趣苑茶餐廳 (荃灣)

正所謂一日之計在於晨
早餐係一日三餐中最重要既一餐
所以我好重視早餐架!
平時除左去大型連鎖快餐店食早餐外
都好鍾意去發掘吳同既平民茶餐廳 睇下搵吳搵到驚喜!
今次就想介紹呢間趣苑茶餐廳
地方幾就腳 係正松記甜品旁邊! 呢個餐有一碗羅宋湯通粉 可揀炒蛋/煎蛋 配腸仔/火腿/餐肉 再配半個奶油豬/一塊厚多士 包一杯飲品
通粉(有得揀一般通粉/螺絲通粉)既羅宋湯底香濃 有足料既配菜例如椰菜 西芹等 食起相當滋味
炒蛋一叫即炒 入口有蛋香!
奶油豬夠大夠多奶 不過呢個奶油豬既口感偏煙韌 需要少少牙力去咬 但夠脆夠多奶 熱辣辣食起點都好食既
亦都試過厚多士 入口鬆軟 個面平圴塗滿牛油 都係吳錯既選擇!
熱奶茶頗有水準  一來夠熱 二來奶同茶既比例平衡 入口既有奶香亦有茶味 係晨早提神既好選擇;)

味道好 份量足 價錢抵 食完真係有good morning既感覺 ;p
從此佢就成為我其中一個早餐好去處!

呢間趣苑星期日吳開架!

糧友パン工房 (荃灣)

面包 可能對於好多人黎講只係充飢既食物
求求其其食落肚飽左就算
但對我黎講 面包除左用黎飽肚 更可以用黎欣賞享受
食到有誠意整既好味面包 可以令人心情變好;)

坊間近年開左好多不同既面包店 間間都有一定水準
而其中一間好得我歡心既就係係荃灣廣場既糧友
呢間野係一田開左後出現 
每次經過都見到好多人係入面 一直想去睇睇
加上呢間店有一大特色
就係每當有新鮮面包出爐時 店員會搖動響鈴 等出面既人知道有面包出爐
面包出爐個種香氣 加上好奇心既驅使
令到最後忍吳住入去睇個究竟;p

店內面包種類繁多 款款吸引 一時難以決定買邊款試
我本身好鍾意食芝士同紫薯 所以最後買左四個包試!呢個包係咁岩新鮮出爐時買架 係佢仲熱時食落去既感覺 一試難忘 佢面包咬落非常鬆軟 輕輕咀嚼就覺得係好似係自己個口到溶化緊 鬆軟既口感伴隨啖啖既紫薯 又香又軟 令人可以好快就食曬成個包!!不過個包本身size比較細 有少少似空氣包 大食既朋友如果淨係食一個既話 未必夠飽!呢個包係糧友既其中一款招牌面包!一出爐就好快俾人掃曬! 鍾意食紫薯既朋友一定吳可以放過呢個面包 佢白色既外皮非常軟林林 一咬就已經食到中間既紫薯餡 比起紫薯花卷 呢個包既紫薯量多好多 我最鍾意既一點係 佢既紫薯味道好香好自然 食得出吳係落左好多糖 可以食到紫薯本身最原始既味道 一啖接一啖 食吳停口;)  薄薄既包身 索價$18 絕對吳便宜 但當你食過之後 你就會覺得物有所值! 異於紫薯系列鬆軟既口感 呢個包屬於米燒類 表皮咬落去煙煙韌韌 帶有微微既米香 口感特別 個餡先係呢個包既重點 內有四種芝士 軟身既芝士醬和忌廉芝士, 加上為數不少既馬蘇里拉和車打芝士粒 有軟有硬 口感有層次 加上帶微酸既忌廉芝士 伴同帶咸香既車打芝士粒 多種芝士匯聚係口中 味道香濃 對芝士迷黎講 簡單係一大享受!!另一個一定可以滿足到芝士迷既包!!香軟既餃子外皮 內裏注滿流質既芝士 一咬開 d芝士就會即刻湧出黎 會食到成口芝士 香濃既芝士同軟糯既外皮非常相配 如果撞岩新鮮出爐 流心效果更佳 但要小心 留出黎既芝士非常熱 小心燙親口!;p

總括黎講 糧友既面包係高水準之作 每款都各有特色 值得一試! 食完佢既面包 真係會令人有種大滿足既感覺架;)

糧友長期有新鮮面包出爐 就算買吳到自己心水 總會其他熱騰騰既面包滿足到你架;)