HeSheEat (銅鑼灣)

初次聽到HeSheEat就對這個名字留下深刻印象, 不止因為簡單易記, 而是我覺得它指出食有多麼重要, 不論男男女女都需要, 亦表達了一班人聚在一起吃飯的高興!
其實HeSheEat在旺角開業已經好一段日子, 初時只有甜品, 還是吸引不少人光顧, 我也排了一次隊嘗一嘗窩夫慕思的甜品, 記得味道挺不錯, 清新濃郁! 有天跟友人聊天談起HeSheEat開了cafe, 開始供應咸點, 不過經常都排長龍所以她還未試過, 於是我答應跟她去排一次, 就此有了今晚的飯局! 在銅鑼灣地鐵E出口一出就會看到大大個HeSheEat的招牌, 非常養眼亦容易尋找! 乘升降機到2樓右手邊就是了, 幸好今天星期四外出食飯的人比較少, 我們不用排隊就可以入座~店員還給我們安排了一張圓桌, 自成一角, 是閏密聊天的絕佳掩護!  最趣緻的是還有2個身穿levi's牛仔褲的patpat軟墊, 十分可愛! 餐廳基本上是一個長方形的設計, 倚著窗邊都有座位, 明亮的燈光及木色的桌椅予我一種悠然自得的感覺, 有助放鬆心情享受晚餐~~打開餐牌首先映入眼廉的是Special Menu, 店員解釋大約1-2個月就會轉一次, 並推介我們試一試! 另外, 標準餐牌裏還有沙拉, 漢堡, 意粉意大利飯等等... 當然少不了咖啡屋重點-飲品! 最後我們選了2個特選, 1個沙拉跟2杯飲品! 甜品其實都已選好, 不過留待吃完正餐再叫好了   牛油果乳酪沙冰Avocado Yogurt Smoothie
這是我點的, 平時咖啡屋很少有牛油果飲品, 我最常都只是在vietnamese餐廳見過, 牛油果吃起來雖然膩膩的, 卻是健康的脂肪, 所以我毫不猶豫就選了! 入口是淡淡的牛油果香, 味道不濃, 加上乳酪就更加滑溜不過一點酸也沒有, 光是飲這個就已經有一點飽腹感, 像是飲極都飲不完...
綠茶柚子沙冰Green Tea Yuzu Smoothie
友人點的剛好就是我2號選擇! 有點失望的是原來綠茶指的只是雪糕球... 柚子沙冰比較水, 對我來說有點酸, 不過味道清新挺開胃, 雪糕我就沒有試, 不過見它那麼綠, 我想味道應該不錯的! 法國黑青口扁意粉French Mussels Linguine
想不到第一樣來的不是沙律, 而是意粉! 驟眼望去意粉跟青口的比例差不多有1:1, 而且青口都不小隻!  已經餓了一段時間的我立刻把意粉放到自己的碟上, 非常喜歡白汁/忌廉汁的意粉, 這個也不例外! 意粉煮得恰到好處, 軟身之餘仍有點煙韌, 長度也剛好可以繞在叉上數圈, 忌廉汁可以鎖在每一條麵條上而不膩~ 主角青口亦不遜色, 友人贊同十分新鮮, 咬下去仍有海口的原汁原味, 店員解釋是刻意挑選法國的比較沒那麼腥, 2個人食每人還可嚐到5-6隻青口! 加拿大海膽意大利飯Sea Urchin Risotto
食了第一轉意粉後, 海膽意大利飯亦出現了! 可以見到2大條海膽悠然大膽地躺在飯上, 像是急不及待要跳入我口中! 其實我就不如其他朋友般那麼喜歡生食海膽, 但就愛將海膽混合其他食物, 這樣既有海膽的香味又不至於過腥  直到上菜後, 友上才告知原來她不喜好海膽, 所以這個飯大半都落進我的肚子裏! 說回這個飯, 按照傳統煮法, 把飯煮至70%熟, 軟硬適中口感十足, 那稔稔的質感滿足了我的味蕾~ (雖然個人喜歡飯更稔一點, 店員更一度提議要替我換一碟, 但飯我都吃一半怎麼好意思呢 ) 同樣海膽也新鮮非常, 有那種海洋的鮮味及誘人的油香, 拌勻後入口更是令我愛不釋手! 這個Special一點也沒選錯! 軟殼蟹西柚腰果杏脯橙醬沙律Soft Shell Crab, Grapefruit, Cashews Salad with Apricot Citrus Dressing
最後上場就是友人想要的沙律~ 一開始就比它的色彩繽紛鎖住目光, 份量亦比我們想像中的大, 清新的沙律剛好可以洗滌一下我們的味蕾, 為甜品作好準備!  我最喜歡它的杏脯橙醬, 微甜且不酸恰好可以帶起蔬菜的鮮味, 要酸味的可以在新鮮西柚肉中找到, 其酸味可以中和一下先前2碟的油膩, 腰果亦正中下懷, 爽脆的口感更添色彩~ 最後要提一提的是炸得金黃的軟殼蟹, 友人覺得味道還未夠咸, 而我就覺得炸得有點太硬了, 分散了我試蟹的注意力, 後來店員解釋是因為脆漿加了東西才感覺有粒粒, 看來相比下軟殼蟹比較遜色...
 綠茶心太軟Green Tea Fondue Cake
終於到甜品時間, 對女人來說, 無論前面吃得多飽, 總可以為甜品騰出空位! 由我打開餐牌一看到綠茶心太軟就決定要吃它, 旁邊陪伴它的是豆腐雪糕, 雪糕下還有少許花生碎, 可以多一層口感~ 吃心太軟當然要襯熱, 一刀切開裏面的綠茶漿就如泉湧般衝出來, 殺我一個措手不及, 沒想過內裏的浴漿如此多, 證明這個心太軟的火侯控制得非常好! 綠茶味很足, 淡淡的茶澀加上幽香的豆腐雪糕簡直是人間極品! 心太軟蛋糕本身亦是鬆軟, 綿綿煙韌的口感令我停不下來... 是絕對要番尋味的心太軟!  橙酒朱古力梳乎厘Souffle Of The Day
另一方面, 梳乎厘就是友人的至愛之一! 這個星期的梳乎厘就是橙酒朱古力味, 一個橙橙的高塔就此呈現眼前, 旁邊配有朱古力雪糕~ 為免梳乎厘塌下去, 立即找緊時間嚐一口, 鬆化得如天上的白雲, 吃到一半發現內有乾坤, 原來裏面有流流的朱古力醬, 只是梳乎厘橙味略嫌淡了一點, 容易被朱古力搶了風頭... 值得一讚的是雪糕內有朱古力碎粒, 口感與味道都不錯!就這樣, 我倆在HeSheEat度過了一個她她食的晚上, 在欣賞雨景的同時品嚐美食~ 有時候食甚麼不是重點, 重要的是大家一起食! 希望在地球上的他她牠都找到一起食飯的同伴!

Holy Chef (長沙灣)

這個週末很悠閒, 沒有甚麼事要做, 可以好好睡到自然醒... 不過, 運動是不分日子的, 壁球還是要打! 每次做完運動總是特別餓, 閏蜜突然提起這間一早放在wishlist的holychef, 立即打電話去訂枱, 成功訂了1個小時後的位置! holychef跟長沙灣地鐵站有一段距離, 比牧羊少年還要再遠好幾個街頭, 可能因為星期天, 旁邊的舖大多都關門, holychef就係接近街尾的位置, 幾乎看不到... 走前就見到2大個C字, 就知道找對地方了! 可能因為中學校名都有holy, 所以我對holy呢個詞有相當親切的感覺 踏入店內, 沒有我想像中的繁忙, 只是有一枱小孩與母親們及一位少女在嘆飲品...  裝修別具風格, 帶點懷舊又有讀書味, 皆因我見到以前中小學坐的木椅, 白磚牆上亦畫了各式字樣圖案, 非常有趣 隨便選了一張枱坐下, 顧店的一位女生走過來, 聰明地猜到我就是不久前打來訂枱的客人...  坐的位置可以看到bar枱甚至廚房, 打理的是數個年青人, 沒有刻板的制服, 帶給人寫意放鬆的味道... 她再奉上是日的menu, 一筆一劃都是手寫, 感覺份外親切, 未食已經感受到廚師的誠意... 而且黑白分明, 有一種簡單美, 有時不需要色彩斑斕都可以吸引別人的注意力~ 這個時候的menu有7個main以供選擇, 飲品則在另一頁~ 食物是手寫的, 飲品卻是印製的, 看來drink list應該是長期供應...  奇怪的飲品名字引起了我們的好奇心, 女生在點菜時為我們一一解答, bloody smoothie是紅菜頭+雪梨, 而大力是益力多+?? (忘記了) Banana Chocolate Milkshake--經常見到有人稱讚這個飲料, 不過我不喜歡香蕉味的食物, 唯有推介閏蜜點這個 賣相一流, 朱古力醬的綿花糖令人很想食落肚! 而我都飲了一啖, 香蕉味很濃蓋過朱古力, 不過質地幼細軟滑, 如果可以走香蕉或者少香蕉我都會考慮點佢既... 餐湯Tomato Soup--跟主菜附上, 用一個細細的杯盛上, 的的式式非常可愛, 加上熱辣辣真的可以暖暖胃 , 味道亦適中, 不像西餐中濃濃稠稠的蕃茄... Matcha Milkshake--素來酷愛綠茶的我當然要試試matcha飲品! 點的時候我加了句"少甜", 不知道是否真的能做到?!  不過這杯milkshake真的不錯, 綠茶是我喜歡的澀味又不是太甜, oreo餅碎令其多了一點口感~主角出場! Smoked Salmon & Scramble Eggs Croissant--賣相100分呀! 見到的第一眼已經想快點食落肚!!! 一看就知炒蛋炒得香滑, 而且牛角包又香噴噴...  辛苦地分開2半後終於可以食, 味道與想像一樣, 鬆軟的牛角夾著滑溜的炒蛋跟煙韌的三文魚, 天堂般的享受! 薯條雖炸得過火點, 略嫌太上火, 不過乾脆的質感都是令人停不下...這裡的碗碟都趣緻非常, 一個小小的煎pan是我的碗 Mr. Big - Full Eng Breakfast--自問都食過不少all-day breakfast, 這個的賣相中上, 顏色豐富有菜有肉, 仍然是特別欣賞炒得滑的雞蛋, 磨菇下配有多士可以減低咸味, 忌廉薯仔亦增加飽腹感~ 我喜歡這個早餐的味道較清淡, 腸仔薯仔沙律都不錯, 沒有搶去誰的風頭! 縱使我的肚皮在這幾天不爭氣不太舒服, 不過在holychef的這一餐真的很滿足, 令我暫時忘記所有煩惱, 好好享受了一個黃昏

臨走前問了句何時會換menu, 這裡由3對情侶輪流做大廚, 所以是經常都會換! 很喜歡holychef別樹一格的style, 相信我以後應該會多多光顧

荳子 (荃灣)

十一假期同best friend去左行城門水塘, 呼吸新鮮空氣 因為多親戚住荃灣, 所以我都成日黎呢區飲茶食飯~ 茶樓去得最多, 比較少試其他餐廳...一早聽過BEANS既大名, 奈何唔會同一班親戚去食, 只有耐心等待機會先試!  今日終於係喇!!!  行完山, 小巴係荃灣落車, 而且都係6點半度, 時間尚早就決定去睇下多唔多人, 幸好2邊門都只有各一張枱等緊, 食下午茶既人又陸續離開, 都係等左5分鐘就可以入去喇! BEANS既裝修都係行簡約風, 不過就有種綠色健康同清新既感覺, 非常適合食早餐! menu上真係有多款all-day breakfast供人選擇, simple, deluxe, egg benedict...etc  當然還有其他主菜好似pasta, pizza, 相對地無早餐咁吸引! 另外仲有2張menu係甜品同飲品, 未開始食飯睇到甜品已經好想食! 有幾款綠茶架啦, 又有waffle蛋糕 礙於我地真係幾肚餓, 最後叫左一個pasta+一個breakfast~
忌廉汁蟹肉蟹棒意粉, 賣相唔錯, 見到好多蟹棒係面, 不過我就覺得汁唔夠濃好水, 成個意粉帶少少咸味, 清清地唔膩, 整體都ok唔會食到好濟! Deluxe All-day Breakfast, 呢個真係我食過all-day以來最超值既! 一開始見到menu有2個full set all-day breakfast, 心諗deluxe應該幾貴下...  點知都係$88, 唔貴得黎仲有齊炒蛋腸仔茄汁豆煙肉包, 重點係連煙三文魚都有!!! 真係好抵食! 見到旁邊幾枱都有叫
比高包熱辣辣好脆, 夾住三文魚食好正! 唯一麻麻既係炒蛋太老, 已經變左一舊舊, 無左滑蛋... 其他磨菇腸仔都係一般, 味道唔會話好咸~所有主菜都包一杯普通茶或咖啡, 當然都可以加錢叫特色飲品! 我叫左杯rose latte, 因為知道甜品會食綠茶, 所以飲品就唔飲綠茶類喇...  之前係habitu飲過rose latte, 其實都係latte加左花香甜甜地, 唔會好似coffee咁苦, beans既呢杯同habitu既都幾似, 不過不失~閏蜜唔飲咖啡既都無咩選擇, 所以最後揀左杯紅豆抺茶冰沙(呢杯飲品真係等左好耐...), 我覺得綠茶味唔夠濃, 偏淡...  而且飲唔到紅豆, 要到最後差唔多飲晒先可以食到~食完正餐喇, 終於食甜品喇!!!   叫左甜品後, 侍應幫我地換上小型木製餐具~綠茶梳乎厘! 見到有人推介呢個, 又咁岩食緊主菜個時見到其他人食, 梳乎厘有咁大個真係幾吸引, 所以我地都試返個先! 有d期望過高添... 略欠綠茶味, 只有表而既綠茶粉, 而且太甜, 仲有見到碗邊有糖粒, 食食下好似食沙糖咁... 朱古力流心蛋糕, 一開始睇menu見到流心蛋糕以為係咩新產品, 諗諗下突然醒覺應該係心太軟 因為頭先食左綠茶, 所以心太軟就無叫綠茶揀食朱古力~ 黎到個時見到個蛋糕焗爆左少少, 以為都可以唔流lu, 不過切開都仲有朱古力漿流出黎, 唔錯! 呢個心太軟都算係食過以黎比較比較無咁膩既, 唔會話食到好濟, 不過我唔係好中意食太多朱古力, 都係留返比閏蜜食啦~
係beans坐左都差不多2粒鐘, cafe黎講佢無限時可以慢慢傾慢慢食, 而且座位都算寬敞舒服, 真係幾適合三五知己黎閒話家常! 食物又唔錯收費公道, 侍應態度又唔差, 留下左一個美好的回憶~

話說我地order既係朱古力流心蛋糕, 點知黎左個綠茶流心蛋糕, 跟住同waiter講黎錯左喎, 叫佢check下單我地order既係咩, 跟住佢check完就話幫我地換, 以為係廚房整錯啦~ 點知埋單發現係寫住綠茶喎, 即係一開始都係落錯既, 可能因為同時叫左個綠茶梳乎厘而搞錯, 不論咩原因都好, 個waiter即刻肯幫我換已經係唔錯的服務態度! 抵讚!

The Socialhouse (大坑)

又到左1月生日之星既聚會, 不過因為大家都太忙了, 一直延到3月才食到… 真的有點誇張 今次我們選The Social House作為慶祝地點, 就是貪佢的氣氛~餐廳不算很大, 整整齊齊, 燈光柔和, 就是姊妹淘聊天的好地方 晚餐有提供3 course menu, 亦有單點的選擇, 我們4個貪食鬼當然寧可要隨便點的餐牌, 可以試更多不同的~未上菜先上了餐廳自製的麵包—香草蕃茄麵包, 非常香軟, 光吃已經夠味, 新鮮的蕃茄酸味令我愈食愈餓… 千層茄子  Eggplant Lasagna

千層麵食得多, 茄子就真的第1次, 所以看到既時候我就想試試了…  茄子沒有意粉容易切, 所以千層還是變成單層比較好分… 茄子沒有我想像中的腍身, 硬了一點, 味道偏淡…炭燒北海道帶子 Grilled Hokkaido Scallops

一看就知道是酸酸的一道, 厚厚的蕃茄碎下就是2粒偌大的帶子, 還刻意燒出一格格的坑紋… 喜歡香草及蕃茄做成的醬汁, 微酸的香氣不但刺激胃口, 亦減輕燒物的熱氣; 帶子還帶一點生, 所以有點煙韌, 是我較喜歡的質地~西班牙式燒乳豬 Roasted Spanish Castillian Sucking Pig

這道乳豬是Social House既皇牌, 我們一坐下店員就推介我們要試, 而且是即叫即燒, 所以都等了一回兒, 不過是值得等既! 豬皮燒得非常香脆, 一切就斷, 加上仍然軟滑煙韌的豬肉, 不肥不瘦, 令我忍不住多吃2口, 醬汁弄得挺配, 不如一般燒汁味道那麼濃, 淡淡甜味就可以令豬肉更香脆可口喇~虎蝦天使麵 Tiger Prawns Angel Hair Pasta

這個我在餐牌上最想食的, 不過就比我想像的油了點, 意粉還可以夠挺身, 而且有點辣, 如果芝士可以更溶入意粉應該會更好~

最後當然要替壽星女切一切生日蛋糕這個聚會才完滿~ 說不定下次可以帶特別朋友來試一試 

鮨心 (旺角)

一個周六既中午，約了閨蜜聚一聚，當她說想吃健康一點的時候，第一樣想到的是日本菜！ 要查查我們家附近的餐廳，最後就黎到鮨心地鐵站一出已經見到餐廳所在既大廈，搭電梯到1字就是了，大大的心字確定了我沒有找錯地方！我們約的時間較早，餐廳還未開始忙，不過我們走的時候已經坐滿了...除左普通座位外，見到吧枱就知道係食omakase既地方不過我們還之後打算去血拼一番，就不要花太多時間在午餐上午餐有提供定食至2點半，生熟都有，難得一聚，我們都挑了sashimi豪一豪未正式見到sashimi bowl，就上了一式四款前菜，秘製沙律、蘿蔔牛舌、蒸蛋及麵豉，令早餐都還未食既我開始流口水這個沙律顏色鮮豔奪目，未食都令人興奮，放入口有股特別的酸甜，跟平時的醬汁有所不同，特別開胃，只是食到最尾汁都在底有點過酸～平時一向喜歡食牛舌，喜歡那煙煙韌韌的口感，這顆牛舌炆得非常軟身，不需多花力氣就能咀嚼，味道不濃，蘿蔔亦是十分軟焾焾淨下的還有帶咸的麵豉湯，跟材料豐富的蒸蛋，蒸蛋表面有一層透明的醬汁，感覺怪怪的有點漿，但雞蛋尚算滑溜～終於到主角出場，原來三寶是指吞拿魚、魚子、海膽  雖然我不是特別喜歡三文魚子，不過看到色彩繽紛的午餐還是很有胃口~ 吞拿魚碎非常肥美滑溜，配合蔥更加清香，海膽亦鮮甜，有種淡淡的海水味，份量多得被友人搶去了一些，魚子晶瑩剔透得反光，當然也十分juicy，只是那腥腥的味道始終不是我最愛...... 
邊聊天邊食飯時間過得特別快，而且我亦不知不覺把整碗飯都放進肚中，還好日本菜不油不膩，吃罷一碗都不會太濟，下次有機會還想再試試omakase，看廚師的功夫