今朝晏咗起身, 諗嚟諗去都唔知去邊食嘢好. 老公提議去"吳若希"果度, 初頭唔知佢講咩, 佢形容完個位置, 終於知佢想試點心瑪莉.嚟到11:35 唔使等位, 但服務員得兩個, 完全應接不睱. 好在接近12:00, 見其他職員陸續返工, 情況得以改善.菜乾燒豬骨粥--粥底夠綿又鮮甜, 菜乾頗多MARY葡撻--撻皮酥脆, 餡不太甜. 可惜只係微暖, 頗為遜色.柱侯牛腩腸粉--腸粉吸收了柱侯汁, 好味!京蔥鍋燒牛肉餅--牛肉餡料豐足, 入口啖啖京蔥味叉燒包--普通茶位$3.00一個, 我哋3個人, 估唔到只係一個車仔茶包囉.埋單$99.00

今朝一早揍咗百厭仔返學, 兩公婆去咗上個月新開嘅明星試下.之前行過好多人架, 可能今日早啦, 又唔使等位喎.仲有早茶優惠添excited皮蛋瘦肉粥--粥底杰度剛好, 略嫌咸了一點. upset煎芋頭糕--頗咸sick上湯鮮竹卷--幾好味 餡料並不是坊間的全齋, 都頗多肉碎yummy臘味糯米飯--糯米飯軟硬適中, 味道唔錯smile茶芥$7.00一位 埋單$71.50

舊時喺荃灣返工, 經常都幫襯嘉樂. 今日一家三口出開嚟荃灣, 當然要嚟朝聖啦!

去到門口, 一如既往都係要等, 數數前面人龍, 剛好十個. 邊個叫想食吖, 等就等啦!

等咗約35分鐘, 到我哋喇!鮮蝦雲吞撈麵--一碟有8粒雲吞, 蝦與肉比例剛好. 麵質彈牙爽口, 但鹼水味頗重.牛肉湯通粉--通粉爽滑, 唔會過林. 牛肉唔韌, 連百厭仔都食到.瑞士汁雞翼--夠入味, 入口嫩滑, 骨與骨之間又無滲出血水, 正!火腿奄列(小)--嘩! 雖然係(小) 但份量絕不欺場. 百厭仔食到lam lam 脷.埋單$123.00

最like打邊爐嘅我, 生日當然要邊邊佢啦! 我哋一家三口book咗18:00.

由於全枱都要叫同一款套餐, 對於唔係點食嘢掛住玩嘅百厭仔嚟講, 叫貴價肉簡單係嘥錢. 咁惟有叫$178.00套餐啦!叫咗牛乳鍋, 跟住出去遊個圈攞啲嘢, 牛乳鍋已到.美國極上牛肉一啲都唔肥, 非常啱我. 淥完又唔韌, 百厭仔都啱食. 我哋order咗3次豚肉眼見就好肥, 但入口爽嘅. 但要顧及健康著想, 只order1次清酒雞味道唔錯, 可惜骨多肉少, 同樣只order1次

是日海鮮係蝦/鮮魷/青口/廣島蠔. 每次只限order2款海鮮, 除咗鮮魷外, 其他都order咗3次
蝦都幾大隻, 新鮮爽口. 青口都唔錯. 廣島蠔夠大隻, 蠔肉飽滿，味道甘香.出面攞嘅冬菇/菜/瓜都幾新鮮. 百厭仔至愛嘅粟米好甜. 仲有我鐘意嘅檸檬味jolly sandy, 一個人隊咗兩罐. 臨尾當然要食埋乳酪雪糕啦. 非常滿足!

入座前問咗有無生日優惠, 職員都睇埋我身份證mark低資料. 可能太多人幫襯, 職員忙中有錯啦, 埋單時計漏咗生日優惠, 職員都即時幫我哋改返單, 仲清楚解釋優惠嘅計算方法.

原來呢度嘅生日優惠係跟據出生年份計discount, 即年紀越大, 減幅越多.
(只要生日within前後7日就可以)

習慣星期日瞓晏啲嘅我, 未夠九點就收到電話叫我哋一家三口去飲茶. 原來老豆記得今日係我正日生日, 專登去呢度攞位, 話要請我飲茶, 非常感動呢!最特別係佢嘅煎糯米雞(有個特別嘅名但唔記得咗) 外面香脆, 糯米軟熟, 總之就正啦!

流沙煎堆仔亦值得推介, 就算叫咗擺到最尾食, 入口一樣脆卜卜, 咬開流沙饀流到一手都係, 雖然食得論盡咗啲, 但真係正.

叉燒腸嘅腸粉皮好滑, 略嫌太多芫茜(呢個我個人喜好問題)其他燒賣,叉燒包, 牛肉, 馬拉糕亦唔錯埋單$36x

呢度兩年前嚟過, 細佬話突然想食呢度嘅德國咸豬手, 咁就book位食做節飯.

一行5大1細 叫咗:--

bb鴿x2 -- 真係幾bb, 無咩肉食, 又好鬼咸, 唔得!炸大腸 -- 味道可以, 但唔夠脆, 麻麻地啦.蒜蓉炒白菜 -- 味道ok, 但頗油膩.八珍豆腐煲 -- 配料豐足, 鮮魷, 蝦, 豬潤, 豬肚, 粉腸......味道唔錯.脆皮咸豬手 -- 相比起上次食, 今次頗為失色. 但今次係為咗食豬手而嚟, 所以有點失望. 芥末牛柳粒 -- 少許攻鼻, 少許辣, 啲醬又少許甜, 味道幾特別.家鄉農場雞(半隻) -- 呢個有驚喜, 雞肉嫩滑又夠入味, 正!福建炒飯 -- 飯身夠乾,  配上美味嘅餸料獻汁, 正!4支仙地 2罐汽水埋單$632.00

蝴蝶廣場大執位, 有舊食店要say goodbye, 亦有新食店加入. 今次試呢間就係新加入嘅台式食店 (雖然都係雲貴軒嘅大當家集團)新開張 大家都想試新嘢, 要等係預算之內, 等15分鐘 比我想像中快. 我哋喺門口等位已攞單張睇食咩, 麵食/飯類已包普通熱飲<只有奶茶/咖啡/檸茶/檸水, 好立克/阿華田竟然係無供應 >
(普通凍飲+$3.00 , 特飲/台式熱飲 +$6.00, 特飲/台式凍飲 +$8.00)
平均四十零蚊已包飲品又唔算太貴叫咗兩碗台式牛肉麵 $42.00 -- 以往食開嘅台式牛肉麵湯底係辣嘅, 但呢度係完全唔辣, 欠缺應有嘅風味. 麵質爽滑. 牛肉頗有驚喜, 係厚切牛展, 炆得夠林又夠入味. 咖哩牛腩飯 $42.00 -- 咖哩味道唔錯, 牛腩份量都算多, 但炆得未夠林.鹽酥雞扒 $28.00 -- 入口酥脆, 但味道有啲怪, 唔好食. 而且隔油做得唔夠好, 頗油膩. 飲品ok埋單 $154.00

喺屋企附近新開咗間泰菜餐廳, 當然要嚟試新嘢啦!

今日, 一家三口游完水就過嚟開餐.咖哩海鮮農夫包 $98.00-- 咖哩汁香濃, 所以要加返個白飯$8.00 去撈汁. 可惜農夫包一啲都唔脆, 而且頗韌. 而海鮮料亦略嫌不足(雜菜頗多). 泰式炒金邊粉 $42.00-- 入口酸酸辣辣幾開胃, 唔錯.冬蔭公 (小) $38.00-- 香料充足, 入口頗辣, 內有一隻大蝦. 飲咗兩啖, 太辣頂唔順, 由老公清晒.椰子冰 $18.00--椰汁味濃, 但頗甜, 要冰溶了一半才啱味埋單$204.00

今日終於衝出新界區, 出去佐敦食甜品放題做晚餐. 係團購$78.00任食1.5小時.(但order時間只係一小時) 我哋一行四人book咗19:15. 一坐低一位阿嬸已開始講解守則 (邊啲只可叫一個 / 食剩要收錢......be li ba la) 我哋即時制止佢 話我哋已知道, 而且完全明白晒, 阿嬸仲讚我哋聰明添. 由於係平日又早(應該好少人會甜品當晚餐) 所以店舖無咩人, 阿嬸同埋事頭婆只service我哋一枱, 我哋一小時內order咗4轉都無出錯, 亦等得唔算耐.

初初阿嬸見我哋啲沙冰放一邊無食, 走嚟提我哋啲沙冰都要食埋, 如果唔係要計錢, 我哋話太凍, 攤一陣會食, 叫佢放心. 阿嬸當然得閑就"裝"下我哋食咗未啦! 之後見我哋碗碗/碟碟都清晒, 就只會喺我哋叫才出現. 先嚟三個心太軟+一個榴槤公主 (呢個只限每人一客, 唔係任食 )

心太軟--切開只有一客係勁流心, 其他兩客過熟了. 朱古力味好濃, 而且師傅細心地將三客都配上不同味嘅雪糕, 值得一讚.榴槤公主--一上枱好勁嘅榴槤味, 有榴槤肉, jelly, 仲有榴槤奶凍.宇治金時--由於本人對綠茶甜品無咩興趣, no commant.芒果河粉--芒果香甜, 河粉有淡淡椰汁味, 底下有芒果沙冰 (食過某啲店舖嘅沙冰只係面頭有味, 放置一會就會淡而無味, 但呢度放咗一陣, 沙冰都好有芒果味, 讚!)芒果水晶粉--水晶粉爽口但無味, 麻麻地.杏汁/椰汁蓮子燉雪耳 各一 --杏汁應該係用粉開, 相比之下椰汁好味啲3.6牛奶燉蛋白--呢個夠滑又唔太甜, 我哋order咗兩轉南北杏木瓜燉雪耳--入口清甜, 感覺很潤.蛋白杏仁茶--杏仁香味濃, 蛋白亦夠滑, 但味道有啲假, 食得出係杏仁粉開嘅糖不甩--麻麻地香蕉船--應該唔錯, 百厭仔一個人清晒大半日本紅豆豆腐花--紅豆太甜, 豆腐花味道似超市買嘅百福豆花. 以團購$78.00一位嚟講 (原價$128.00) 試到咁多甜品, 算係唔錯, 而且佢呢度啲甜品大部分唔算太甜, 幾啱口胃.

雖然order嘅時間只係一個鐘, 但基本上以佢嘅menu賬面價嚟計, 我哋係食回本 (百厭仔除外) , 而且真係食得飽嘅.

今日一行五大一小入元朗打邊爐, 由於請客者已訂位, 一嚟到就直上樓上.

叫咗 胡椒豬軟骨煲(大) 嚟到先飲湯, 入口頗辣, 但當湯流至喉嚨及至胃中, 那種感覺真的很舒服. 豬軟骨林滑, 成舊食晒唔使吐骨.手打蝦丸--爽口彈牙, 味道鮮美手打墨丸 x2 --與蝦丸相比之下, 口感較林手切肥牛 (一大一小)-- 大碟嘅唔太肥, 入口林滑, 滿口牛味. 但之後order嘅細碟就比較肥 超甜粟米--真係好甜, 簡直係百厭仔嘅至愛, 幾乎全部佢食晒.

脆肉鯇魚片 x2-- 新鮮亦無幼骨, 正!

響鈴 x2--浸湯數秒拿起, 入口還脆, 而且唔算太油膩 (以往我好少食響鈴, 因逢食必屙, 今次在某人盛情難卻下食了兩件, 竟然無事)雲吞 x2--ok啦滑牛 x2-- 一啲都唔韌廣島蠔--麻麻地 生菜/白菜/娃娃菜--一兜份量頗少, 收成三十蚊兜, 貴!

一支啤酒, 四罐汽水, 兩支雞骨草

埋單$1,500.00