石塘呢邊真係唔開呢間咖啡屋都唔會過嚟食嘢，六夫人鍾意食pancake ，上網見到呢個pancake好吸引，決定過嚟一試。
下午三點黎到， 咖啡室差唔多到坐晒人，先點餐後入座。因為無位， 六夫人同六先生唯有坐住吧枱。諗住快快手食完pinky就走人，去食其他野。
但係等啊等等左半個鐘有多，原來佢有個好細嘅爐， 每次只可以整兩份pancake，一路望一路望，啲pancake都唔係我哋嘅，係嗰啲早過我地坐低嘅人。我諗緊買等咗個半鐘，個pancake先嚟到我哋嘅面前，而等嘅途中， 因為冇位同埋等左好耐好多客人都走左。個pancake係幾好食架，好似外國嗰啲疏乎你pancake。不過好食還好食，下次如果有人話俾我哋知要等幾耐先食到，或者可以order左，我哋差唔多時間返嚟再食，咁就會好啲。因為食完個pancake我都仲係好肚餓呀！

外國朋友返嚟，當然要帶佢一齊食吓點心呢啲香港野。吉吉點睇相門面好似好靚，所以揀咗呢間。
但原來鋪位都有少少難搵，我哋都搵咗一陣先搵到。但係都不枉此行，唔駛等已經入去食得。
入面係一間似茶餐廳feel嘅茶樓，小本經營，雖然坐嘅都係板枱膠，但係仍然乾淨衛生。我哋下午三點去到，食評話平時有好多人，但係好好彩我哋嗰日冇乜人，馬上可以入座。工作人員話呢度係即叫即做，要等一陣仔先有得食。其實都唔係等左好耐，半個鐘之內都上齊晒所有嘢食。
樣樣點心都整得唔錯，我同朋友都覺得好好味，雖然無話邊樣特別好味，但係比起好多茶樓呢度真係做得好好，一d都唔馬虎！
下次食點心一定會揀番呢度！

前兩日同友人諗唔到食咩，上openrice搵吓旺角有咩好食，又話呢度好多正皮，啲嘢食又好靚，一於來試吓啦。
明明呢度啲相影到啲嘢食好清楚，光線又充足，點解入到去係完全兩回事。
我哋八點半去到，兩個人安排左一張二人枱比我地。入到去見到一個枱，係比人哋唱live。台下所有台都放得好迫，我同朋友仔坐得好唔舒服，睇下張圖就知道我哋同隔離枱有幾咁親密。呢度環境好黑，大家都係三五知己過嚟傾計食嘢， 但係由於密度太高， 所以環境極為嘈吵， 我同朋友得兩個人，基本上完全聽唔到大家講緊啲乜，加上佢哋當時有一個好難聽嘅歌手喺度唱緊歌，真係嘈上加嘈。個環境黑得來又擺咗好多鏡，我諗呢間餐廳前身係間酒吧，有d奇怪擺設，好似啲人唔要嘅野放埋一齊咁。去到叫嘢食，我哋叫咗一個Pizza ,一份豬手，一個啤酒，同一杯白酒。叫嘢食嗰陣時，我哋喺Menu揀咗一款白酒，個侍應竟然同我地講呢款白酒未開，你飲House wine啦。我哋真係O晒嘴，未開所以唔賣？咁係咪你所有野買返嚟未開都唔會賣？新不甘情不願咁轉左飲啤酒。
嘢食都等左好耐超過20分鐘，個侍應由頭到尾都冇同我地講過要等幾耐。20分鐘只係等個Pizza。Pizza上到嚟，並唔係我哋叫嘅千島醬，但係由於食唔出佢係咩味，我地懷疑佢俾咗個番茄嘅我哋。唔理佢哋嘅服務同環境，呢個價錢食佢哋呢個Pizza ,我你覺得極其知咁唔抵。跟住我哋又再等左大約45分鐘，Pizza食完啤酒又飲晒，份豬手都仲未上，我哋係冇心機傾計，坐喺度齋等。終於上啦，個豬手真係好乾好乾好乾！通常食豬手會陪芥末或者茄醬。但係呢度係配沙律醬。我哋心情好差求其食完就走左。呢餐食咗五舊幾水。😡😡😡

馬鞍山冇咩嘢食就係人都知，平時基本上日日都係食米線。今日BB話好想食飯，就同佢四圍行睇吓邊度有飯食，終於最後係麻酸樂落腳。
可能太耐冇去台灣，見到喺門口話有肉燥飯覺得好似都值得一試。三點半入去坐低都幾舒服人唔算太多。 我哋叫咗個咖喱炸魚柳飯同埋雞扒肉燥飯。
飯餐基本上就係一舊肉一舊蕃茄一個汁分開擺係一個碟上面。嘢飲好快就送到，之後好快就上埋嘢食。肉燥汁都OK，雞扒正常。去到個咖喱炸魚嘅時候，咬開個炸魚，嘩！好juicy，好滑呀！雖然一個飯＄40我覺得都係雪藏魚，但係炸到咁多汁同仲有魚味，呢個價真係第一次食到。為咗呢個魚，我諗我會再返嚟。

六夫人之前見到綠色果碟蝴蝶粉已經好想試，上到黎先知，宜家暫停供應。不過唔食唔知，飼說又點止一味出色嘅菜色呢，今次試左波菜汁意粉同carbonara。
講真，呢度咩都好好食，連送嘅果個面包仔都好香脆，睇得出老闆真係好用心，絶對無hea貨。我揀左南瓜湯，好味過台灣飲果d，令本夫人好想學起黎番屋企瘋狂咁煮嘅衝動。六夫人點嘅波菜汁意粉，食落岩岩好，唔太濃又唔會太清，波菜嘅味，令人一口接一口，係咁食唔停。carbonara嘅汁好濃郁，好有芝士味，味較濃，份工量都幾多，唔似外邊汁淡且小。難搞嘅六大爺最後竟然食清光。

不得不提，呢度意粉嘅軟硬度，係我食過咁多cafe以黎，掌握得最好。

本身仲想試下鬆餅或者手工麵包，但由於太好味食得太飽，一切都留待下一次再次造訪。

排唔到中村，呀q當然帶我黎食下雪糕補數。因為無相，唯有睇佢d cute到卑既畫，揀左呢個有抺茶雪糕既食。

佢話雪糕都分宇治同特濃，喂緊係揀宇治啦！但係佢都係俾特濃我地😥

Anyways, 好睡彩天氣唔熱，終於拎到杯雪糕，上面原來係近排好興既超大綿花糖，又有金同玫瑰花起上面，真係好鬼靚架！但係食落真係太甜啦～
千辛萬苦先食哂個綿花糖，可以食個雪糕，真係好好味呀！

大家排隊去食要小心車輛出入呀！

過黎搵男朋友食lunch，見呢間幾日式，門口果枱仲俾我見到幾個日本人起度食緊，諗住應該無死錯人，點知都係中伏。

入面都幾舒服，打開menu，個芝士肉球蛋包飯真係好正咁，咁靚仲可以愛黎映相，點知原來唔係屬於果格既餐入面（但係其他相又係架wo😒），搞到我地叫錯左。


就係叫左呢個，舊肉好大舊，有兩舊，係漢堡排。唉我本身都唔多食牛，但呀q就話嘛嘛。個咖哩真係好普通，同咖哩屋包唔辣咖哩一樣味。

另外我地叫左個下午茶，係豬排烏冬，豬排又薄又細，大概一個女仔權頭咁大份，烏冬有都係得兩啖，有個面屎湯味既汁俾你點黎食。係得杯咖啡正常size。

本身諗住食埋個雪糕架，不過真係嬲嬲地，唔想俾佢呃多穫。早知就睇左OpenRice先啦。

上次妹妹介紹完，呀q馬上就帶我去試試呢個新既綠茶雪糕喇。

晚上去到人流都算太多，一見到馬上嚇我一跳--嘩，咁乾淨既！妹小見有外賣小食店鋪咁重視店面，一件貨都見唔到，得部機起後面廚房，前台有一個女仔，廚房有一個，鋪仔雖然細，執得咁乾淨空間感好強！讚！

店員係個20歲左右既小妹妹，佢笑得好甜，睇到佢我都開心左。店仔keep住有人買，唔洗排隊，我地買左個最基本既試食。

雖然個雪糕都溶得有d快，但係佢都好勁綠茶味。因為呢度既style都比較水，食落清清地，cream味少左，好fresh，食完唔會覺得有野起喉嚨，好岩夏天食！仲感覺無咁肥tim ar!

因為有coupon，個職員又推薦起呢度晚餐，最大間最好食。一行入去跟本同其他無分別， 改到個名咁好聽， 又味係個foodcourt一個 。 張coupon食咩都得，聽同事話呢度雜扒都ok，同人share都唔會餓，我地又聽佢話，揀左最貴既雜扒餐。（125+-） 呢度好多人又無咩員工收拾，唔係俾強國人霸哂d位，就係張枱好多垃圾無人執，好多人好似我地咁咁勁迷惘搵唔到位，唯有分頭行事。
買果時，因為我地用coupon，拎左個餐俾左coupon，佢話ok你走得架啦，行左兩步俾人捉住話我未俾錢，個呀姐好忙，搞左陣先放人。
見到馬上呆左，完全同出面d圖兩回事，雜扒腸仔煙肉竟然通通開半上仲要食落已知煎起左好耐好耐果隻牛扒又鞋，雞又老，煙肉係香但好多油，德國腸水準平均，好彩佢d薯條好好味平衡番下，炸既並唔係通街用果種熱氣老油，所以好脆好fresh！ 食食下我耳仔邊突然有把聲出現同我講：算啦，香港迪士尼係咁架啦！食多兩條薯條啦！

上次夏天黎食，見天氣凍凍地，帶埋友人再戰。 可能我地夜左黎食，岩岩賣哂魚鮫魚雲，唯有叫魚腩啦，好快就送上。我見佢地有一鍋熱左d魚，另一鍋超大火就燒番熱個粥底，勁有煤氣爐d爐火味，正爆。

唔好睇佢好似咩都無，其實入面收左勁多魚腩，我地食左大半碗粥，應該都有3/4大舊魚腩，壯觀既情境就出啦！d魚腩露出粥面！仲有4大舊！之後，友人問我，點解仲有咁多魚腩既？我地高興之餘，又再次勁食，女仔黎講，食哂一碗好鬼飽！ 話說細個呀媽教落，d魚鮮既，可以一夾就見到一層層，呢度d魚好多層不突只，仲好香魚味。得閒要再食過！