arwupolly 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2022-07-31 火五越式牛肉粉專門店 (太子)
見網上評價唔錯,就特登去試下! 一入去態度就唔太好,唔知天氣熱定唔休做,姐姐好燥下! 叫左法式咖哩牛腩撈檬,d牛腩un到呢,我連咬都費事,剩係撈汁算!救命 另外,胡椒豬肚湯底牛肉河,邊劃有胡椒豬肚味,同普通生牛肉湯河個湯一樣咁,不過叫做擺得落口醫肚 個香茅雞翼似係翻煮又翻煮之作,乾過我荷包! 佢唯一有樣好係,份量真係大既,碗碗都1.5人份量飲品就正正常常啦!但唔知點解越南咖啡無熱飲,一定要叫凍! 總之唔會再食第二次,浪費quota
評分: 味道 1 環境 3 服務 1 衛生 2 抵食 3
2019-05-11
見食評不錯,諗住帶媽咪去試下!一坐低未睇menu已經問你食咩🙄!間餐廳食物認真唔平,如果叫個牛肉飯要成$98,食個三文治都$3x-4x,太誇張!我見佢地最signature 係個蛋包飯同西多士,所以就叫左呢兩樣。再另外俾原價叫多杯少甜檸茶。上菜好快,個蛋包飯黎先,平時d茶餐廳禮貌好d既都會問你係咪share,俾兩隻碗你!呢間...見到你地一匙匙咁食,無野墊住都唔問下你要唔要! 個飯除左凍、蛋無味、飯無味,其實都唔係咩大問題既😏,個西多士ok厚,但無平時食開有花生醬係入面,勁慳皮! 杯少甜檸茶多冰到一個點都仲係好甜,點攪? 最後,有個人叫班大媽侍應”阿姐”埋單,佢地竟然話:有無攪錯,叫我阿姐,小姐都唔叫?我xx! 我對上寫食評已經係2014年,今次為您而再執筆擇寫食評
評分: 味道 1 環境 1 服務 1 衛生 1 抵食 1
2014-09-28
見OPENRICE評價唔錯...就決定同班朋友黎試試...我以為佢每張都係圓檯..原來係卡位....位唔算多.... 我地叫左喇沙鍋(特別..唔係度度有得食)同皮蛋芫茜湯底....等個湯底黎之前叫左個魚皮同炸蝦雲吞食....嘩...我未見過D魚皮咁長咁上碟架...完全無碎...每條都超原整的...堅要讚...10級讚... 個炸蝦雲吞每位細細的...一口雲吞咁...但超好食..因為完全FEEL唔到油既感覺..入面D蝦又爽...攪唔掂..前菜已勁正....非常期待個火鍋啊... 果然...個喇湯湯底微辣...但好夠味....就連隔離個超級普通皮蛋芫茜湯底都好夠味...唔會好水..唔似出面..係就係見到D料..但完全無味.正... 我地叫左美國桶蠔.....頂級牛....呢兩者係無敵既..必食...個蠔上時已超大隻...煲到佢熟都仲係好大隻...無沙..勁鮮甜..就連個邊我平時唔食..因為好難咬..佢都超嫩滑囉....個牛雪花分佈平均...入口當然唔會即溶..但勁有牛味...必叫.. D餃我地叫左'九菜餃'....好大隻...無肥肉..好好食.. 個象拔蚌同珊瑚蚌好新鮮....爽口清甜....但好貴呢..好彩朋友請...其餘個D丸裡都好好食.....最唔好食係個鯪魚丸...D質感好怪...同埋我平時唔多LIKE食魚片..因為好多骨...所以只食左一塊...但覺得唔錯... 最後要讚呢度D SERVICE..個個都超好...又識介紹食物...又快..一定會返DOU....
評分: 味道 5 環境 5 服務 5 衛生 5 抵食 3
2014-09-28
想試MUJI CAFE好耐架喇..今日終於有機會....坐位都算多亦闊落....呢度係出COUNTER點完餐...再俾錢..自助形式的...我叫的SET有分三餸$88或四餸$98..抵食就真係稱唔上。佢冷盤同熱葷都算OK多....我叫四餸就會是兩個冷兩個熱...冷盤 - 和風雜菌汁厚燒玉子及薯仔沙律...熱葷 - 黑醋醬豚肉及酸甜醬炸雞....飯可選白飯或糙米...當然選後者...難得有健康飯食... 和風雜菌汁厚燒玉子,玉子很厚...雜菌好多....啖啖都食到雜菌....個味道剛剛好...唔太咸....餸飯一流... 薯仔沙律比我想像中好食好多...好FRESH既味道...因為佢入面加左(唔記得叫咩名)既蔬菜... 黑醋醬豚肉 - 酸酸甜甜....肉質好腍....勁醒胃... 酸甜醬炸雞 - 個汁好食...但我覺得個雞無咩特別...少少鞋亦唔覺炸過.... 我食清光...哈哈... 整體黎講係可以再試....勁想試佢D甜品...賣相好吸引....
評分: 味道 4 環境 4 服務 4 衛生 4 抵食 2
2014-09-28
這裡的餐不算特別平...一個麵加一個小食加一杯野飲最低都要$58....我地揀既五香牛筋腩同鮑汁鳳爪麵都要$68.....不過味道的確不錯....係細碗左少少... 先講五香牛筋腩麵.....份量都算多...肉好入味...兩者都好腍...唯一不好就係D麵煮得唔夠時間...少少硬... 鮑汁鳳爪麵好好食....D鳳汁入哂味...同埋勁腍...D骨勁易拆...個湯好濃....正.. 不過最值得讚係個南乳雞翼...每隻都好大隻...炸漿剛剛好....唔厚粉....炸到外脆內嫩..又夠味.....超好食... 埋單發現原來唔洗加一....
評分: 味道 4 環境 4 服務 3 衛生 4 抵食 3
|