我地兩公婆拍下拖, 想食甜品, 行行下見到門口menu都唔錯, 入去試下, 尋晚10點半去到, 得我地一枱, 叫左cat cake配豆腐雪糕 and lemon pie.

嘩! 隻碟d朱古力圖案硬哂, 係一早畫定, 想點來食都食唔到, 個豆腐雪糕球又係硬, 應該又係一球球整定, 食完件cake, 個雪糕球溶都唔溶下, 要用兩隻匙裝住咬先得.

lemon pie o既酸得來好假, 好似好酸瑞x糖味.

$38一件cake, 俾d咁o既出品, no heart, 我地以後都唔會去.

第一次去已是大半年前, d飯太酸, 有d嚇怕, 今次因為搵唔到位, 所以先再去, 佢真係好多時都有位 (聽同事講).

今次好ok, 鯖魚燒得剛好, 燩蛋又滑, 同事食魚生飯同壽司定食都好唔錯, 午市大約$50-70, 都ok啦. 唔使加一真係very good.

搵日要試下d燒烤至得.

因為係屋企附近, 所以同老公去食過幾次, 由最初較淡口到最近夠味左好多, 燒飯團夠脆, 海鮮&菠蘿&雞翼都幾好, 醬汁夠辣, 肉類串燒略嫌唔夠肉味. 價錢算ok, $9起, '象拔塝"$19隻, 好甜.

食宵夜好D, 晚餐時段多D人, 要等得耐D, 又冇燒得咁香口.

買外賣, ready前5分鐘會call你, 幾好, 不過佢地唔識"介"開個盒少少來疏氣, 遠路程就可能會焗"林"左.

好多年冇係呢度寫食評, 今次用一個新身份去寫. 點解突然想寫, 因為佢真係幾抵食.

結婚週年紀念日, 我好想食海鮮, 所以見呢間咁多, 所以簡左佢.

地方係舊, 但都算企理, 而且廁所闊落又ok乾淨, 服務都唔似之前話咁差wor, 阿叔加水又快, 又同你換骨碟, 又提我地要趁熱食蠔先, 又有禮貌, 只係有少少覺得佢地想你快d食完交枱,

食物方面: 3隻中瀨尿蝦 ($28x3), 4隻鮑魚 ($22x4), 4隻扇貝 ($16x4), 蟶子一份 [4隻] ($78), 焗蠔一份[5隻] ($唔記得), 芥蘭一碟($唔記得), 楊州炒飯一碟($唔記得), 2枝可樂(好似$6 or $8一枝), 連加一, 五百五十幾蚊, 真係去其他地方真係冇咁平wor.

最緊要d料真係新鮮, 蟶子有鮮甜味, 鮑魚又冇蒸過龍, 蠔好香口又唔會"un", overall真係幾好, 只係我個人口味想蟶子辣少少.