Spoil Cafe (灣仔)

當日為另一件的生日，由於他想一試Spoil Café的紅咖哩意粉，所以便選擇了它作生日晚餐的去處。Spoil Café的座位不多，目測只有16個座位左右，個人認為適合情侶慶祝，因為餐廳內座位不多，用餐人士自然比較少，相對其他餐廳會比較幽靜。


當日點的菜式：

1)     Caesar Salad with Roasted Chicken Breast
2)     Spoil King Prawn Linguine with Thai Red Curry Sauce
3)     Baked Pork Chop with Cherry Tomato Balsamic Sauce
4)     Crunch Cake x2 (要於Book位時Order)
5)     送的一杯Rose


面包

點餐後便會送上，面包最重要是夠熱，而這一間的面包又熱又軟熟，配上醋及橄欖油蘸著吃，熱面包就是好吃。
Caesar Salad with Roasted Chicken Breast

因為另一伴喜愛吃烤雞，所以點了這個價錢比較貴一點的Caesar Salad。Caesar Salad方面，醬料非常均勻地在每一塊菜上面，芝士味道濃郁，所用的菜亦非常新鮮。

烤雞則非常入味，雞皮散發出來的油香味十足，另一伴亦非常喜愛。
Spoil King Prawn Linguine with Thai Red Curry Sauce


有點像冬陰公意粉的味道，紅咖哩味道很香，配上剛煎好的大蝦蝦頭的膏香，令人食指大動。意粉是採用比較闊身少少的意粉，軟硬適中，紅咖哩配上意粉吃落順口，些微的辣度亦為味蕾帶來一點小刺激。

大蝦煎得非常香，彈牙而已夠味。



吃完Spoil King Prawn Linguine後，覺得只有四分飽，一直在想是否還需多點些菜。
Baked Pork Chop with Cherry Tomato Balsamic Sauce


Baked Pork Chop需時較長，上菜時因為我只有四分飽，一看Pork Chop的份量看似不多，雖然有配上幾舊薯仔，但總覺得可能會不夠飽。但吃完後我發現我完全錯了，這道菜非常飽肚，令我感到有點滯。


Pork Chop肉質很嫩，很容易更可以將它一分為二，而且有很多肉汁，感覺上油脂分佈得頗好，雖有Cherry Tomato Balsamic Sauce去減輕油膩感，但Pork Chop的油膩感太強，依然會令人感到有點滯。
Crunch Cake

Crunch Cake是Spoil Café的招牌，蛋糕有很多Cream，上面的是整碎了的焦糖脆脆。與美心西餅的天使蛋糕不同，Spoil Café的蛋糕比較紮實，Cream較為香而不甜，上面的焦糖脆脆亦做得很好，不會像美心的那麼硬及痴牙，我十分滿意以他們的Crunch
Cake作為這頓晚餐的句號。


最後，因本人點餐不太會事先計算下埋單要付多少錢，所以我在埋單時有嚇一嚇，因為只是七百多元，我本來以為吃了一千元左右，所以認為Spoil Cafe十分抵食，值得推薦。

Sun Palace (銅鑼灣)

呢間餐廳係我另一伴為我生日慶祝所揀既地方, 餐廳既位置比較特別, 係係一座大廈內的6樓, 因為已bk位, 我地唔洗等位就可以入去。但入到去發現全場原來只有我地兩個人, 好似包左場咁, 令人不禁懷疑唔通D野唔係咁好食所以先無人?!  坐低後, 四周既環境都令人感到好舒適, 昏暗的環境配上枱面上既小燭光, 浪漫情調十分夠, 而且餐廳內既待應都好NICE, 服務好周到, 令人感到好舒服, 而且呢間餐廳無個種高級餐廳的壓迫感, 因為本人好怕呢d壓迫感 而食物方面, 當日既Set dinner有三種選擇, 我就揀左一個豚肉配蘋果醬既餐, 而我既另一伴就叫左個唔係Set dinner入面既大蝦配帶子。大約等左10分鐘左右第一樣食物就到啦。因為本人第一次食生蠔, 所以唔識得去評價, 入面有兩種唔同品種既生蠔, 一隻較大一隻較細, 細既海水味比較重, 唔岩我呢d初嘗者食, 但我既另一伴覺得係好食既。食完個生蠔之後呢, 就黎湯啦。呢個係龍蝦濃湯, 入面好足料, 有好多既龍蝦肉, 而且亦唔係我地係出面見開既用隻碟黎扮到食物份量大一大既風格, 入面既湯真係幾多, 龍蝦亦夠彈牙, 非常有誠意。但係個湯飲得耐時, 我就覺佢好似越黎越濃味, 連我呢d重口味及食味精大既人都覺佢濃味過頭, 但人地叫龍蝦濃湯嘛 (另一伴聽到我既評價時既回應) , 咁又真係名副其實既。而佢個個湯同我既龍蝦濃湯就好唔同, 無論係味道定係出場既方式都好不一樣, 呢個湯一上場既時候, 只係一排海鮮放係隻碟上面, 我一望到既時候, 仲以為d湯係小到見底, 但原來佢係送到黎先倒d湯水落去嫁而味道方面呢, 對比起龍蝦濃湯較為淡d, 亦有好濃既海鮮味, 岩曬我呢d鍾意食海鮮既人, 而且入面既帶子好鮮甜, 好彈口QQ咁, 好好食。但由於個湯唔係我既, 我都係靠另一伴分比我淺嘗下。飲完湯之後, 就上我Set dinner既前菜-鵝肝. 佢既鵝肝燒得恰到好處, 而且配上佢帶有清甜既醬, 令到鵝肝既油膩感無咁大, 食完鵝肝後, 再食埋伴碟既生果就完全係岩岩好, 佢伴碟既生果我認為都好出色, 因為真係甜酸好適中, 同我平時食既橙無得比啊!終於食到主菜啦, 一見到都流曬口水啊, 賣相好好, 而且香味四溢, 叫我呢d海鮮迷點可以淨係對住佢window shopping only啊, 我另一伴比左一隻比我食, 哇! 隻蝦真係好入味嫁, 而且又彈口, 此外佢地既蝦係開左邊, 而且好易就離殼, 女士食都唔會覺得尷尬啦, 仲可以好有儀態 帶子方面同湯既帶子一樣都好彈牙, 而且同蝦一樣都好入味, 唔會太咸, 係非常好食既主菜黎。而我既主菜呢, 我就認為佢既賣相唔係太好, 因為我一見到佢既時候, 我以為佢上面係朱古力榛子醬黎, 以為係法國菜式是特別crossover, 但原來佢係配菜黎, 立刻令我安心好多。但係我依然都係覺得佢個樣好奇怪, 但食左第一舊後, 完全同我想像中既佢係南轅北轍, 我本身以為佢叫豚肉, 咪姐係好似我地平時係日本餐廳扮係豚肉既豬扒一樣都係"諧十十", 點知一入口先知佢非常嫩滑, 配搭埋自選既Mustard, 一整個好match, 食左幾舊後, 先發現蘋果醬既身影, 於是就試下豚肉加蘋果醬一齊放入口啦, 跟住先明白佢地兩個點解要一齊, 因為豚肉個種飽肚感完全比鮮蘋果醬個種酸酸甜甜既味道中和左。但唯一美中不足既係,  鮮蘋果醬唔夠多。

到到最後以為上埋個opera cake同野飲就完, 點知我另一伴有準備佢親手整既蛋糕比我, 待應拎過黎既時候我仲以為opera cake點解會係咁既樣 d待應都有好nice咁同我講生日快樂, 所以佢地既服務態度真係好好, 到到我地走既時候, 佢都有再一次祝我生日快樂, 令人有好warm既感覺, 所以呢一餐真係好滿意