MonstersHK 等級2 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2015-10-22
今日係baby驗明正身嘅大日子，又令我諗返起曾經都去過baby cafe食嘢，不過呢間嘢嘅食物好難食，表面整得好難，不過都係假的 之前從來都無打算會食呢間嘢，但友人見到啲餸好似幾好話想試，咁試下都無防嘅 不過一去到已經好意外，一間中價cafe竟然0 service,位要自己搵，更加唔好諗想要杯水，唔該自己拎。。。。。。 食物方面，好難食。。。難食到成餐飯除左難食都唔知講咩好，其實無諗過西餐都可以用難食嚟形容 係得個湯叫正常啲，但茶餐廳都做到呢個水平~~~所以一啲都唔值 個豬扒仲正！油浸一樣又好咸，好難食，塊豬扒好易切開，但唔係因為用上高級食材，而係用左好多梳打粉 。唯一可取嘅係個薯蓉，但我期望佢會加啲奶同忌廉令成件事更香滑好味！  個牛就食緊牛根咁，都食唔到亦切唔開嘅~~~ 平時啲菜要嚟平衡肉嘅油膩感，本來有露荀都加左啲分，點知又係油浸一樣，可能已經吸收晒肉啲油，但實在太多先有咁嘅效果！ 總括就係。。。。已blacklist 唔會再有下次，未去過嘅都唔會推薦大家去食 ⼁
評分: 味道 1 環境 2 服務 1 衛生 3 抵食 2
2014-05-08
小小的一個荃灣到處都有好野食...單單一個路德圍就中西日泰包羅萬有 今日雖然嚟到荃灣既[米線街]但選擇咗食西餐 呢間心意餐廳短短一星期內我就光顧了兩次...就因為第一次某人食唔到西冷而不認命 今晚七點就食晚飯....應該想食咩都無問題啦 呢間心意只係SET DINNER都十幾二十款,寅係有排簡 DINNER都係有湯...主菜同飲品 可加$18加小食 
不過對於喜愛飲湯的我嚟講...得半碗實在唔夠
以$100嚟講呢件西冷好大塊,味道又好食!!! 如果配飯/意粉一個人應該食唔完吧....
一嚟到我就已經知唔會食得晒 因為又係份量十足 芝士量又夠....大滿足 成個意粉最正係牛柳....入口即溶,不得了 咁既價錢真係物超所值 又食了一餐平靚正晚餐! 推介美食: 西冷,拿破里牛柳意粉
評分: 味道 5 環境 4 服務 4 衛生 4 抵食 5
2014-05-03
近幾次到旺角都係食串燒,都係時候試新野 行經AMOUR CORNER唔駛位就入去試下,時間都十點幾...晚飯時間都已經過咗 少人都好正常! 今次叫咗個二人餐...個餐有齊沙律,湯,主菜同飲品 上菜速度都好快....不過有落錯單既情況 沙律係黑醋沙律
餐湯只有一款....今晚係白湯
至於主菜選了牛扒同蕃茄蜆肉意粉
反而意粉比起牛扒更為出色...每隻蜆都好大隻 總括食物質素唔算好好....唔會特別去食,一個月一次都會係唔錯選擇!
評分: 味道 3 環境 4 服務 4 衛生 4 抵食 4
2014-04-18
這所來自台灣的過江龍,應該不用文字解說...因為只要貼圖就馬上能令人蠢蠢欲動! 記得第一次光顧時正正是一年前了,當時試業中的咖啡弄還得要一直守在門口排隊,絕對是一個考驗耐力既過程...但只要再看一眼食品圖片,鬥志又回來了!
每次來到咖啡弄,都會眼濶肚窄,同自己講...三文治嚟嫁啫,唔飽肚既,到最後都要捧住個肚走
連伴碟的蛋沙律也是一流,絕不欺埸
評分: 味道 5 環境 4 服務 5 衛生 5 抵食 5
2014-04-18
放假宅喺屋企冇野做就不如開個acc打下食評啦,平時成日上嚟搵食都要交下功課先公平既~ 數數手指都有好幾冇食過自助餐,撞岩友人生日就不如食自助餐就唔駛諗啦! 雖然話自助餐唔駛諗食咩,但友人都有三個願望...就係生蠔,羊架同牛扒 所以早喺一個月前就開始上網搵料,但有生蠔既自助餐真係唔多而且食生蠔最怕唔新鮮咁Yamm就順利中選, 貴少少都唔怕啦,自助餐質素好都抵既..... 價錢方面星期五六日同假期前就658加1,平時就好似618加1,不過有AE白金卡就有85折 食物整體都好唔錯,D野食都好新鮮...不過種類唔多就比較失望  環境方面坐位好舒服一D都唔迫,採用柔和光線好適合約會或三五知己聚一聚 今晚主題係-龍蝦薈萃,所以都有好幾道龍蝦菜式 頭盤一嚟就食隻凍龍蝦先啦
龍蝦夠大隻,鮮味彈牙!而且食物refill得好快,絕對唔駛擔心 開蚶既時候把口雖然講咗句咁ma煩早知唔拎,但一食第一啖,woo好鮮甜,估佢唔到!! 食完龍蝦友人又去咗拎生蠔,生蠔每次每人限拎3隻,當然無限次數啦 我從來唔食生蠔,但友人食完一隻不停推介,於是食咗人生第一隻生蠔 原來又幾好食嫁喎,仲食唔停口,呢餐應該食超過一打生蠔了吧!每次拎食物再加3隻生蠔已成為指定動作!
至於其他熱食都算唔錯啦,不過選擇仍然好少
中間個白酒青口係完全冇酒味...好普通!!! 田螺同薯蓉又係另一對好朋友,整得好香好好食!!! 另外不可不提既竟然係白汁菠菜,尼個不得了,非常好食,絕對推介,good!!!!
見到d牡丹蝦手指咁大隻緊係食啦~~~三文魚又係估佢唔到咁好食!!! 龍蝦薈萃除咗以上之外,仲有龍蝦意粉同龍蝦粥食!
好喇,第一倨胃食完就到第二個喇,因為女生食甜品係用第二個胃嫁ma~~~
而後面既紅豆糕.....好難食!!!omg~~~ 馬卡龍,冇特別!!同出面買到的一樣 左邊既焦糖燉蛋誠意推介,好滑好好食!!! 下面有個迷你甜筒,入面係朱古力,不過因為擺位既關係,已經淋晒!!! 整體五粒星都有三粒半,要改善既真係食物得好少選擇,但無論味道,新鮮度,環境都好滿意!!! 推介美食: 龍蝦,龍蝦意粉
評分: 味道 4 環境 5 服務 5 衛生 4 抵食 3
|
0次成為首位寫食評會員
食評數目
編輯推介數目
0
會員推介次數
3
人氣指數
36
留言數目
上載相片
上載影片
我推介的食評
我的餐廳
關注
8
粉絲
6
