難得放假，在去街街前就到新都城醫肚，Misocool  ~ 一間我想試好耐的日式飯店。套餐價錢都算合理，點咗B餐   金姑野菜牛肉飯+熱即磨咖啡﹗

等候的時間，有對父子同樣點B餐(仔仔兩歲左右)，老豆只叫侍應攞兩隻細碗。但待應就攞多左一個碗，估唔到入邊仲多咗把較剪仔，放便爸爸剪牛肉，由此可見 呢間食店的細心﹗超讚!!

待應攞錯了杯飲品來，變了凍咖啡，但他好有禮貌地 SAY SORRY ，好快就換返熱啡俾我。等咗一陣，店內經理在收拾我隔離枱D碗時，見我仲等緊，佢就即時幫我跟進，呢間食店的店員做得真細心，照顧到每位食客的需要，和觀察力良好﹗

牛肉飯黎啦，賣相普通，亦閒不到牛肉的香味，醬汁的味道適中，但太少汁了，以致食落去感覺較淡，牛肉的肉質鮮嫩﹗
我覺得份量方面較少，女士就啱啱好，男士就應該要添呢﹗不過，此店而家有$5壽司，唔夠都可以叫壽司添肚﹗
咖啡的味道唔錯，好香濃咖啡味，又有一點點奶的香滑﹗落咗一包糖，都覺得苦苦地。飲到底見到有碎咗黑色的咖啡粒，可見真係即磨，唔係即溶﹗有D食店，話就話係即磨，但其實係即溶﹗

今日玩到攰攰地，阿媽話想食米線，於是就帶佢去新都城的"譚仔"食米線，呢間"譚仔"比其他分店的裝潢華麗，座位舒適。
因為係平日，所以唔駛等位，好快就入到去，我同媽咪各自叫咗兩餸的米線

媽咪揀咗  魚腐+腐竹 米線(酸辣湯) 及凍檸水，我就揀咗 牛丸+冬姑米線 (麻辣湯*10小辣*)及熱檸水，另加一碟小食  土匪雞翼﹗

等咗一陣就來齊兩碗米線加飲品，好快土匪雞翼都來埋，店內其實有好多客人，但上菜速度仍然快 ，可見效率高。
我估上菜快，客仔會快d食完，咁又可以做多好多生意，唔怪得越來越多分店﹗

先講講味道，我個碗雖然係 *10小辣，但都夠辣喎﹗
牛丸夠彈牙，有牛肉香味，而且好有口感﹗冬姑亦入晒味，所以咬落去，夠哂淋身，好好味﹗
阿媽個碗魚腐也口感不錯，魚肉好鮮嫩，酸辣味適中﹗令人開胃﹗
"譚仔"出哂名用料新鮮，有質素，每間分店都能保持到水準，應該是中央處理食物的，管理得真好。
最值得讚係 土匪雞翼，外面脆身好香口，入邊肉質好滑夠多汁，食到籽然粉和花椒粉的香味。非常可口﹗

另外，我要讚一讚筷子座的設計 ，筷子座隔離連住個圓形小兜，方便客人將雞骨或唔想食的餸渣放在這小兜中，可保持枱面乾淨衛生，是一個不錯的設計﹗

但可惜，米線中的材料配搭選擇太少，如果加多返d會更加好﹗

大感冒剛好返，今晚想食清清地，清吓腸胃，於是就揀咗東港城入邊的海皇JP ONE食粥。
以粥的價錢來講，都幾貴，我入到去就選咗個晚餐套餐(艇仔粥+蛋黃鹹肉糭+熱飲)。

個粥賣相都唔錯，個碗設計都幾特別，雖然係普通一碗粥，但個波浪形碗加咗分，所謂色香味，又一次證明賣相係好重要。

粥嘅味道還可以，材料好足，份量夠，但就唔夠綿﹗

糭都幾大件，但就較為乾身，涼咗少少。如果可以濕d，蒸得透身d，熱辣辣會更好。但其實呢個應該係基本要求，好好地一個糉，就因為處理得不好而浪費了。可能是大集團的關係吧，流水作業式工作，一般員工又的確難以用心真誠地處理食品。

成個套餐價錢$38，還可，因為粥都幾大碗，如果單買一碗粥或一個糭，就幾貴﹗

如果係想清清腸胃又填飽肚，都可以入去食吓﹗其實入邊仲有飯，酸辣粉買架﹗下次等我試吓先﹗