yanina 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2017-10-08
今日同父母來行街,食午飯,一入到來覺得環境幾好,好似幾高級,而點心價錢比平時貴少少,中點2x起, 叫左3個點心,金錢肚,好重牛雜既臭味,鳳爪既皮太淋,無咩口感,好似煮得太耐。牛肉腸普通到,一d香味都無,好似食緊淨腸粉。 仲叫左碟瑤柱龍躉丁鍋飯,呢個飯就唔錯,155蚊細細碟,但幾有香味,有少少龍躉肉, 飲鐵觀音茶有茶味。 點心價錢貴但味道係水準以下,不過坐低環境都幾舒服,唔會太嘈,牆上仲有一幅好大既畫,幾特別。
評分: 味道 2 環境 4 服務 3 衛生 4 抵食 1
2017-09-27
早幾年間唔中都會同家人來食晚飯。但由於味道轉差,所以好耐無來,琴晚又再同家人去食晚飯。 3個人叫左3個餸,第一,西蘭花魷魚,一點鑊氣都無,無味,好似白灼禁。第二新鮮菠蘿果醋果肉,仲以為係生炒豬排or 生炒骨之類啦,點知係一粒丸入面包左薯仔,勁難食。第三鹵水鵝片,又貴,得幾塊鵝片,鵝片唔太新鮮,好似放左好耐。 服務態度差,一坐低就問落左單未,睇都未睇張餐單,我地一路睇有咩小菜,佢就一路整去第二頁,話呢頁好食,又叫我地睇甜品,我地淨係想睇小菜,好煩。食到一半,拿住碟蝦仔,由話48蚊問我地食唔食,我爸話碟野賣相好差,成碟食剩既野禁。 呢個價錢食呢d野,去食茶餐廳好過,上次都已經話唔再來,但隔左段時間唔記得左,所以我要記住呢間野無下次
評分: 味道 1 環境 1 服務 1 衛生 2 抵食 1
2014-04-03
朋友生日約去食韓燒,第一次食呢間,位置都算方便,好近地鐵站。 因為有訂位,所以係門口等左陣就入得。 一入到去第一時間,拿左最愛吃既三文魚,味道唔錯,不過食食下見到三文魚上面有D黑色點,好似唔係太乾淨…..另外,壽司都係得兩款,三文魚壽司同加洲卷。熟食都有幾多款,不過賣相一舨。所以我無食到。仲有碗仔翅,人參湯同紅蘿蔔湯。我朋友好欣賞個碗仔翅同紅蘿蔔湯,飲左幾碗!! 生肉既種類好似無其他韓燒禁多,我覺得牛肉,雞翼同龍脷魚最好食,醃得幾好,魷魚就麻麻地,有D硬。茄子同玉米燒左好耐都唔熟。 飲品都係得兩款,豆漿同酸梅湯,味道有點淡。 至於甜品有JELLY糖,豆腐花,涼粉,雪糕(朱古力同雲呢拿) 呢間野不過不失,不過下次未必再來,會試下其他野!! 每人HKD185
評分: 味道 3 環境 2 服務 3 衛生 2 抵食 3
2014-04-02
昨晚下雨,近近地約了朋友在大圍吃晚飯,本來想去試試屋子的,可是在門口看到裡面太多人了,所以便轉到這間新開的CAFE,來到門口看到MENU 上的價錢不算貴,而且裡面的環境OK,便進去了。可能是外面下雨的關係,裡面沒有太多的客人。這裡的樓底高,感覺很空曠,地方很大,可是桌子比較少,點了三樣食物,便沒有位放了,另外,餐廳裡播放著音樂還不錯。 我們點了”砵酒什菌鵝肝尖通粉” “辣蓄茄肉丸扁意粉” 和”香草蒜香炒雜菌” ”砵酒什菌鵝肝尖通粉”沒有嚐到砵酒的味道,可是鵝肝和通粉煮得很香 “辣蓄茄肉丸扁意粉” 蓄茄味夠濃,有三粒肉丸,但肉丸的味道較淡,吃到最後有點辣。 ”香草蒜香炒雜菌” 跟”砵酒什菌鵝肝尖通粉” 的味道有點像,味道很香,還不錯的 以這個價錢來說,這裡的食物算很不錯了 而且難得在大圍找到這種環境舒服的CAFÉ,適合跟朋友來吃飯聊天。
評分: 味道 4 環境 5 服務 3 衛生 4 抵食 5
|