富東酒家改左名叫青葉酒家，即管試下食物質素有冇改到！

金沙雞原來係沙薑雞，雪味重，加上吾滑，不過特價$38就算啦

薑蔥炒奄仔蟹，又係特價，所以有啲細隻，味道還可以

琵琶豆腐就真係吾收貨喇，豆腐入面居然有叉燒，冬菇，帶子粒！點解？

鯪魚粉葛豬踭湯，正常！

結論係，酒樓只係改左名，廚師係一樣既！

大排檔格局，短短幾年，已伸展到幾個鋪位加幾條街

七點零鐘去到已經九成滿，得番室外位置，吾想等位，唯有坐室外啦，三十幾度真係幾熱下！

豉召炒檉子係必叫既，今日既檉子細隻左啲，不過味道依舊，正！

瀨尿蝦中size ，白灼，夠清甜！

豉汁蒸白鱔，落左果皮，夠香，肉質彈牙！

金銀蛋莧菜，夠多金銀，足料！

短短幾年，好多餸已經加左價幾次，冇辦法啦，而家乜嘢都貴，不過最緊要保持到水準！

名苑點心同小菜都有水準！
蘿蔔絲酥餅，個皮再軟啲就更好味，個餡好清甜
蝦餃皮薄餡靚
鳳爪一般
燒腩仔可以
棉花雞，棉花夠淋，雞夠滑
牛奶芒果布甸，布甸夠滑，芒果有少少酸
蛋白杏仁茶送既，好滑好香

好耐冇買過牛角包食喇，今日經過中環，特登走去買左一打，買店員要買幾多個先有盒裝，店員話買一個都有盒，真係好服務！
牛角包好鬆化，有牛油香，真係頂級好味！凍左食都冇硬到，正！

今日一個人食晏，突然間好想食點心。今日星期日酒樓又排長龍，唯有去food court 頂住癮先啦！叫左三籠點心加杯凍檸茶慢慢歎！
南瓜排骨，個樣幾靚仔，食落味道都幾好。
潮州粉果個皮都吾太厚，都食得過。
最吾掂就係個蝦餃，一夾就穿，仲有啲水流出黎，啲蝦冇味，麻麻地。

其實都冇乜期望咖喇，過下點心口癮囉！

對上一次嚟應該係一年多之前，鍾意呢度既環境，對住哥爾夫球草地，食得特別舒服！ 今晚選擇坐係室內，因為室外實在太熱喇！
首先黎碟泰式生蝦，由於怕辣，所以服務生提議辣汁分開上，味道不錯，蝦還可以，只是不夠爽。

雞肉串燒，一般貨色，沙爹醬吾夠香。

蝦餅有驚喜，彈牙，好食。

泰式明爐魚，用盲槽，吾係普遍既烏頭，所以盛惠$208。浸住魚既湯吾錯，酸酸辣辣幾好味。

馬沙文咖喱雞，有啲失望，同以前食過既味道同賣相都吾同左，個汁好稀。

蝦醬通菜，正常味道，只係啲菜有啲老。

蒜蓉薄餅，椰絲薄餅各一碟，用黎點咖喱食，都幾好味。

最後叫左碟芒果椰汁糯米飯，用左斑蘭整個飯，所以係綠色旣，幾特別，好味，不過細碟左啲。

飲品，龍眼冰並吾係平時飲開既龍眼水，而係龍眼沙冰，嚟到我見到都呆左，吾係我想要既喇，一飲，超甜，最終要溝水中和番；椰青好有椰味，不過吾甜；珍多冰冇乜特別；順帶一提，水係要比錢，支裝水，以前係免費供應開水既。

我唸呢次係最後一次喇，價錢吾係平，食物質素已下降。另外，以前東涌住戶有折扣，員工話而家星期六冇優惠。我覺得而家可能多左人食，所以價錢加左，優惠收緊左囉！
 

今次係第四次黎，食物品質保持到水準，新鮮好味！
燒牛舌好淋，加埋芥辣，一流！
鰻魚燒得好好味！
蒸蛋就一般，入面好似有粒雪耳，感覺怪怪，不過用果皮絲放係面，又幾特別喎！
服務十分好！