唔想食咁多澱粉質， 呢間近近地，係故宮文化博物館附近，行5分鐘左右就到 時間去到岩岩好，有lunch set 小salad 配Crepes ，大概$120左右 可以加錢額外配飲品、甜品 Lunch set Salad ，驚喜之處係有Parma Ham Crepes 味道好味，鮮菇配搭鹹鹹地餅底，可惜份量太少 Cobb Salad (set lunch +$30) Set lunch 同單點一樣size ，用料新鮮，有芝士粒同煙肉片，再配果醋，而唔係沙律醬，感覺更加fresh ，份量可以 Toast & fries （單點） 因為食完唔夠飽，所以額外叫多份單點，Toast有濃厚芝士，而且都係即叫即做，所以真係熱拿拿，仲可以拉絲，薯條就普通貨，如果係粗薯條或者薯格可以加分 整體環境舒適，但唔知係唔係因為半戶外的關係，一直都有好多烏蠅，好彩staff 都有禮貌

出到港島區，想食啲特別食物 Baked 是其中一間選擇 有別於平時食的burger、sandwiches 這間主打sourdough bread Big boss ：牛肉同sourdough bread 的配合一致，上面亦有酸酸甜甜菇和洋蔥，中間夾住芝士，感覺好夾，仲有少少菜可以中和油膩感 Oh my god ：多種菇類同sourdough 混合，再配上精華特濃蘑菇汁，感覺好juice 。蘑菇汁有別於其他餐廳，用料十足，絕對係加分之處 份量對於一個午餐黎講足夠，環境亦寬敞，有機會都想再黎食多次👍

星期五晚上約好一班同事到這家打邊爐，見到佢好多花款玩，連埋前菜、小食、三款主菜、甜品等等，一共有12道菜。主菜分為刺生、雞煲、打邊爐，其實呢三款咁食已經都飽左三分二 今次共有12人，安排大近窗邊既大圓枱 飲品有竹蓆茅根，每杯都有啲材料係入面 鮑魚汁雞腳係咁多款前菜最好味 刺生，包括每人一隻大大的牡丹蝦 雞煲味道比較淡，如喜歡辣或濃味要起碼叫中辣以上 打邊爐湯底我們加錢試了兩款，分別係酸菜魚，麻辣，結果竟然係酸菜魚好味過麻辣好多，因為這家的麻辣剛上菜時一點也不辣 配上一盤海鮮，整體都尚算新鮮，可惜蜆有好多沙 靚牛肉，這是12人份量，所以每人食到幾塊咁，之後加牛肉就係變到好普通既牛肉 甜品凍凍地中和番剛才食到熱拿拿的感覺 味道甜甜地，個人幾喜歡 整體來說，每人$350左右，就住食材環境而言，個人認為有點貴，因為本身刺生款式的價錢已經是便宜款，海鮮亦未到好新鮮，而且有沙，另外雞煲本身亦成本也比低的一款，所以去到最期待的打邊爐卻食物選擇十分少，而且靚牛肉只能食到好少，我諗用$350出去食靚牛肉打邊爐就可以食到好多了

想在將軍澳慶祝特別活動或節日，仲要食日本餐廳來說，呢間漁釧可以是選擇之一 環境佈置充滿日本風，半開放式廚房，背景音樂也選用了日文歌，所以氣氛很好👍🏻 另外，場地目測大概只有5-6張六人枱，2-4人枱就有好多，卡位都只係2-4人用，不是卡位的枱感覺會比較擠迫，重點是這間餐廳可惜的是沒有預約服務，即是只有先到先得！由於當日是慶祝活動，所以6:30就入座。餐廳大概7點開始多人，如果要簡靚座位或者比較多人的就要早一點來到 日本餐廳當然要點一枝清酒大家慶祝一下，侍應將整枝700ml清酒倒入這座酒瓶，酒瓶設計精美，而且可保持清酒冷凍狀態 刺身壽司用料尚算新鮮，以食材質素來說價值尚算合理，印象中每碟$250-300左右 日本城便當$2xx，便當造型有趣，一共有三層，每層都有時令刺身同壽司飯 整體感覺，環境舒適，但要提早去攞位或者平日無人果啲時間去，價錢中上，份量適中6個人食左$2600連埋一枝清酒，住係將軍澳想近近地慶祝活動或者有時想獎勵一下自己都可以選擇這家

平日經過這家都必會排隊，繁忙時段基本上都要等10個，今次選擇左3-5點下午茶時間去，完全唔洗排隊等之餘，仲可以簡位坐 手撕豬肉漢堡包，份量大，味道好，可惜豬肉肉質比較粗糙，建議食牛肉果款應該會好啲 $138，all day breakfast，份量足夠，味道都好味， 加$25有羽衣甘藍沙拉，因爲不是每間餐廳都有呢種菜，所以抵食 整體來說，如果唔想排隊又想食beans就建議食下午茶，因為佢地個餐單係一樣，而且感覺可以好好咁享受當日的食物和環境

有時為了配合朋友相聚地點，難免油尖旺區，位於太子呢間餐廳容易去之餘，而且又岩曬要遷就不同地區的朋友過來一齊食飯 環境舒適，裝修時尚，感覺都幾好 聽說這家餐廳廚師為五星級酒店前主廚，所以對食物都有信心，而且餐廳食物選擇並不多，都好既，貴精不貴多，寧願專心做好幾款食物 三款主食都好味，外貌亦相當吸引 可以免費要求在甜品碟上寫字 整體來說，餐廳新開，所以人流未算多，亦是在旺區聚會的一個不錯的選擇，價錢亦合理，三款主食一個甜品合共$620左右

放假繼續食好啲！ 餐廳開早上11點，我與家人準時11點入座，當時已經有10張枱既客人，真的受歡迎侍應安排沙發座位，加上昏暗的環境，感覺非常舒適寫意。另外，餐廳設有開放式廚房，各種擺設都比較歐陸風，比起假日要到酒樓飲茶，簡單兩種風氣和感受有時諗一諗，轉個新場景，相信都能為家人帶來一點新鮮感 所有套餐都設有湯/沙拉，一杯飲品，意外地發現呢間竟然可以選擇白/紅酒，而且不用加錢 湯的味道濃郁，而且食到中途會見到有芝士粒，感覺餐廳絕不慳皮 車打芝士煙肉牛肉漢堡，貌相吸引，味道好吃，旁邊仲有醃製洋蔥，正呀！ 炸春雞半隻，肉質鮮嫩，味道很好 整體來說，$138再+1就$150一個人，可以食到美食之餘，又可以食到舒適環境，非常滿足的一餐

之前經過餐廳見到佢張層層pancakes 真係好吸引，而且將軍澳唔多呢類食物，於是下次就約埋朋友仔一齊去食 約左朋友係下午茶時間黎，諗住唔會太多人。一入餐廳，侍應帶左去卡位座，比左2杯，一飲杯水就出曬事，有怪味！！！！！！！我唔知咩味啦，終知就嚇到我唔敢再飲，而且心入面對間餐廳非常扣分 本身滿心期待去食佢個層層pancake ，點知佢話今日無，得啲好普通既甜品，咁我就選擇放棄，轉食下午茶餐。 簡左10號同7號餐 10號餐，簡簡單單牛角包配薯條，溫度只是屬於暖，不是熱，而且$68，仲要加1，感覺不值 7號餐，睇字係扒芝士火腿三文治，點知黎到，嚇到我飛起，竟然比個方包打斜切開一半，放左火腿同埋一片芝士就當係？因為嚇到即時叫職員，所以忘記影相 於是同職員要求更換，佢地經理其實有禮咁解釋呢幅圖食物已經停出售。但你地又對呢個解釋滿意嗎？我自己就對成間餐廳更加失望，而且亦唔想更換另一款食物，只想拿拿聲食完10號餐就走 一間好的餐廳，除了職員有禮外，最基本就係廚房，連自己貼曬海報賣曬廣告既層層pancake都無，就連最簡單既下午茶餐都做到咁既款，想問點留得住啲客呢？

原本係旺角搵野食，想要個靚靚地環境食晏就，點知無乜岩心水，見到呢間係評論幾好，而且都近旺角，所以就過黎呢間試一試 結果，超乎我預計之外，因為我之前都去過一個類似咁樣既餐廳，半自助式，可惜之前係觀塘食果間啲選擇太少，令我有點失望。過到黎呢間，反而自助食物款式多，沙拉款都有大約5-7款配料選擇，小食和小食都有4-5款左右，所以真係算多了。 味道好，而且選擇多，呢啲都係自助餐形式攞，而且我見到有廚師定時添加食物，即使當時已經係3點，職只亦會自動幫你加水，表現有禮，環境亦做到與旁邊枱相隔適當距離，令客人感到舒適 最後，我簡左焗雞扒，味道非常好，雞扒平身味道偏淡，配合埋芝士Parma Ham簡直係絕配，依家諗番起都想再叫朋友一齊食呀！ 整體來說，我$200包飲品買單，美食再配合環境舒適，職員有善，已經吸引我再回頭的機會

當日到石硤尾工作，因為食飯時間短，只有僅僅一個鐘時間，所以就見到呢間冰室價錢親民，而且就係馬路對面，最後我地決定入呢間懷舊冰室食晏。 地方細細，目測大約10張枱，幸好今次有卡位坐，逼逼地都坐到4個人。衛生方面都可接受，因為好多時啲冰室未必做到，但我地今次去到就有姐姐幫我地清潔枱面先，所以呢間既衛生情況尚可以接受。 常餐$32，落單後，5分鐘左右即刻有得食，味道簡單，份量適中 整體而言，要求快食既朋友，呢間冰室滿足到你地，食完仲有時間可以睇電話或者同同事吹水