今日去左藍田間Ita Momo 打邊爐，
原本打算開開心心咁食，
點知比你佢地既”良好”服務態度影響我食欲。
我叫左一杯柑桔蜜(冰凍咸柑桔蜜既簡稱)，預計佢係凍既。
上枱過一陣，我先發覺佢比左杯熱既我，

我就好聲氣咁同a 君講:吾好意思 我岩岩嗌左凍架 但佢比左熱我。
ａ君：呢張枱吾係我負責喎 ，你有冇飲過呀?
我：冇呀 (a 大喊b 君過黎)
b 君：你岩岩話要熱架喎
我：下，我從來都冇話過要熱
b 君：我問你 你明明話要熱！
我：咁即係冇得換呀?
b 君：係呀 落左單就冇得換(立刻走 頭也不回)

其實落錯單好小事，同我講句吾好意思 ，我幫你換左佢就ok ,但咁既服務態度，真係好難接受。
點解連茶餐廳都做到既野，你呢間"高級"餐廳反而做吾到？
之後我見呢位b 君咁惡劣既質素，叫a 君過黎幫我換左佢，
點知都係果句：落左單冇得換架。
我真係好嬲 但我知到咁都改變吾到熱柑桔既溫度，於是,

我對a 君話：吾該比一杯冰我呀。
a 君：冰加五蚊 (背住我講，仲向相反方向行)
果刻真係把幾火，服務質素差成咁都請既？
加五蚊都算，但你可吾可以尊重下客人，面向佢地講野？
我知果陣係煩忙讚揚時段，但”忙”並吾係”不尊重”既藉口。
我真心真意付出金錢黎呢到消費，不單止係買你地既食物，更買你地既服務！！
錢吾係大晒,但我有權 要求以禮待人既服務態度!
我絕不以遍蓋全，話你地全部人既服務質素都好差，
但我希望貴餐廳可以以此為鍳，吾好重蹈覆轍。

***有幣必有利，我同時想讚揚收銀櫃檯既服務員。
我地比左好多碎銀，但佢都冇發晦氣話吾收，反而面帶笑容。
我問佢拎投訴電話，佢都好誠懇咁留底左聯絡方法，
睇得出佢係有心想比最好既服務顧客。
呢d 先稱得上”待客之道”,a b 君實在好需要向收銀櫃檯服務員學習學習!!