其實之前路過依間鋪頭時，已經比佢簡潔、有D走森林風(?)嘅門面吸引左，
而最近終於買左黎試下啦。荔枝烏龍(+蒟蒻)($19)(好似係加蒟蒻加三蚊，原價十六。最近有點健忘。)

叫左半糖、少冰。
本來想叫微糖，但朋友不喜歡淡的，所以最後叫左半糖，然後我覺得甜左D(笑喊)。
不過杯野其實幾好飲，茶係清清地嘅，荔枝味好香，蒟蒻有好多。

話說，等野飲嘅時候聽到有個小朋友話要食雞，先發現原來依間鋪頭有小食食。
下次經過試下先得，hehe。

因為唔係咁鍾意排長龍嘅關係，所以一直無食過lab made嘅雪糕。
今日朋友突然話想食，我地又見無乜人，所以就去左食第一次嘅分子雪糕了。奶醬脆多($44)

味道不錯，重真係有脆。
但花生醬味太濃，不太品嘗得出煉奶嘅味道，而且有點過甜。

話說，個雪糕同朋友兩份食都覺得好飽，可想而知佢嘅熱量有幾高(笑喊)。
所以，haha，都係少吃多滋味。

終於戒完口啦！不過都唔敢太放肆，所以就食個雞蛋仔當獎勵下自己啦雞蛋仔($13)外層香脆，但內裡可更熟一點，蛋味亦略嫌淡。
整體黎講，味道不俗，
可個人比較喜歡佐敦分店的雞蛋仔。

是日約左朋友到銅鑼灣一齊食中午，
本來打算食Curries Inc，點知去到發現無開
所以就去左對面既棟篤食啦。入面既裝修其實幾好睇。朋友既肥牛撈拉麵($36)
我地交換左彼此既食物試下味，
Um...肥牛頗韌，同埋D拉麵味道偏淡。我叫既串燒三拼飯(雞肉、龍蝦丸、豬頸肉)($49)
雞肉OK，龍蝦丸外皮韌左D，豬頸肉基本上係咬唔開既⋯
至於菜，我覺得可以再煮熟少少。

其實重有叫個明蝦卷($15)share食，但唔記得影低。
明蝦卷一碟有兩件，個外皮係脆既，同埋味道係OK，但無乜蝦味。

總的來說，依間鋪既裝修其實幾好，但味道真係要改善下，
否則只怕被附近眾多食店比下去。

因為要戒口既關係，好多野都唔食得。
而要數最難避免既就係蛋啦包、麵、炒飯，好多好多食物都含蛋。
係開飯搵左陣，見到愛家素食：好啦食素應該會多d選擇既。
再睇睇其他人既食評原來依間鋪頭所賣既食品係不含蛋即刻扑鎚食依間！
(其實我之前都食過一次，但係完全無發覺到，認真慚愧。)素漫波排飯($58):
素漫波排味道甜甜地，幾好味；甜酸齋味道一般；菜就比較清淡；粉紅色既飯好靚
杯茶有少少甜，岩岩好。手工脆皮撻($16):
戒左咁耐口，見到無蛋既「蛋撻」緊係要試下，解下心癮都好嘛。
不過我覺得淡左d，味道一般，感覺重有少少苦苦地。

本來想試埋提拉米蘇，好彩無叫到 因為食完依兩樣野已經好飽啦。
好想知無蛋同奶既提拉米蘇會係點呀一於下次再黎試！

一大班人食完飯點飽都要直落糖水是常識吧
朋友話附近有間用學校課室做主題既糖水舖
咁得意，一於去試下啦好食(Y)
不過唔知係咪個心太軟D朱古力味太濃，覺得個雪糕唔係好夠朱古力味。

其實未食之前我諗過依D主題舖頭會唔會伏
點知比想像中重好食下次可以約其他同學仔再食過！

昨天學校有測驗，八點才放學，可是十點就要去跳舞，
而且在想：難得一個人吃飯，就去試試自己沒去過的餐廳吧。
所以就在開飯隨意找找看，最後就選擇這間離跳舞地點不遠，價格相宜的Amour Cafe。

九點左右到達，還好不用等位置，不然我一定來不及啦。
坐下一會兒後，店員看到我東張西望，就向我推介特餐，說「包曬所有野」。
但我那刻沒有了解到她說意思，所以最後叫了奶油蘑菇煙鴨胸意粉套餐，包一款17元或以下的飲料。這個意粉真的挺好吃的份量中上，我吃完覺得很飽。
至於飲料，我叫了熱柚子蜜，味道不過不失，
但不會太甜，我覺得這一點不錯。

後來我在等餐時無聊，
細看餐牌後才發現，原來特餐「包曬所有野」的意思是指有湯、意粉/飯、飲品及甜品，
而且價錢只要大約50-80元不等。
哈哈，只好下次再來吃吧。