹我這款牛肩扒。

牛肩扒廚師預先切好，份量跟厚度都很不錯，我點的是5成熟，肉質嫩紅吃起來相當柔嫩多汁，肉香味也很足，挺有水準，就算不用醬汁調味都好夠味。而伴碟的薯條及沙律都非常新鮮， 特別是薯條脆卜卜好好味!
鮮蝦帶子卡邦尼意粉，卡邦尼醬汁好濃厚，帶滿滿蛋黃香亦不會太鹹， 扁意粉口感彈牙吃起來好有口感!
大大隻帶子好厚肉誠意十足。

朱古力戚風蛋糕完美一餐當然少不了甜品，今次選了我最愛的朱古力口味戚風蛋糕，蛋糕質地鬆軟，非常濃郁的朱古力味，配上少量酸酸的紅莓， 減低甜膩感， 味道平衡舒服。

IS Café (香港仔)

我一家人最鐘意去食自助餐，因為適合各人口味，價錢又跟吃中餐差不多。而今年屋企人介紹嚟到L'hotel LIS Café自助餐，價錢抵食，食物選擇又多。
今次剛好遇到優惠，晚餐時段每位奉送迷你紅燒鮑魚花膠煲一個，花膠厚身飽滿，好滋補呀!
自助餐我一般會由沙律開始，這裏的沙律吧竟然有我最愛的秋葵呢， 點少少沙律醬超好味。
沙律菜方面更有超級食物羽衣甘藍， 平日自己很少買來吃因為很貴呀，哈哈~

吃沙律時可配一點火腿及煙三文魚!
之後就開始吃我最期待的凍海鮮，選擇有蝦、長腳蟹、青口， 蟹鉗及龍蝦!
龍蝦最搶手，肉質鮮甜彈牙，啖啖肉好美味， 好新鮮的感覺。
而長蟹腳帶淡淡海水味鹹味，肉質很鮮，我吃不停口! 愛吃凍海鮮的人一定很滿足~
焗蠔也相當肥美，配上醬汁吃夠惹味，最岩不愛吃生蠔的我!
再來是日式刺身及壽司， 刺身即點即切保持新鮮，我試了三文魚及吞拿魚兩款都非常肥美鮮甜， 一吃就知是新鮮貨。
有不同壽司及丼飯的選擇，全部新鮮即做。
迷你丼飯細細盒好可愛， 分量少少大約只有一匙羹飯，不怕吃了會太飽肚， 丼飯上的刺身有鮑魚帶子及鮮蝦，全部都很新鮮，而飯也經過調味，有驚喜!
平日自助餐很少有的冷麵，可配冷麵汁或芝麻醬，我取了味道清淡的蕎麥麵給bb吃， 他也吃得很滋味呢!
廚房部有燒牛扒，也可請廚師即場煮麵。
即叫即煎燒牛扒肉質彈牙不會太乾，本身已有調味，不用醬汁都好好味，我吃了兩件才夠!
熱食方面竟然有長洲大魚蛋， 大大粒好可愛，真的超彈牙!
不同選擇的炸物。
湯裏有三款選擇，西湯有意大利菜湯， 而中湯有蟲草花煲雞、胡椒豬肚湯， 我最愛飲湯了所以兩款中湯都有試， 胡椒豬肚湯好濃郁，但鹹了一點。 耳蟲草花煲雞則清淡一點，兩款我都飲了一大碗!
同樣是自助餐少有的蟹粥，粥底又綿又滑， 我老公大讚好味!

另一款最吸引我的熱食就是燒羊架，肉質嫩滑沒有騷味， 口感一流。
最後是甜品部分， 有我最愛的麵包布甸， 加少少忌廉汁又甜又滑。
大量甜品選擇， 細細件夠精緻，我試了芝士餅是酒店水準， 好高質素!
任食 Haagen Dazs雪糕有雲呢拿及朱古力味選擇。
糖果選擇也多，小朋友看到最開心。
生果有西瓜及火龍果選擇，全部砌成一件件，食起來好方便。
好滿足!