MrTasting 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-01-09
黃埔有港鐵之後,方便咗好多。今次呢間餐廳係正地鐵站A出口旁邊,超級方便。 餐廳環境舒服,台與台之間不會太迫。一入門口係一位韓國大叔作招呼,而貌似老闆嘅係一位韓國女仕,全程用英文溝通,感覺到好地道 叫咗個燒肉Set C,$499,有牛有豬 (調味牛肋骨、牛五花、豬五花、豬頸肉),仲有一堆大豆芽、泡菜、茄子、芝士、腸仔。 豬五花,燒到焦香,入口香脆,包埋泡菜、生菜食係一流。 豬頸肉肉質爽口,味道適中。 牛五花可以燒到咁上下攤出嚟燒,會快d熟。 調味牛肋骨醃得好入味,味道較濃,建議最尾先食~ 醬油蟹加白飯,$198 蟹肉蟹膏十分香滑,蟹蓋有隻生蛋,白飯上面鋪滿紫菜,3樣撈埋嚟食係一種享受~ 餐廳器皿都是金屬製,不是膠質野,較有質感,對我來說十分加分。 題外話/補充資料: 絕對是少數有禮貌的韓國人餐廳,加分!
評分: 味道 4 環境 4 服務 5 衛生 5 抵食 4
2023-07-28
廢話唔多講,直接介紹食物,不過提提大家要book位! 今次叫咗3款燒物,首先係必食嘅味噌甲羅燒、仲有芝士蟹肉甲羅燒。店員仲會幫你燒埋,唔洗驚Fail,個蟹膏加埋鵪鶉蛋撈埋一齊超好食。 另外芝士蟹肉甲羅燒有陣陣芝香味道,但又不會太過over,沒有蓋過本身蟹肉蟹膏味道,正!
評分: 味道 5 環境 4 服務 5 衛生 4 抵食 4
2018-01-23
新年新開始,咩都要好先會有運行,所以今日梗要食得好! 諗左一大輪後,最終就同左老媽子去左食泰菜~~ 這泰菜餐廳係表姐之前過話幾好食同唔太貴,因此今晚就帶左媽咪去食吓開年飯先 坐低無耐睇左陣餐牌後,就點左我同阿媽平時都like飲既冬蔭公湯 呢間味道微辣,爆開胃又陪晒熱,入面隻蝦好大隻又爽口,好鮮味 飲完一碗成身暖晒,真係good!! 老媽子最愛既泰式咖哩炒大蝦登場喇!超大碟! 食左啖汁,好好味,得好少辣,但有少少甜,反而有濃郁既咖哩同雞香 醬汁爆多,用來撈白飯或者薄餅食都係世界級正! 蝦好大隻!口感爽彈,仲好入味添,所以我食完碗白飯後,仲叫左薄餅 實行要食晒碟汁! 最後我就梗係食清喇! 今餐好食又唔太貴,食得開心,今年實有好運行喇
評分: 味道 4 環境 4 服務 4 衛生 4 抵食 4
2017-10-03
我成日都同自己講"辛苦得來志在食" 係做到痴左線後,我一定會食餐好既!係又做到隻狗之後,今日就帶左屋企人去食返餐~ 係網上睇左一陣就睇到呢間餐廳做緊著粉藍/粉綠色衣服或飾物就可以4位半自助晚餐送1位免費,咁抵又加上我地一家剛好4條友就諗都唔使諗就揀左呢間餐廳 上到去一見到環境真係好靚仔,座位同座位之間有足夠嘅空間,唔會坐得唔舒服,地方好乾淨!原來呢間餐廳主要係做婚宴,而無婚宴既日子就會變返做1間餐廳,真係唔係想食就有得食,好彩我今日有位,睇黎今年爆黑仔既我都黑唔晒喎 我印象中記得最少食左6隻翡翠螺,真係抵! 大戰過後又是找數時間,由於臭妹係著粉藍色衫,所以就有1位係免費,真係爆抵!出左門口覺得更飽!飽到宵夜都唔使食嚕
評分: 味道 4 環境 5 服務 5 衛生 5 抵食 4
2017-09-29
晚晚都食飯,唔通個個都想食來食去都係個幾間餐廳咩! 最怕悶既我就最鍾意去新開既餐廳食飯,好食一定就街唱,唔好食就更加倍就街唱,今夜就係舊同事既相約之下去左這新開的餐廳食晚飯 一邊食一邊吹水又一個晚上,人生就是這樣工作>放鬆食返餐>休息>再工作,定要從中找一點樂趣才不致白過!
評分: 味道 4 環境 4 服務 4 衛生 4 抵食 4
|