係大角咀番工 知道開左間新韓國餐廳 收工特登同同事黎試下 我黎當日門口擺左好多花牌 所以就無特別影門面相 我7點左右去到，都要排一陣隊先食到 我地4個人，叫左5樣小食 紫菜包飯 韓國餐必食既紫菜包飯，味道正常 沒有太大特別驚喜 海鮮煎餅 本身想叫泡菜煎餅，但當日售罄 不過海鮮煎餅都十分足料，配埋醬油，會想繼續食 炸雞半份 外皮炸得十分酥脆，裡面雞肉嫩滑 半份都有成七八舊，share 食岩岩好 熔岩芝士年糕辣雞鍋 超邪惡嘅芝士年糕雞，超多芝士，可以拉絲但個人覺得辣味唔夠，如果可以再辣D會更加好 黑糖黃豆粉麻薯冰 呢個完全唔似韓國既冰 而且食到一半無左面個d料已經開始無味 得番D冰，同埋D冰唔夠碎，要咬 因為慶祝生日，所以都帶左個蛋糕去 佢一早都有講定會收$50切餅費 我以為佢都係就咁拎個蛋糕出黎比我 無諗過佢會幫我放係碟 重寫埋Happy Birthday 呢個好有驚喜

平民既價錢,有高級西餐廳既fine dining set dinner $298 一個人 有齊前菜，湯，主菜同甜品 已經係性價比高的餐廳 我諗出面要搵到好食又唔貴，環境又舒服既西餐廳都已經唔多 所以今次黎試試,順便同朋友慶祝生日 前菜叫左牛骨髓多士 好少會見到前菜有牛骨髓,所以同朋友都決定試試佢牛骨髓既油脂配多士一齊食好開胃一路食D油一路滲出黎 龍蝦湯 好濃郁既龍蝦味,不過無龍蝦肉 但呢個價錢，我覺得無龍蝦肉，都整到咁香濃既龍蝦湯我接受 主菜係牛扒配海鹽同牛柳配燒肉汁 牛扒配左3款海鹽 配唔同海鹽口感都唔一樣 牛好嫩唔韌，易入口 牛柳我以為會係一大舊，點知黎到係一細舊包住d蠔，口感好特別，好creamy 甜品係檸檬芝士蛋糕 呢個反而係最普通，檸檬味好出，中和番芝士蛋糕既漏 總結同朋友慶祝可以值得一試，又可以幫你寫埋happy birthday，D字重要色彩繽紛，夠特別。

cafe就係洗衣街 旺角站/旺角東站/太子站過去都很方便 地方不大，但舒服，而且無限時 餐廳只接受walk in，無得訂位喔！ 我當天是平日6點多到的 當天人唔多，唔洗等位 食物叫左松露油忌廉大啡菇貓耳朵 有濃濃的松露忌廉味 蒜蓉忌廉芝士包 呢個包必點，剛上既時候重係熱熱的 裡面係滿滿既忌廉芝士 佢重有另一款是香葱蒜蓉忌廉芝士包 我見比較多人會點 最後係焦糖香蕉貝殼窩夫 貝殼窩夫是這家特色 窩夫很足料，吃一個已經飽了

聽人講上山頂一定要試 終於有機會比我試到 由於我同我同我男朋友食量少 所以Lunch只係叫左2樣野食 西冷牛扒配牛油蝦串 個牛扒雖然無汁 但佢本身已經醃到好入味 D肉keep到好嫩唔韌 阿甘美國拼盤 呢個就普普通通無咩特別 普通炸物拼盤 但就每樣炸物都配左一個醬比你 難得上到山頂我覺得可以一試既餐廳 環境可以望到成個維港景都贏左

今日跟朋友行街行累了,但又有少少肚餓,又未到晚飯時間
我地就睇下附近有咩地方可以坐底休息下傾下計食少少野E下肚先
咁岩就經過呢間"sugar land"
我地就被呢間餐廳吸引左
當時是下午5點多左右,所以人不多
入到去之後都覺得環境唔錯
佢有一個大黑板,上面寫滿所有甜品
最後,我地簡左Mr. Black(石板街奶凍)同什果千層酥Mr. Black
奶凍好香,好滑,甜得黎唔膩,加上朱古力雪糕,味道更加濃,讚~什果千層酥
酥皮好鬆脆,每層入面都包左滿滿既生果
所有野加嘛一齊食都唔會太甜,味道適中

個人較喜歡有特色的餐廳
聽了朋友介紹所以來這裡試試
重點是因為可以在蛋糕的碟上寫字
這天是我兩位朋友的生日,所以特意來試試
開頭在想要不要等位,但好好彩,去到的時候人不多,不用等位
然後餐牌全是英文,對於英文不是很好的我有點困難
點了一杯香蕉奶朱古力,朱古力及Latte
香蕉奶朱古力有很濃的香蕉味,味道不錯
我們也很喜歡Latte上的拉花
還有All Day Breakfast既薯餅上有個笑哈哈
令我地既心情變得愉快
可以忘記外面的所有煩惱,好好享受
感受到這裡的人很用心做每樣食物