samiey 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2021-05-19
之前睇某討論區有人介紹意樂嘅滑蛋蓋飯好正, 今日打算早午餐一齊食, 就過嚟試下。 因為係啱啱早餐轉午餐, 所以唔使等位。 豬扒滑蛋蓋飯 配蒜蓉汁 $54.00 另加鮮榨檸檬茶 (因為呢個蓋飯唔係set lunch, 以半價+$10.00 加飲品) 一上枱, 啲汁會唔會太多呢, 攪到啲飯勁濕, 試一啖 啲蒜蓉汁好咸囉. 啲蛋夠滑嘅, 豬扒都唔鞋口, 但為咗滑蛋蓋飯而嚟嘛! 整體唔好食, 失望囉! 鮮榨檸檬茶反而有驚喜, 唔使自己篤餐死, 檸檬味又夠, 幾好飲 龍蝦湯海鮮湯飯 $56.00 (呢個係set lunch, 所以另加鮮榨檸檬茶只係+$3.00) 湯頭味道唔似龍蝦湯, 似茄湯多啲, 但味道唔錯, 海鮮配料亦算豐足, 有蝦, 青口, 帶子, 蜆...... 埋單$123.00 題外話/補充資料: 呢間店嘅冷氣頗弱, 雖然飲凍飲, 都食到出汗
評分: 味道 3 環境 3 服務 4 衛生 4 抵食 3
2021-04-26
今日去圓玄學院掃墓, 順便落荃灣搵食, 喺鱟地坊食街食咗炸髀, 熱狗後, 再過嚟望下呢間甜品店有無開門, (幾次行過都摸門釘) 今次真好彩啱啱開門, 今日有緣試到了! 香蕉朱古力窩夫伴朱古力雪糕 $55.00 一上枱當然相機食先啦! 好在佢球雪糕雪得夠實, 影完相都仲很完整 (可能係刻意嘅) 窩夫餅外脆內軟, 連埋雪糕食, 又凍又暖很特別。 厚pancake伴海鹽芝士醬+雲尼拿雪糕 $80.00 疏乎厘 厚pancake很鬆軟綿滑, 海鹽芝士醬咸咸地, 好滋味, 點pancake食一流 埋單 $135.00 有緣嘅話可以再encore
評分: 味道 5 環境 4 服務 5 衛生 5 抵食 4
2021-04-17
呢間餐廳都開咗一段時間, 午市時段路過都會見到有人排隊. 今日早餐時段見無人排, 睇門口餐牌, 早餐比起附近餐廳略貴, 未試過嘛 就入去試下 叫咗: 叉燒意粉+奶油多+炒蛋+熱奶茶 $37.00 沙爹牛肉麵+奶油多+炒蛋+熱檸水 $36.00 叉燒意粉--湯底唔係好得, 意粉略嫌林了點 沙爹牛肉麵--沙爹湯比一般的辣, 牛肉夠林唔韌, 公仔麵都係略嫌過了火 奶油多--似係生命麵包嘅SIZE, 相對較薄較細塊 炒蛋--正常一般 熱奶茶--係全個餐最好嘅 埋單 $73.00
評分: 味道 3 環境 4 服務 4 衛生 4 抵食 2
2021-03-16 LAW'S CAFE (屯門)
呢間小店都開咗一段時間, 今日返工前 兩公婆的起心肝去試一試 叫咗兩個特餐 豬骨湯米粉+吉列豬扒+腸仔+炒蛋+厚油多 配熱奶茶 $40.00 湯米粉味道OK 吉列豬扒都夠脆, 略嫌薄了少許 腸仔 炒蛋都可以 厚油多 最正, 入口非常鬆脆, 滿口牛油香 豬骨湯公仔麵+吉列豬扒+餐肉+炒蛋+牛角包 (厚油多 轉牛角包另+$8.00) 配熱檸水 $48.00 湯公仔麵麵質剛好, 唔會過林, 但唔知點解個湯底比起湯米粉嘅湯咸 (唔係同一個湯底嘅咩) 牛角包並唔係酥皮款, 包皮比較厚身, 都OK嘅, 但對於鍾情 酥皮牛角包嘅老公就話有點失望, 相對起要加錢嘅牛角包, 厚油多正好多 埋單$88.00
評分: 味道 4 環境 4 服務 5 衛生 4 抵食 4
2020-02-10
今日兩公婆去蝴蝶廣場搵食, 路經薩莉亞, 可能受疫情影響, 竟然無人排隊, 咁我哋就去試下啦! 門口職員熱情招待, 座位任揀, 按鐘即到, 之後都陸續有客光顧, 一樣都係熱情招待. 嘩! 服務同新墟果間爭好遠喎! 水牛芝士薄餅$30.00--芝士咸香味足, 批底鬆脆 明太子魷魚蝦仁意粉$34.00--味道唔錯, 意粉口感適中有彈性, 唔會過林. 原味雞翼8隻$32.00--原來呢間店只售原味雞翼, 雖則說小朋友也啱食啫, 但大人都係鐘情辣味果款雞翼多啲
評分: 味道 4 環境 5 服務 5 衛生 4 抵食 5
|