今日行過見到啲燒鵝色水好似幾靚，雖然價錢有啲貴，但見到咁多好評，就試一次 先唔好講服務，因為食燒味飯冇諗過會有咩服務，雖然要加一... 好，入正題講燒味 燒鵝叉燒雙拼飯，$9x 燒鵝燒肉四寶飯，$125 普通凍飲加$8... 話明係燒味燒味，冇燒過既感覺，你對唔對得住燒味？ 燒鵝 肥，皮唔脆，冇鵝味 皮同肉一齊食既感覺係好重要，當你個皮唔脆，又冇乜肉，真係唔知食緊乜 叉燒 又係冇燒或烤過嘅感覺，肉質同整體味道，同普通街市嘅貨仔一模一樣 冇蜜味，冇叉燒味 叉燒呀！係叉燒呀！我唔係要搵舊豬肉上咗紅色搵個焗爐焗熟佢呀... 飯 又濕又淋，燒味飯啲飯最緊要係乾，多汁唔緊要，但係啲飯本身已經淋，再加上多汁，湯飯嗎？ 菜 做乜事係沙律菜啊？ 你係廣東燒味, 唔係fusion燒味呀... 好失望

今日同屋企人去黃金海岸 諗住開開心心食個good breakfast 點知揀左呢間地獄茶記 餐牌上有糯米雞先揀呢間，坐低後佢話冇，我心諗Dxx 我問係賣晒定本身冇，佢話冇，我Dxx Dxx...咁即係呃人 好，我叫左個沙爹牛面，面生D 一黎到個面仲林到痴左線！係我見過最林既面！！ 我Dxx Dxx Dxx,好我忍！ 一食落去，嘩冇味！我以為未攪均。攪均d沙爹後再食，都係冇味！ 唔係ga wor,沙爹有色ga wor, 試下啖沙爹, 我Dxx Dxx Dxx Dxx!!!! 沙爹竟然冇味！How Come?! 成個面又林，又冇味？！點樣整到？ 係白烚牛肉面呀！ 最後成個面冇食到，走人去隔離食M快餐店 題外話：D阿姐唔多應人，又漏單

話說, 耐唔耐經過都見有人去食, 終於走去試下 今鋪真係一試難忘 叫左個自家制手打牛肉漢堡同芝士薯條 先講個漢堡 原來我係食緊肉餅漢堡...個牛肉勁中式肉餅feel, 唔可以有任何期望. 真係唔敢想飲佢其他款式係點... 個漢堡係得茄汁, 咩醬都冇 包, 芝士, 肉餅, 生菜, 茄汁, 包 就係咁, 食左一個中式肉餅包 到個薯條 冇炸過既感覺, 勁淋, 似係食緊一個薯仔 加左廿幾蚊要芝士薯條, 但唔多覺眼有芝士... 食起上黎仲要一餅野...點先 咪玩我啦呢間野

聽聞呢間蛋糕好出名 要排好耐 就即管試下
1:30pm 開鋪, 1點半前已經開始有人等
終於等到開門, 以為開始賣, 點知原來開鋪唔係賣蛋糕 係開始整蛋糕...塊牌寫出爐要等到2點...
OK, 2:00pm到了...再等等等...
要等到2:15pm 先開始派飛, 得20件...排隊效果就係咁形成, 因為數量太少者...
原味, $55, 價錢就見仁見智, 係就係好大個蛋糕
但味道就真係普通到呢...好一個雞蛋蛋糕 加上一個鐘既排隊時間  我去附近面包鋪買紙包雞蛋蛋糕仲好
老實講 味道大家差唔多
你有多餘時間 可以去試下排 包你食完會諗起我既食評

話說開左幾個月 已經成日想試佢個早餐, 今日終於一嘗所願 事不而遲 即刻為大家送上 講下佢有幾咁難食 沙茶牛肉金邊粉- 冇乜沙茶味 牛肉質地一般 最經典係個金邊粉 我未食過一間金邊粉可以咁難食 生得黎又唔爽口 擺到明係是旦6幾6 個湯又冇什麼風味 即係簡單講 你要整食沙爹牛肉麵越南style 唔好意思 你失敗左 港式同越式都做唔到 牛角包- 一食落去就知佢唔知擺左好耐 勁油益味 一d牛油香都冇 金不換炒蛋- Sorry 好老 同埋冇金不換feel 咖啡- 唔好講笑啦 呢杯係咖啡... 超淡超奶 我飲緊冰奶水咩...

我錯了我應該上openrice 先至入黎呢間野  我錯了見佢企理過隔離間茶餐廳 而為好味d 點知...食個港式早餐都可以咁難食
沙爹牛肉麵, 牛乳炒蛋, 多士, 凍咖啡
沙爹牛冇沙爹味, 個湯一d都唔濃
炒蛋 好老好鞋口 唔太信佢有落牛乳 自己屋企炒仲好味
凍咖啡可以冇咖啡味 點樣整? 真心求指教 最正常係個多士 少少過燶 但冇所謂啦 都係咁食
普通茶餐廳既水平都做唔到...點解可以有咁多分店...老闆真係勁!!

話說去食晚飯
佢個頭盤係salad bar. Parma ham, 煙三文, 長腳蟹都ok 唔錯
主菜就真係未食過咁難食既酒店餐廳

主菜可選有意粉, 雞扒, 魚

意粉, 普遍都痺, 茄醬意粉

魚, 係一塊鯰魚柳, 一塊薄薄的魚柳, 有點像超市隨便都買到的魚柳般
比幾舊水食d咁既野

雞扒, 係一塊煎雞扒面頭淋左d普通汁上去, 勁鞋個汁又唔好味, 老實講, 大x活既早餐雞扒仲好味過佢

連加一4百幾蚊食d咁既質數既主菜

最最最離譜係, 佢地照顧晒d常客, 起晒主菜比其他客先, 我地等左差唔多45分鐘先上主菜, 等咁耐原來主菜係呢d野

appetizer ok. 但主菜...

如果你真心想食口水雞, 千其唔好去川婆婆
伏到不得了..."

今日lunch, 去左川婆婆叫左個口水雞
一咬落去, 心知不妙
係蔥油雞既味道
睇一睇個餐牌, 先知佢原來係一雞兩味
可以揀口水雞或蔥油雞
如果你係叫口水雞, 佢只不係比蔥油雞既雞你, 再淋d口水雞醬係上面, 食落舊雞係蔥油雞味道,完全冇口水雞既味道, 你話 o 唔 o 咀

另外, 佢個口水雞既醬都唔係好口水雞
失敗中既失敗

仲叫左個回鍋肉, 都係冇回鍋肉醬料既味道
同埋勁多荀, 好少肉

之前黎食晏, 感覺都唔錯, 但今次真係好差

首先, 叫左個肉骨茶, 個湯完全冇肉骨茶味, 舊肉就更加唔使講, 更冇味, 好似洽排骨咁之後, 就到海南雞飯, 唔知點解今次生生地, 而且仲要唔係滑雞, 想點先最後, 係杯拉茶, 之前飲過係幾好味, 但今次杯茶好'喼'好苦, 冇甜味
問佢地, 佢地話可以比糖漿, 黎到糖漿已經覺得好怪, 再問之下原來應該係落煉奶至岩...但佢地再比係比左花奶, 想點先. 其實應該一早換過杯今次真係三樣野都好差....

柚子沙律ok

熱辣辣黎到, 諗住一心黎食個芝士熱狗, 點知話因為今日市集, 整芝士太耐, 提供唔到
乜料, 整野食耐就提供唔到, 咁真係想問 開餐廳黎做乜??

連All Day Breakfast都冇, 得番d 勁快勁簡單既野...

冇計, 坐低左又廢事走, 叫左個雜菌黑松露忌廉汁意粉
話好食唔係, 唔好食又唔係 . 一般啦, 要有既味有lor, 普通一個忌廉汁意粉, 同埋唔多菇叫左杯vanilla latte. 都係普通啦, 唔可以話係好味咁lor, 咖啡味唔係十分濃

就係咁, 一個意粉一杯咖啡 $114...