公司開工飯!哈, 大鄉里出城 , 第一次跟同事係酒樓食拿破崙。層層都有生果,好多CREAM, 好好味! 而且又唔貴, 仲有專人幫你切! 黎緊情人節一定同老婆再黎食!

BTW, 佢D點心都唔錯!

同岳母一家人一齊食團年飯, 聽朋友介紹黎左依間食‧因為佢, 我寫了第一篇食評。第一次上黎食就叫左五餸一湯, 六六無窮!

貴花翅好靓! 好似一朵大紅花咁! 聽岳母講依個係懷舊菜式, 估唔到依度有得食。第一次食, 好好食, 又名貴!

上湯澳洲龍蝦團年飯點少得蝦蝦笑, 本來order左黃金蝦, 但師父果日打黎話見到龍蝦靓, 問我地有無興趣, 難得有龍蝦食, 多少少錢都OK。不過, 隻龍蝦真係好鮮好爽, D肉係咁拆黎食, 啖啖肉, 爽爆!

黃金蟹粉石榴球依個我又係第一次食, D蟹粉好濃好香, 石榴球包住一D海鮮, 皮薄餡靓, 仲要熱辣辣咁上碟! 啱哂大人細路食!

百花松子魚依碟就算唔食都睇得下, 色彩繽紛, 我個仔唔食魚, 都好比面咁挾黎食, 仲撈埋汁扒飯食, 就知唔講得笑。條魚炸過都KEEP到咁鮮, 贊!

上湯菜膽雞依個上湯唔油好清。清淡D始終都岩老人家, 我岳父岳母仲打埋包走!