好耐之前食過一次聰嫂已經愛上左你, 因為實在太有甜品配搭太有創意同好味道, 不過每次食完飯想去食, 見到個條隊次次都令我打回頭, 真係好野!! 平日去都會見到有一條龍係度!! 所以次次都只可以過而不入!!

今日見係星期一, 諗住同HONEY過去試下啦, 個時都已經成11點幾, 結果門口都仲有人排隊, 諗住走架啦, HONEY就話得4個人係前面, 排啦排啦, 咁我地就攞飛, 結果10分鐘左右已經有位啦!!

一坐低我又好似細路仔咁, 有選擇困難症, 好似款款都好想食! 最後攪左一輪, 我揀左芒果冰, 首先芒果味很重，而且好甜，而且個冰又幼細又好滑, 一入口即溶, 配埋新鮮既芒果肉, 西米珠珠, 口感更豐富, 如果夏天食消暑真係一流!! 可惜而家已經入冬了! 不過都無損我鐘意食凍既既心情, 大口大口吸入, 不消十五分鐘已經清左!

HONEY就點左個薑汁芒果西米豆腐花, 我試過一啖薑味好重味, 但唔苦, 豆腐花真係好滑, 同好有豆味!! 凍天食真係一流!!

型格黑磚牆身配幾近落地玻璃，窗明几淨，感覺舒適。加上店內外唧多盤植物同蠟燭擺設，更顯高雅格調同綠化心思。
食物方面，選擇非常多，中西式粉麵飯、常餐、漢堡包、三文治及甜品yogurt都有。
最後我選左比較受歡迎唧鮮蘆筍煙肉忌廉汁扁意粉。忌廉汁非常讚，香滑且份量十足，食落去成嘴都係奶香同芝士香；意粉算彈牙；配料蘆筍煙肉蘑菇都新鮮可口。整體確實真材實料。
友人就點左扒鮮雜菌油醋汁扁意粉，雜菌亦係新鮮之選，醋汁酸甜開胃，友人大讚。另一位友人就點左鮮蝦番茄忌廉汁扁意粉，呢道菜分量十足，竟然有六隻大蝦，好慷慨啊! 大蝦全部都爽口彈牙，亦都有蝦應有唧味道，非常唔錯，扁意粉軟硬度適中。飲品方面點左一杯凍朱古力, 算係大杯啦，朱古力係幾濃烈唧，冰唔會太多冇充淡朱古力唧味道，加上上面唧忌廉，非常滿足。

細細每就聽B仔涼粉聽到大, 不過我呢D市區人真係十世都唔會入元朗, 更加唔會因為一碗涼粉而入元朗, 不過跟奶奶入黎元朗拜年, 食完勝記牛丸同一間好難食既燒燒賣, 諗住入到黎無理由唔食埋個涼粉先至走, 雖然好飽, 但老公話同我一齊SHARE碗芒果涼粉, 所以最後都衝左入黎!!

當時只係8點左右, 入面已經座無虛席, 我地一行四人點左一個芒果河粉, 一個芒果涼粉, 一個紅豆涼粉, 同一客雞翼尖, 老公話佢個雞翼尖真係好好味, 不過我唔鐘意食骨, 所以我無試, 最先上枱係碗紅豆涼粉, 超巨型爆多紅豆係面, 一見到就已經飽灑, 老爺話以為紅豆係煲左既紅豆沙, 無諗過係紅豆肉同蓉, 不過跟花奶口感都唔太甜, 幾好味, 我碗芒果涼粉上枱跟左支飲管, 可以即刻飲上面D芒果汁, 係超凍超甜超好飲, 好味過許留山個D多多聲, 十分正, 入便仲有超多芒果肉, 大大粒, 有成個芒果咁多既肉, 都係廿幾蚊碗真係十分之抵!!
涼粉又實又爽口唔粉, 好好咬口, 正!!!! 我決定每次黎元朗一定會再黎食!!

同奶奶入元朗拜年, 之後係元朗掃街當晚飯, 食完勝利牛丸, 其實都未飽, 之後再行陣街, 買老婆餅, 行多陣見到呢度賣燒燒賣, 講到好似好出名咁, 門面又好吸引, 估唔到就中伏啦...
燒燒賣係勁乾身同硬, 仲要加勁多沙嗲汁, 一D都唔好食, 咁我見我仲叫多串金菇肥牛, 問佢可唔可以落豉油唔跟沙嗲汁, 佢話燒物一定跟沙嗲汁, 心諗個汁勁喊, 點解我唔可以揀我想食既口味???? 之後我唯有話我唔要汁啦...佢無可耐何唯有問我加唔加味粉, 我諗住會惹味D所以加左, 串肥牛金菇除左面個到有味粉味係完全勁無味, 牛肉燒到老灑, 入面D金菇又無味, 出面求其搵間小食店都整得好食過佢, 真心覺得佢應該改良下!!!

兩口子去太古城睇戲, 未睇之前先醫肚, 當我地無意見既時候行過呢間餐廳, 見到依度裝修都OK, 有SET DINNER, 200蚊一位度, 價錢都可以接受, 加上唔洗等位, 所以就試一試!!

依度唔太多人, 枱與枱之間有足夠空間, 環境真係算唔錯, 静静地, 老公點了一個三色刺身飯, 三文魚刺身好新鮮肥美, 帆立貝厚身, 又鮮甜加淡淡海水味, 可惜是海膽份量真係少得過份, 我點了一個壽司定食, 入面件海膽同佢係一樣份量, 比較之下我個壽司定食價錢一樣真係抵食好多, 甜蝦又爽口鮮甜彈牙, 吞拿魚入口即溶, 依個價錢, 性價比算幾高, 餐仲包每人一個沙律同面豉湯, 刺身沙律都好新鮮配芝麻醬酸酸地好開胃!! 面豉湯真係有驚喜, 第一係夠熱, 第二係夠熱, 第三都係夠熱!!! 普遍餐廳面豉湯都係溫熱, 但依度係超熱, 湯夠熱就是好喝!!!

除左食物質素好之外, 服務都很好, 唔洗出聲你食完一樣就會即刻同你收走, 又會不定加熱茶, 環境又很舒服, 所以會選擇再來!!

今日陪奶奶入元朗拜年, 難得入到元朗, 老公就同我講話一定要食埋D街邊小食, 牛丸先走, 我第一次入元朗, 拜完年當然跟埋食, 老爺話呢間野好出名, 入到去真係只係得牛丸牛腩牛筋食, 無論3餸2餸1餸都係同一個價錢, 咁我地當然係揀3餸啦^^

我要左河粉底, 湯底真係好濃牛腩味, 呈深啡色, 牛腩不太肥十分, 不過很林, 牛丸一般, 只得彈牙, 牛味不重, 牛筋都林既, 不過又是沒有牛味, 好像食緊啫喱咁, $32一碗, 份量小, 如果想要飲品, 差不多$20, 太貴了, 所以沒有叫, 快快食完便走了, 這個出名的牛丸, 倒是試了便算, 如果要我出長水遠入來吃, 一定失望而回!!

坦白講, 我已經好耐無上過cafe, 不過朋友話依間cafe幾得意, 想幫好朋友慶祝生日, 所以就book 左依間happyland慶生。 入到去, 感覺去左小朋友遊樂場, 牆身畫左好多公仔, 藍天白雲同一條好長既彩虹, 完全覺得返左去童年時代!!

成餐飯無論碟, 食物, 飲品都擺放得好colourful, 我諗應該係想俾我地有一種開心既感覺, 而食物方面, 碟碟都好大盤, 好似開緊大食會咁!! 小食多以炸為主, 我覺得唔太健康, 個人比較鐘意芝士焗青口, 因為芝士味濃, 青口肥美, 唔腥, 主菜係一大盤share, 味道都可口, 最鐘意個煙三文魚意粉, 一來三文魚摺成花賣相吸引, 而且忌簾汁很creamy, 每一條意粉都掛有忌簾汁, 炒得唔錯! 海鮮燴飯係超濃蕃茄味, 入面仲有不少洋葸粒鮮魷魚, 咬口同非常惹味, 不過大蝦得一隻唔夠分! 我諗主角係依度既怪獸雪糕同可以玩遊戲, 如果唔識玩, 侍應係會落場教我地玩!! 我地都學左幾個聞說好HIT既紙牌遊戲, 哈哈@@玩玩下突然全場熄燈, 見到有一點火光送上個怪獸雪糕!! 真係好大個同整得好靚, 雪糕味道都好正, 有個最愛Dyers's 既石板街同芒果!! 仲會送上即影即有相連卡俾我地!! 整體黎講, 真係算係一間好有心思好有heart 既食店, 值得推薦俾朋友。P.S. 我地平日黎, 消費滿$400有朋友生日會送怪獸雪糕=)

今次黎左依到食野,Smoked salmon and salmon egg sandwich,
正係睇佢個設計就已經知道佢地有放心思落去，首先魚子就放左個係D蔥粒之間，綠中一點紅,都可以配合番佢既名。依個burger非常之重salmon味，視覺效果當然都夠,可能就係咁有D影響掛， 之後就係Goat cheese with salmon sandwich依個食落有好濃烈既芝士香，不過依個salmon食落就比較咸,唔太似salmon,比較上似火腿多D，可能係因為切得太薄吧,食落仲有D鹹 。賣相都幾得意細細個咁。
之後就係依個Vegetarian eggplant sandwich,第一件試了這個，都算幾好食,
Maine lobster and mango sandwichMango都算幾甜，不過佢個lobster唔算太夠鮮味，不過食落整體上夠哂清新。唔錯。再黎就係French style black truffle sandwich,第一下食落去真係唔知係咩黎,睇完之過先知係依個黑松露，平時食黑松露都係配意粉比較多,而且份量只有少少，所以依個sandwich食落比較重口味。Homemade natural scone,佢個Scone食落都幾鬆化，整體去比較就唔算突出，clotted cream算唔錯,佢個果醬就比較有驚喜，唔會太甜仲有少少果肉係到。
 

今次黎左依到,一開始就叫了羊肉漢堡、Egg Benedict配西班牙辣香腸同洋蔥蘑菇、，朋友再叫多個檸檬蛋糕，野食都算幾快就到，最緊要快得黎賣相都非常精致。羊肉漢堡都唔錯，煎過既羊肉有少少焦香，不過食落唔太夠羶香，肉加埋牛油麵包令成個漢堡食落比較膩少少，不過加埋佢既炒蘑菇係幾香既，再加埋酸瓜醬,依個配搭幾好。至於Egg Benedict西班牙辣香腸同埋洋蔥蘑菇配搭得非常好，蛋既火候控制得非常好，荷蘭汁又唔太濃,食落仲有蛋黃既鮮味，果然唔錯。之後就飲左杯Lemonade味道有少少似凍檸水，太酸飲落無咩甜味，最後就一件檸檬蛋糕,食落都唔係話太好,蛋糕雪得凍,食落比較硬，口感唔太好,而且檸檬味唔太強，可能岩岩飲完野既關係,下次有機會既可能會試下佢個檸檬撻,睇落好過蛋糕好多。
 

之前食過一次Cova,都真係幾鍾意食依間野,之前成日經過依頭做野,當然有機會成日食,但依家已經好少黎依邊,今次番番黎當然好開心,今次只係咁岩同朋友黎到又一城依間分店,依到幾特別嫁都,D侍應久唔久就會拎個大籃,裹面就有D好好食既麵包。有D真係特別好食,我自己推介既就係依個牛油酥條，非常之咁好食,食落好香,又夠哂鬆脆，仲有好香濃既牛油味。真係非常好食嫁，我次次都忍唔住食多少少
至於Buffet Table都有好多野揀嫁，不過我唔算太餓，所以只拎左幾款試下就算。煙三文魚、少少螺絲粉咁，煙三文魚食落一般,比較咸左少少，反而菜類就幾新鮮。食落幾爽口嫁,之後就要個穀飼豬扒。豬扒食落比較老可能煎得太熟喇，不過食落個味就真係香濃,重有好重既肉味，但真係無咩肉汁,太乾身,如果煎好D應該仲好食。