大學的好姊妹派帖, 我地一班 girl friend 就夾份請佢食餐好嘅，朋友介紹這間「御膳」環境唔錯，適合一班 fd 傾心事。我地派左個使者去傾菜單 , 佢同店方what apps 幾個回合就攪掂。

上到去, 門面幾光猛, 一出 車立 就見到。
由於, 菜單已經安排好 , 所以我地一坐低就傾傾傾...   派帖甘高興 , 梗係要飲返杯啦, 我地帶左 香檳同紅酒。

上菜啦: 麻辣鹵水大拼盆 -有金錢肚、豬大腸、手撕雞
~有個靚女唔食辣,所以我們選擇把麻辣汁分開上。唔點辣汁的話,本身就是一碟鹵水大拼盆。

花雕蛋白蒸龍躉球
龍躉好嫩, 好滑,冇骨, 好新鮮。龍躉同花雕的香味,精華入哂下面的蛋白裡, 非常好味。

大肉蟹 兩隻 (我地點了避風塘炒和胡椒炒)
避風塘炒(忘記影相)~未食已經聞到好香，蟹的鮮味在炸蒜中食到。我們點了中辣, 適合食開辣嘅朋友。
胡椒炒~用白胡椒炒, 炒得剛剛好, 有鑊氣,汁輕輕掛在蟹上,好惹味,連洋蔥都食哂。

蒜蓉粉絲蒸大蟶子皇７只
有筷子長度的蟶子皇, 好鮮味, 灑上炸蒜和生蒜,好夾, 最正係下面的粉絲, 好難唔食哂囉。

流沙黃金大海蝦７只
香香的流沙黃金(咸蛋蓉)在外,極之惹味,沒有多餘的汁。海蝦新鮮啖啖肉。

士多啤梨骨
聞說這招牌菜已吸引好多人食, 今日一會,果然特別, 有士多啤梨的香味,有些鮮士多啤梨粒。而且,裡面的金沙骨好有肉汁, 正。

金華玉樹雞半只
聽個名我只係聯想到,金華火煺同有棵樹 , 原來將雞起肉伴上金華火煺,再配上菜心最嫩果PART。我估金華火煺應該係調過味, 唔會太咸又好像有些蜜汁的香味。GOOD!!!

蒜蓉炒時菜
簡單一碟炒菜都唔會馬虎,炒得好香, 火喉剛好,好爽。

蟹油銀芽炒面
炒得好乾身,一啲都唔油,在外面真係好難食到,食得出廚師的功夫。

大西瓜盅一個
簡直係全晚亮點,之前負責傾菜單的使者響群組比我地睇張相, 已經好有興趣。
當一出場，我地唔理其他人嘅目光，哇哇哇，好靚呀。有好多新鮮生果，藍莓，提子，士多啤梨，奇異果等等，配上清涼的西瓜汁，超讚。食之前，我地影左好多相呢。

返工望到頸到長既星期五到啦！！
Lunch 同班同事去左富臨飲茶，一行7人，去到樓下壞lift ，好彩係二樓啫，12點零大把位，唔使等位，yeah!

同事們輪流剔點心紙，點了：
鳳爪：剛好一人一隻，味道尚可
黑芝麻流沙包：要襯熱食先有流沙，耐左就凝固了，冇流沙的感覺。
雞包仔：我冇食到，不知味道如何。
叉燒包：蒸過龍，面包濕濕地，唔乾爽。
菜餃：皮薄餡料菜多，不太咸幾健康但本人一定要點辣椒醬就可口美味喇！
荷葉炒飯：葉面蒸到好黑好濕，材料有冬菇粒，火腿，肥豬肉，旦花，蝦粒等等，炒飯好濕唔夠乾身，但味道唔錯，各人口味不同，同事覺得不好食！
香脆煎齋雞卷：一致獲好評，夠脆口，點腊食perfect ，少油為佳。
煎堆：上枱時圓碌碌，阿姐好細心幫我地一開二，服務不錯，襯熱食一流
山竹牛肉：中規中矩，肉感彈牙，味道鮮甜
煎壤尖椒：正，我的至愛，微辣刺激呢！

甜品：
涼粉芒果布丁：外觀幾吸引，涼粉比較甜，冇芒果味
紅棗糕:冇食到
桂花糕：清甜

由於太多了不能盡錄，飽死人啦！

是日休假，訓到自然醒已經是差不多下午茶時分了

約左朋友去九龍灣~逛街街, 時間尚早，就休休閒閒地出發去九龍灣嘆返個下午茶先。


吉豚屋吉列豬扒專門店 Ca-Tu-Ya

堂食的人不多，單點了吉列雞扒咖哩烏冬，未包飲品，埋單$35 , 加一服務費。

食物上枱後，份量好細 ，大食積的我一定唔夠飽肚呢。

不過約左朋友六點食放題，頂住肚仔先啦 。

烏冬幾爽口，不會太稔，但不夠彈牙。
咖喱湯底不濃不淡，有咖喱味 ，不會太辣,配烏冬食都幾好，合格。

相反吉列雞扒就有點兒失望喇，肉好少，炸到個脆皮得啖空氣，完全冇口感可言 ，味道都ok ，希望依方面可改善一下。

今晚約左老公放工去拍拖，係九龍灣德福廣場會合，未有心水食乜好，唯有邊行邊揾食。
見到間白熊喫茶店，比佢的門面裝潢吸引著，簡潔清新。望望餐牌，感覺以健康為主，一於入去一試，員工服務態度有禮貌。

日本溫泉蛋花蝦銀魚絲沙律—銀魚絲咸咸地，小小脆身，幾香，配上沙律，幾特別，幾夾。

北海道牛乳蜆—用牛乳黎炒蜆真係第一次食，出奇地好味不太濃，感覺健康，清新，唔錯唔錯 

和牛芝士咖哩漢堡飯—日式咖哩甜甜地不辣，漢堡肉質鮮嫩多汁，口感豐富。

健康綠茶－有一種綠茶特有的甘香味，當中混著香香滑滑嘅鮮牛乳味，配脆脆一齊食，味道捧極了。
mocha －老公話稍為甜了一點點，但有濃濃的朱古力及咖啡味，不錯

聽講南記米線好出名，仲好食過“譚X”。
當真？今日lunch決定去會一會。

由公司行過去只是五分鐘路程，十二點十五分已排長龍了，果然多人。

我叫左一碗菜肉雲吞米線＄32，有麻辣，酸辣及清湯選擇，我要了小麻辣 ，等左五分鐘左右就有。

值得一提嘅係店內有個“自取區”，咸酸冬菜已分了一小包，若嫌不夠酸，歡迎任取，仲有甜醋已分好一小杯，都是任取  ，店方真係好細心地照顧客人的需要啊。

米缐份量多，配料充足，有大量芽菜，酸菜，腐皮。
六粒菜肉雲吞，雲吞餡料足，皮薄，口感不錯，米線連配料一齊食，好正，湯底酸酸地，好醒胃。

春卷大腸米線是招牌菜，下次一定要食下先得。

今日，好好好開心呀～～  老闆為左慰勞我地呢排辛勤嘅員工，lunch萬歲....

佢仲早上十時就親自致電外賣速遞，我揀了一客冷麵及一客豬扒三文治，其他同事分別點了壽司併盤，定食之類。

外賣準時午膳時間送到，服務員態度良好友善。

第一眼見到送來嘅美食，同事們都嘩聲四起，尤其是女同事，因為森川便當的日式包裝實在太有日本風啦，非常有特色，精緻美覌，未食已感覺幸福滿瀉，『ki呢兒笛士呢』，打開包裝，非常方便淨潔，質料係紙黎的，食完都捨不得掉左個盒呢  。

冷麵是蕎麥製作，配以日式冷面汁及酸薑，非常開胃，但口感一般，我估計係外賣的關係，令質素有所下降，假若再放回冰箱雪一雪應該更好食。
豬扒三文冶，內有沙律醬汁及蔬菜絲，所以食落不會乾崢崢，面包皮外覌見有烘底，但外賣相隔一段時間，以致沒有了脆的感覺，相信如果堂食應該非常好，份量就不算太多了，但對於一般想keep fit 既office lady 就真係剛剛好，不油不肥不高脂，今餐大家都食得好happy.  

老闆：我地會繼續辛勤工作，期待下次嘅萬歲，呵呵

新北江商場出哂名有好多好地度嘅四川、雲南店.... 可謂高手雲集,相信店方多數是來自大江南北,先可以煮出甘有風味嘅菜色。

今次有目標地向 聞名已久的 麗江米線搵食 , 次次去親、次次爆場，當時八點, 有十幾人店外等位及等外賣。
坐位只有十幾個，地方好細又迫，雖然我一向主張 ~ 食味道而唔係食環境 , 但收工帶著疲累的軀體,我真係唔想等位。 所以~決定外賣回家慢慢食

點好後 ,等左十分鐘就有啦，仲快過堂食等位 

點了一碗麻辣紅燒肥腸米線＄28，豬腸份量少了一點，只有4舊，但一點肥膏都沒有，洗得幾乾淨，可以看到店方用心製作食品，值得一讚。
豬腸夠哂入味，米線份量又夠多，外賣回家都沒有吸哂d湯(回家路程十分鐘左右)，食到尾湯底仲熱辣辣   讚~~

加了$5要杯凍檸茶，好夠檸檬味

再加左碟 麻辣雞$32，麻辣好入味，但又不會辣到入唔到口，味道唔錯，可惜骨多肉少，但整體都不俗 

今日探病後，屋企又無煮飯喎，唯有出去食，行到入去坑口商場就見到"香格格"，呢間野專買雲南米線，而今晚又唔想食飯，想食濕野，所以就行咗入去食，入到去環境不錯，好有雲南風格，坐位也舒適﹗

看完餐牌就叫咗碗小辣的兩餸麻辣米線(金姑，魚肉春卷)，一杯熱檸水及小食(滷水豆腐)。

碗野食落去夠晒麻辣，而且酸酸甜甜好開胃。

魚肉春卷夠彈牙，好有口感。

滷水豆腐夠滷水味，但豆腐唔夠口感，無咩豆腐肉咁﹗

呢間野總括來說都係好食ok的，而且價錢也算抵，因為又大碗又多餸，比起"譚仔"可選擇餸的款色更多﹗

今晚放工加班冇時間買餸煮飯，天水圍食飯真係冇咩選擇，最後同老公二個人叫了兩盒外賣回家撐枱腳 ，一盒特盛牛肉飯，一盒正常份量的，再加條靖魚，盛惠$97大元，兩盒對比之下，特盛真糸好好大盒呀，足夠我地二個人食，早知叫一盒特盛兩份食啦，又可慳錢又唔使格硬食哂去。
食牛肉飯有保證又抵食，首選吉野家
牛肉好簿身，但份量多，夠哂入味，醬汁係牛肉飯嘅靈魂，配上香軟的白飯真係一流。
靖魚份量相對較少，但燒得剛剛好，表面有小小焦，更香，沾上檸檬汁就更開胃。