本身極少寫食評，但係今次情況特殊，要寫出黎。

今次只點左生盤 (因為限時唔夠容許我再叫其他), 質素不過不失, 以份量計, 價錢略貴, 4 個人叫左牛拼盤, 豬拼盤同海鮮拼盤, 埋單已經1,200. 呢個價錢去第二度食可以好好多。。。計埋整體服務, 負分! 

首先上次朋友打電話book枱職員態度已經唔好，今次俾多次機會佢地，點知仲後悔。。。

今次朋友到reception話已經有人到左，reception職員態度唔好唔止，死都要問係訂位定walk-in 堅持唔俾朋友入黎。。。我唔明已經有人到左，知黎有咩分別？！

而且餐廳樓面非常迫, 我地張枱位置極差，係正中間又近廚房門口，待應一時拎住野食，一時熱鐵板，手忙腳亂，我成餐飯係咁食食下俾待應撞背脊, 次次撞完講對唔住都冇用架, 點食野姐!?!! (另pls read 題外話/補充資料) 有人話係一對一服務, 其實我話係趕住要你交枱, 所以"專人" 起勢幫你燒起晒佢, 根本食唔切, 咁樣我去食鉄板燒得啦!

仲之成餐飯就食得唔開心又趕又掃興，最後搞成咁食乜都冇味，以後唔會再幫襯，太危險又唔小心！！